د کولمو د سرطان نښې
د هرې ناروغۍ ځينې نښې نښانې وي، چې له موږ سره مرسته کوي تر څو زر تر زره د خپلې ناروغۍ علاج وکړو. د نوي عصر یو له خطرناکو ناروغيو څخه سرطان دی. دا ناروغي په دې پورې تړلې ده، چې د بدن په کومه برخه حمله کوي. مختلف ډولونه لري، چې ډېر پېژندل شوی ډول یې د غټو کولمو سرطان دی. ځينې سرطانونه د علایمو په درک کولو او وقایې سره دفع کولای شو. له نېکه مرغه د کولمو سرطان هم د وقایې وړ دی. په دې لیکنه کې به تاسو ددې وژونکې ناروغۍ ځينې نښې وپېژنئ.
د کولمو د سرطان نښې:
د غټو کولمو د سرطان عمده نښې نښانې عبارت دي له: د کولمو په عادي فعالیت کې ګډوډي، لکه اسهال یا قبضيت، چې دغه چاره دوامداره شي (له څلور هفتو ډېر)
ـ له ډکو بولو سره د وينې اچول.
ـ د ګېډې دوامداره ګډوډي، درد او یا نورې نښې.
ـ داسې احساس چې فکر کوئ، کولمې مو بېخي خالي دي.
ـ کمزوي او د دوامداره ستړيا احساس
ـ د وزن ناڅاپي کمښت
هېره دې نه وي، چې ځينې ناروغان په لومړيو کې هېڅ ډول نښې نه محسوسوي. دا چاره په لویو کولمو کې د سرطان د ځای او اندازې پورې هم تړلې ده .
ډاکټر ته څه وخت مراجعه وکړو؟
که پورتني ياد شوي علایم مو په خپل بدن کې حس کړل کړل، کوښښ وکړئ ژر تر ژره له روغتياپالانو سره وګورئ.
