To start downloading books

Please sign in or create an account.

خوندور افغاني خواړه وپېژنئ!

خوندور افغاني خواړه وپېژنئ!

لیکنه ـ ریاض مقامزی

خواړه د انساني ژوند د بقا لپاره خورا اړین بلل کېږي، چې بېلابېل ډولونه لري. ځينې خوراکونه د نړۍ په سطحه پېژندل شوې وي او هر چېرې یې موندلای شو؛ مګر ځينې نور بیا په سیمه ييزه کچه موجود وي، چې د هیوادونو او محلي سیمو ځانګړې خواړه بلل کېږي. په افغانستان کې هم د خوړو ګڼ شمېر محلي ډولونه موندلای شو، چې د ښه خوند ترڅنګ د چمتو کولو جالبې تګلارې هم لري. موږ په دې لیکنه کې د بېلابېلو سیمه ییزو افغاني خوړو په اړه معلومات چمتو کړي دي.

 

افغاني خواړه

له "افغاني خوړو" څخه موخه هغه خواړه دي، چې د افعانستان په جغرافیه کې پیدا کېږي او اصلي چمتو کوونکي یې د همدې وطن خلک وي. مثلا "پیتزا" اصلا د "ايټالویانو" خواړه بلل کېږي؛ خو وروسته یې ډېر شهرت پیدا کړ او ټولې نړۍ وپېژنده.

زموږ په هېواد کې به هم داسې خواړه بېخي ډېر وي، چې افغانان یې تیاروي؛ مګر مشهور ډولونه یې بیا دومره ډېر نه دي. ځينو ته یې په دې توګه اشاره شوې ده.

 

بولاني

د خوندورو افغاني خوړو په ډله کې "بولاني" ځانګړی مقام لري. البته په وروستيو کې دې خوړو په نړېواله کچه هم شهرت موندلای دی. بولاني داسې تیارېږي. د اوړو له لمدولو وروسته، چې کوم خمیر لاسته راځي هواروي. منځ یې له ګندنې او جوش کړي الوګانو څخه ډکوي. یا هم دواړه ګډ سره اچوي. بیا یې بندوي او په غوړو کې سره کوي. البته ځينې خلک یې په تنور کې هم پخوي چې تندوري بولاني بلل کېږي.

وروسته له پخېدو (سره کېدو) یې له ترخه چکنيو سره نوش جان کوي. هېره دې نه وي، چې اکثره خلک له بولانيو سره تروې (شړومبې) هم څښي او وایي چې په دواړه په ګډه ښه ذایقه لري.

 

لاندی

دا له غوښې څخه تیارېدونکي خواړه دي. اصلا یې د پکتیا او پکتیکا خلک چمتو کوي؛ البته د کوزې پښتونخوا په لرې پرتو سیمو کې هم تیارېږي. د ژمي په شروع کېدو یو وری اخیستل کېږي او له حلالې وروسته یې غوښه په ځانګړې طریقې جلا کېږي او وروسته وچول کېږي.

د ژمي په سختېدو سره ترې خواړه چمتو کېږي او له وریجو سره، په یوازې توګه او نورو بېلابېلو طریقو سره پخېږي، چې یو ځانګړی خوند لري.

 

غوربندۍ شوله

دا خواړه له غټو وریجو څخه چمتو کېږي. دا چې چمتو کوونکي یې د غوربند سیمې اوسېدونکي دي نو ځکه یې "غوربندۍ شوله" بولي.

په دې خوړو کې له وریجو، ميو او د وري له "دال نخود" لرونکې قورمې څخه ګټه اخیستل کېږي. هېره دې نه وي، چې تراخه مساله جات او نور تازه سلاد ددې شولې خوند څو چنده ډېروي.

 

آش

دا خواړه اکثرا په ژمي کې چمتو کېږي. په ځانګړې توګه هغه وخت چې د کورنۍ کوم غړی ټوخی ولري. په دې خوړو کې له آش، کچالو، ټېپر (شلغم)، لوبیا، نخود، تازه دڼيا، دال نخود، مستو، چکې او قروتو څخه استفاده کېږي.

همدارنګه ځينې خلک د لا ښه خوند لپاره په کې تور مرچ هم ور اچوي. د مریض لپاره سپارښتنه دا وي، چې د بخارۍ ترڅنګ په ګرم ځای کې دې یې وخوري او بیا دې ویده شي، نو ډېر ژر به یې ټوخی ودرېږي. په هر حال؛ دا خواړه روغو او ناروغو ټولو لپاره دي او ښه خوند لري.

 

ډنډکی

دا د خوست د خلکو ځانګړي خواړه دي. د خوست په اکثرو سیمو کې د "میو وریجي" په نوم هم شهرت لري. په دې خوړو کې له وریجو، میو او اصلي وطني غوړیو (د غوا غوړيو) څخه استفاده کېږي. که په خوست کې ملګري لرئ او ورتللئ نو دا خوندور خواړه پرې حتما چمتو کړئ.

 

قابلي پلو

له نریو وریجو څخه چمتو کېدونکي دا خواړه د افغانستان ترڅنګ، په ګانډيو هېوادونو او نوره نړۍ کې هم مشهور دي او ډېر مینوال لري. په قابلي پلو کې له نریو وریجو، د وري له یخني شوې غوښې، ګازرې، ممیزو، ممپلیو او آن پستې څخه هم ګټه اخیستل کېږي. البته دا خواړه اکثرا په ودونو کې چمتو کېږي.

 

آشک

دا د افغاني خوړو یو بل مشهور ډول دی، چې د اوړو له سخت خمير څخه تیارېږي. دا خمیر بیا د کوچنيو دایرو په شکل قطعه کوی. وروسته یې د میده شوې ګندنې څخه ډکوي او جوشوي. له جوشېدو وروسته پرې قروت، چکه، دڼيا، قورمه او دال نخود اچوي، بیا یې خوري.

 

منتو

د افغاني خوړو په نوملړ کې "منتو" هم ښه نوم لري. دا خوندور افغاني خواړه د اوبو په بخار پخېږي. په دې معنا چې اوبه جوشېږي او د جوشو اوبو پر بړاس پخول کېږي. د منتو خمیر د کوچنيو دایرو په شکل جوړېږي، چې منځ یې د ډک کېدو وړ وي. د منځ خالیګاه یې له غوښې، پیازو، هوږې، لم، دڼيا څخه ډکېږي او د اوبو په بړاس پخول کېږي.  له پخېدو وروسته بیا پکې لوبیا، چکه او یا تروشې مستې اچول کېږي او په کاشوغې سره خوړل کېږي.

Related Articles

Casa 1000 project کاسا زر پروژه

کاسا (CASA)1000 پروژه CASA= Central Asia to South Asia  د مرکزي اسیا-جنوبي اسیا د برېښنا پروژه چې په عام ډول د CASA-1000 په نوم یادېږي، د 1.170 میلیارد ډالرو په ارزښت پروژه ده چې دا مهال تر کار لاندې ده چې له قرغزستان او تاجکستان څخه افغانستان او بالاخره پاکستان ته د اضافي برېښنا د صادروی.  د دې پروژې لپاره چمتووالی د 2016 کال په مې میاشت کې د څلور...

د طورخم بندر اقتصادي اهمیت پاکستان ته ډیر دی که افغانستان ته؟

لیکونکی: ساحل ګلابزی لومړی: تاریخي شالید طورخم بندر، چې د افغانستان او پاکستان ترمنځ په ختیځه پوله کې موقعیت لري، یو له مهمو سوداګریزو لارې څخه ګڼل کیږي. دا بندر له دواړو هیوادونو سره تاریخي او جغرافیايي اړیکې لري او د سیمې لپاره یو ستراتیژیک مرکز ګڼل کېږي. د پاکستان او افغانستان ترمنځ سوداګریزې اړیکې او راکړه ورکړه په ډېرې برخې کې د طورخم بندر ل...

امتحان د دوو نفرو و، خو پارچه پنځو نفرو حل کړه.

زما چې د ماستري دفاع خلاصه شوي وه او د ديپلوم د اخيستو لپاره مې بايد يوه مياشت انتظار کړی وی.  داچې د کرونا له امله دیری توریستي ځایونه بند وو، نو نه مې شو کولی چې چیرته په چکرلاړ شم. زما لپاره یواځنی ساعت تیری د فلم کتل، کتاب لوستل، انلاین سترنج او ټولنیزي رسنۍ وې. بل دا چې د ماستری په دوره کې مې ډیر کم وخت پیدا کوو چې د 6 یا 7 ساعتو زیات خوب وکړم...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...