⭕ کولیسټرول Cholestrole یا د وینی غوړ څه شی دی ؟
🩺 تعریف : کولیسټرول د وینی د غوړو څخه عبارت دی چې د ینی ( liver ) په واسط تولیدېږی ، او د بدن د نورمالو وظایفو د پرمخ بیولو لپاره ضروری دی . کولیسټرول په وینه کی د پروټینو سره په ترکیبی ډول موجود وی چې د دواړو ترکیب د لیپوپروتینو Lipo protien په نوم یادېږی .
🩺 :
د کولیسټرول وظیفی
1 : د بدن د حُجراتو د باندنی طبقی جوړښت .
2 : حُجراتو ته د قابل جذب موادو مشخص کول چې کومو ته اجازه ورکړی او کومو ته یی ورنکړی چې حُجری ته داخل شی .
3 : د جنسی هورمونونو په تولید کی هم دخیل دی .
4 : همدا رنګه د ادرنال غدی د هومونو ( کورټیزول ، کورټیکوسټیرون ، الدوستیرون او نورو ) په تولید کی هم مهم رول لری .
5 : د صفرا په تولید کی هم مرسته کوی .
6 : د لمر د وړانګو په واسطه د ویټامن ډی په اخیستلو کی هم مرسته کوی .
7 : د هغه ویټامنونو په جذب او میتابولیزم کی هم مرسته کوی کوم چهګې په غوړو کی د حل کیدو قابلیت لری لکه :
Vitamin A , D , E & K .
8 : همدا رنګه د عصبی ریښو پوښل .
🩺 د کولیسټرول یا لیپوپروټینو ډولونه :
1 : ټیټ غلظت درلودونکی لیپوپروټین یا Low density lipoprotein ( LDL ) : دا ډول لیپوپروتین یا کولیسټرول د بدو يا مُضِره لیپوپروتینو په نامه هم یادېږی ، دا ډول لیپوپروتین ، کولیسټرول د ینی ( liver ) څخه حُجراتو ته اِنتقالوی چې په نتیجه کی په حُجراتو او د هغه په شاوخوا کی د هغوی ډېروالی د وینی د رګونو د تنګوالی او د هغه د دیوالونو د سختوالی سبب ګرځی چې په نتیجه کی لوړ فشار ، د رګونو شکیدل او داسی نورو مُشکلاتو سبب کیدای شی .
2 : لوړ غلظت درلودونکی لیپوپروتین یا High density Lipoprotein ( HDL : دا ډول لیپوپروتین د ښه يا مفيده لیپوپروتینو په نوم هم یادېږی ، دا ډول لیپوپروتین ، کولیسترول د بدن د حجراتو څخه ینی ته انتقالوی او په ینه کی ټوټی کیږی او د بدن څخه خارجیږی چې په نتیجه کی د رنګو د تنګوالی څخه مخنیوی کیږی .
3 : ترایګلایسرایډ Triglycerides : ترایګلایسرایډ یو کیمیاوی ترکیب دی په کوم کی چې په ډیر مقدار غوړ موجود دی . دا ترکیب د وینی په پلازما کی موجود وی ، نوموړی غوړ زموږ د غوړو غذایی موادو څخه کوم چې موږ یی په ورځنیو خوړ کی اخلو منشه اخلی او همدا رنګه په بدن کی د نورو غذایی مواد لکه قندی مواد او داسی نورو څخه هم جوړېږی کوم چې زموږ د بدن د مصرف څخه زیات شی . نوموړی مواد د بدن په شحمی حُجرو کی ذخیره کېږی .
Dr enayatulllah himat
