حتما به داسې پېښ شوي، چې د چا له خبرو متأثر شوي یئ او دا کړنه په ټولنیز ژوند کې بېخي عادي ده. هر څوک د یو چا له خبرو اغېزمن کېږي او خوند ورکوي. پوهېږئ علت یې څه دی؟
یوازې همدا چې د هغه خبرې بې پيغامه او بې څه نه وي، نو موږ هم په دې لیکنه د امریکايي فیلسوف او لیکوال امرسن (Relaph Waldo Emerson) هغه جملې تاسو ته وړاندې کوو، چې ممکن ژوند او فکر مو بدل کړي. تاسو یوازې هره جمله څو وارې ولولئ او پخپل فکر یې تحلیل کړئ، چې د ویناوال موخه څه ده.
ـ په یوې دقیقې غوسې سره، شپېته ثانیې خوښي له لاسه ورکوو.
ـ ناپوه خلک په چانس باور لري، هوښيار خلک په علت او معلول.
ـ غلام فقط یو بادار لري، خو تمه کوونکی شخص د هغو ټولو خلکو غلام دی، چې دی ترې تمه لري.
ـ څه چې یئ، تر هغه څه چې وایئ، تاسو ښه معرفي کوي.
ـ لوی انسانان هغه دي، چې پوهېدلي؛ معنوي ځواک تر مادي ځواک غښتلی دی. عقل او فکر دي چې په نړۍ واکمني کوي.
ـ بخت د هدف درلودلو یو بل نوم دی.
ـ سلا او مشوره یو داسې هنر دی، چې تاسې د هغو په مرسته هر څوک خپلې همکارۍ ته رابولئ.
ـ کلونه موږ ته ډېر شیان راښودلی شي، چې ورځې له هغو بې خبره دي.
ـ فطرت په دې اصولو عمل کوي؛ ټول د هر یوه لپاره او هر یو د ټولو لپاره.
ستاسو یې کومه وینا خوښه شوه؟
