د لوی، منځني او کوچنيو انسانانو پېژندنه
د ژوند د پرمختګ د کچې پيژندلو ساده توکي
لومړی درس: لوی خلک د هر چا تر مخه سلام اچوي، منځني خلک په سلام اچولو کې عجله نه کوي مګر کوچني خلک بيا دېته ګوري چې نور خلک پر هغوی سلام واچوي.
دوهم درس: لوی خلک لومړی فکر کوي او وروسته خبرې کوي. منځني خلک لومړی خبري کوي وروسته فکر کوي . کوچني خلک اصلا هیڅ فکر نه کوي.
دريم درس: لوی خلک د نورو بديانې هيروي. منځني خلک د نورو خلکو ښيګڼې هیروي او کمزوري خلک هیڅ نه غواړي چې څه شی هیر کړي.
څلورم درس: لوی خلک انتقاد مننونکی وي. منځني خلک د انتقاد څخه تيښته کوي او کوچني خلک په انتقاد باندې جنګ کوي.
پنځم درس: لوی انسانان خپلې تېروتنې جبرانوي. منځني انسانان خپلې تیروتنې تکراروي مګر کوچني انسانان اصلا هيڅ باور نه کوي چې دوی تیروتنې کوي.
شپږم درس: لوی انسانان تل د نورو خلک مقام ته درناوی کوی. منځني خلک همېشه د ځان په اړه فکر کوي مګر کوچني خلک د نورو خلکو د غورځيدو لپاره فکر کوي.
اووم درس: لوی انسانان تل نور ستايي. منځني انسانان د نورو خلکو تماشې کوي مګر کوچني انسانان په نورو خلکو ملنډې وهي.
اتم درس: لوی انسانان دملګرتیا دایره پراخوي. منځني خلک د ملګرتیا دایره ساتي مګر کوچني خلک د ملګرتیادايره له منځه وړي.
نهم درس: لوی انسانان پر نورو مصرف کوي. منځني خلک پر ځان پیسې مصرفوي مګر کوچني خلک ځان پر پیسو خرڅوي.
لسم درس: لوی انسانان یووالی رامنځ ته کوي. منځني خلک یووالی ساتي مګر کوچني خلک نفاق رامنځ ته کوي.
همدغه ټول انسانان د یو بل په چاپیر کې ژوند کوي مونږ هم ددغه انسانانو برخه یو. باید کوښښ وکړو چې په ځان کې د لوی خلکو ځانګړتياوې پيدا کړو. په دغه برخه کې باید حریص وواسو تر څو د ژوند د چاپيريال شااوخوا غوره ځانګړنې د ځان لپاره وټاکو.
