صبر
هيڅ ډول سختۍ او تکليف ته مه تسليمېږئ!
صبر او لمونځ له تاسو څخه هر ډول سختي او تکليف لرې کولای شي.
( يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ ). سورت البقره، ايت: ۱۵۳.
ژباړه: ای هغو کسانو چې ايمان مو راوړی دی، مرسته وغواړئ له الله تعالی جل جلاله څخه په صبر او لمانځه سره، بېشکه الله تعالی جل جلاله له صبر کوونکو سره دی. کابلی تفسير، لومړی ټوک، ص: ١٥٠.
د پورته ايت د تفسير په موجب صبر د اسلام يو مهم جز دی او د مومن يوه عمده ځانګړتيا ده، کله نا کله الله تعالی جل جلاله خپل بنده ګان د يوې سختۍ او تکليف سره مخامخ کوي لکه بې وزلي ( فقر )، د اولاد مرګ، ناروغي، بيکاري او داسې نور، او په دې شکل يې ازموېنه اخلي نو که چېرته بنده ګان په يادو سختيو او مصيبتونو صبر وکړي او الله تعالی جل جلاله ته رجوع وکړي نو الله تعالی جل جلاله به يې له دې هر سختۍ او تکليف څخه وژغوري او لوړې مرتبې به ورکړي.
