قهوه په نړۍ کې یو له هغو څښاکو څخه ده، چې ډېر زیات مینوال لري. که ستاسو هم قهوه خوښېږې نو ددې څښاک په اړه به په دې لنډه لیکنه کې لا ډېر پوه شئ.
د قهوې په اړه زړه راښکونکي حقیقتونه
ـ په ټوله نړۍ کې هره ورځ نږدې ۲.۲۵ میلیارده پیالې قهوه څښل کېږي.
ـ تاسو به حیران شئ که وپوهېږئ، چې وروسته له نفتو دوهمه لويه سوداګري د قهوې ده.
ـ روغتياپالان وايي د قهوې د څښاک غوره وخت د ورځې له ۹:۳۰ تر ۱۱:۳۰ دی. په دې وخت کې د قهوې څښاک پر انسان ډېر اغېز کوي.
ـ یوه پياله قهوه په کافي اندازه د وینې جریاني ښه کوي.
ـ ډاکټران توصیه کوي، چې امیدوارې مېرمنې دې د ورځې له ۲۰۰ میلي ګرامو ډېره قهوه نه څښی. ځکه چې د جنین ارګانونه نه شي کولی کافئین جذب کړي. نو غوره ده چې امیدواره مېرمنې له قهوې ډډه وکړي.
ـ هغه نارینه چې په مناسبه اندازه قهوه څښي په پروستاتي سرطان د اخته کېدو ګواښ یې کمېږي.
ـ د قهوې بوټي له اویا "۷۰" څخه په ډېرو هېوادونو کې کرل کېږي.
ـ لومړني خلک چې قهوه یې وپېژنده د اتوپيا اوسېدونکي وو.
ـ برازېل په ټوله نړۍ کې د قهوې ستر صادرونکی هېواد دی.
ـ که له کافي اندازې ډېره قهوه وڅښئ نو له بې خوبۍ، د وینې لوړ فشار، او په بدن کې د اوسپنې له کمښت سره مخ شئ.