نظميه هائيکو
هسې خو په پښتو شاعرۍ کښې بلها هائيکوګاني ليکلے شوي دي خو زما په خيال د نظميه ھائيکو په رنګ هائيکوګاني پکښې تر اوسه چا نه دي ليکلے. ما ھائيکو نما نظم په ۳ مئ ۲۰۱۰ کښې په بحيره عرب کښې هغه وخت اوليکلو کله چې ما په جھاز باندې نوکري کوله - او د خيره اوس زما د شاعرۍپه دويم کتاب کښې په کال ۲۰۲۲ کښې چاپ هم شو- هيله لرم چې زمونږ ځلمي او د راتلونکي دور شاعران به په دغه اړه نور کار هم اوکړې . او د پښتو ادب دغه نوے قسمه به په خپله شاعرئ کښې استعمال کړي.
مسلسل هائيکو ما په خپل اولني کتاب شور مي د قلم په ژبه راوله کښې په کال ۲۰۰۸ کښې هم چاپ ده
دغه هائيکو نما نظمونه يا نظميه هائيکوګاني څه داسې دي
۱- (هائيکو نما نظم )نظميه هائيکو
نه راځي په بېرته تېر ساعت د ژوند
تا پکښې پردۍ ټپې وئيلې به
ځان ته چې د ځان د وېنا وخت ؤ نو
قصه مې د ويجاړ ګلشن راخستې ده
پريږدئ چې جذبې ځوانې راپارې کړم
ټپه شوم يه قربان د وينا وخت ؤ نو
داسې د غفلت ژوندون مې نه لګي
څنګ مې د دنيا کاروبار کړے وے
جمات کښې د اذان د وينا وخت ؤ نو
چا وے چې ضمير د دۀ اودۀ دے لا
الياس به د خوارانو اواز پورته کړو
خان ته چې د خان د وينا وخت ؤ نو
مئ ۲۰۱۰ بحيره عرب
نظميه هائيکو
زمونږ اصلي دشمنان دا خلق ديڅوک چې ډالر اخلي پښتون وژنينو خدايه د هغو وزرې اوسيزه
هسې دعوے د مسيحا کوي خو
مونږ له په ګرانۍ ئې څرمن اوويسته
خدايه لږ د دو وزرې اوسيزه
زمکه ئې پرېښودې په هوا ګرځي
ستا په شانې زه هم ورته قار يمه
خدايه د ميږو وزرې اوسيزه
ورکه دې شي دغه ستړي خؤشي ده
درد چې داولس پکښې بيان نه شي
خدايه د زبيرګو وزرې اوسيزه
راغونډ چې د پښتون په بربادۍ شي نو
زه ئې په الوت خوشحاله نه يمه
خدايه د جرګو وزرې اوسيزه
ليک - محمد الياس
