په يو ټيم کې په شريکه د کار کولو ګټې

Ketabton
Ketabton
Author
1 min read
3,396
په يو ټيم کې په شريکه د کار کولو ګټې

ګډ کار يا په يو ټيم کې په شريکه کار ډېرې ګټې لري، مګر بدبختانه دا بايد په تاسف سره ووايم، چې دلته یوه لویه بدبختي دا ده، چې ځوانان په ګډه یا یو ټیم کې کار نه ترسره کوي. هر يو ځان ځاني خوښوي، هر یو ځان ته بېله، بیله جنډه پورته کوي، او کوښښ کوي د یو کار ترسره کولو کریډټ ټول پخپله ځان ته واخلي.! 

د نورې نړۍ خيريه بنسټونه چې وګورئ، يو به رئيس لري، سل نور به يې غړي وي او د رضاکار په صفت به هر يو کس خيريه بنسټ سره کار کوي٠ کله چې بنسټ يو خير کار کوي، نو ټول يې په ګډه کار کوي، او کريدټ هم ټول په ګډه اخلي.

زموږ وطن کې يو کس ټول خيريه بنسټ چلوي٠ کار په يو ګروپ، يو ټيم او په ګډه خوند کوي٠ هر ګډ کار او فعاليت اغيز د انفرادي کار څخه سل چنده بهتر وي٠ دا چې هر يو کس بيله بيله جنډه پورته کړي وي، دا د ځان ځانې نښه ده٠ نوره دنيا کې که کوم بنسټ غړي و نه لري او ګډ فعاليت و نه لري، هغه کس او د هغه بنسټ ورته د باور او منلو وړ نه دي. نور به مو څه سر خوږوم. په پښتو کې یو مشهور متل دې، چې په یو ګل نه پسرلې کېږي. 

دا چې زموږ خلک په ګډه یا په یو ګروپ کې کار نه شي ترسره کولای، د دې ډېر سببونه او ډېر علتونه دي. د بېلګې په توګه، کله چې یوه کورنۍ کې ماشوم وي، هغه کورنۍ دا ماشوم د نورو همزولو سره پرتله کوي، چې پلانکې د تا نه ښه دی، هغه ډېر درس وايي، او ته درس نه وایې. دا پرتله کول پخپله د ګټې په ځای ډېر تاوانونه لري. ماشوم بخيل او منفي فکر سره را لويږي. که ماشوم لوی هم شي، نو چې هر ځای ته ځي ځان د نورو سره پرتله کوي، او هیڅ نه غواړي چا ته ځان کم راولي یا چا ته ووايي، زه په دې کار نه پوهیږم. 

تاسو مختلفو ښوونځيو یا پوهنتونونو ته لاړ شئ، یوه اداره کې به ډېر ښوونکي کار کوي، خو یو د بل سره به جوړ نه وي. یو به یو سره خبرې نه کوي، او همداسې د یو بل شخصيت وژنه کې به خپله انرژي مصرفوي. اصل کې باچاه خان بابا وايي: په خدمت کې اختلاف نه راځي، اختلافات خودغرضې څخه پېدا کېږي. یوه لويه ستونزه زموږ ټولنه کې دا هم ده، چې هر یو کس خودغرضه دې. 

د نړۍ مشهوره بشرپاله مېرمن، مور ترسا وايي: تاسو هغه څه کولای شئ، هغه زه یې نشم کولای. زه چې هغه څه کولای شم، هغه تاسو نه شې کولائ؛ خو په ګډه موږ کولای شو لوی کارونه ترسره کړو. 

اوس که یو کس وايي، زه ټول کارونه پخپله ترسره کوم. بلکل ټول کارونه به مخ په وړاندې بوځي، خو که يو ځای کې وړې ستونزې سره مخ شي، نو بیا یې ټول هغه فعالیتونه د ځنډ سره مخ کېږي ؛ مګر ګډ کار کې د یوې ستونزې حل د یو همکار لخوا ضرور منیځ ته راځي. 

هر انسان یوې نېکې مشورې، همکاري او اصلاح ته اړتیا لري، نو دا هغه وخت مینځ ته راځي، چې کله یو ښه ټیم موجود وي ، او ټول همکاران په ګډه کار کولو څخه خوند اخلي. 

 

د ګډ کار لپاره مهم ټکي کوم یو دي؟ 

لومړی د ګډ کار لپاره متقابل احترام، او فیډ بیک ډېر مهم دی. دوهم د ګډ کار لپاره باور همېش موجود وي. دریم مسئولیت د هر چا معلوم وي، او هر یو باید خپل کار په ټاکلي وخت ترسره کړي. څلورم د همکارانو په مینځ کې اتفاق پکار دې. پنځم مهم ټکې صداقت او تشویق دې. 

 

د ګډ کار ګټې کومې دي؟ 

لومړی، د حل لاره هرې ستونزې ته ډېر ژر پېدا کېږي. دوهم، ډېر ژر نوي او ګړندي نوښتونه مینځ ته راځي. دریم، ستونزې ډېر ژر په ګوته کېږي. څلورم، د تولید وده ډېر ژر لاس ته راځي. پنځم، سالم رقابت د ټولو همکارانو لخوا مینځ ته راځي. 

همدارنګه د ګډ کار په اړه ډېرې ویناوې دي لکه، وړتیا لوبه ګټلې شي، مګر د یو ټیم په ګډه کار او زیرکتیا اتلولي همېش لاس ته راوړي. په هر حال، په لنډیو الفاظو کې به ووایو، چې په ګډ کار کولو سره هر څوک ډېر څه تر لاسه کولای شي. 

په دې هیله چې په ګده خپل ګران افغانستان ته خدمت وکړو، او د ټولو بدبختیو څخه يې لرې وساتو.
 

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د نړۍ تر ټولو لوی مار چېرته لیدلی شوی دی؟
Pashto
Dec 02, 2021
11,389 views

د نړۍ تر ټولو لوی مار چېرته لیدلی شوی دی؟

لیکنه: شکېبا نادري، د نړۍ تر ټولو لوی مار چېرته لیدل شوی دی؟   موږ ټول پر دې پوهېږو چې دوه ډوله حیوانات شته دي، چې یو یې وحشي او بل یې اهلي حیوانات دي.  ډېری خلک له حیواناتو سره مینه لري او په کورونو کې یې ساتي لکه پیشو، روزل شوي سپي او بېلابېل ال...

Written by imranghani Read more
دا کړنې مو د خپلې لور سره بریالۍ اړیکې ته هڅوي
Pashto
Dec 08, 2021
2,769 views

دا کړنې مو د خپلې لور سره بریالۍ اړیکې ته هڅوي

لیکنه: شکېبا نادري، دا کړنې مو له خپلو لوڼو سره بریالۍ اړیکې ته هڅوي    اولاد که هغه لور وي او یا زوی د بنده ګانو لپاره د خدایﷻ هغه ډالۍ ده چې هېڅکله یې شکر نه شي پر ځای کولای. دا ښکاره خبره ده چې پر مور او پلار خپل ټول اولادونه یعنې هم لوڼې او هم...

Written by imranghani Read more
واش برخی ‌ډیر مهم سوالونه او ځوابونه
Pashto
Mar 19, 2023
2,531 views

واش برخی ‌ډیر مهم سوالونه او ځوابونه

د واش برخی ‌ډیر مهم سوالونه او ځوابونه‍۱- د اوبو د مصرف نورم تعریف کړی ؟ځواب: د یو نفر د اوبو مصرف په ۲۴ ساعتونو کی یا په یوه شپه او ورځ کی د پخلی، څښاک، اودس ،حمام او څارویو ته اوبه برابرول د اوبو د مصرف د نورم په نوم یادېږی ، چی په مختلفو شرایط پور...

Written by Faridon Delsoz Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article