څنګه کولای شو صبر ولرو؟

Riaz Muqamzai
Riaz Muqamzai
Author
1 min read
5,581
څنګه کولای شو صبر ولرو؟

لیکنه ـ ریاض مقامزی

په ټولنیز ژوند کې د صبر او زغم لرل خورا مهم دي. که موږ زغم او صبر ولرو خپله ذهني آرامي مو به ساتلې وي او چې ذهني سکون موجود وي نو انسان خپلې ټولې چارې په ښه شکل تنظیمولای شي. د صبر او زغم په اړه چې زه څومره مطالعه لرم، دا کوم څیز نه دی، چې و يې پيرو. بلکې د ځان د قانع کولو یوه تګلاره ده. که دغه تګلاره مو زده وي، نو کولای شو صابر اوسو.

په دې تګلاره کې د ضابر کېدو لومړنی شرط دا دی، چې خپل ځان وپېژنئ. ته په څه کې صبر کول غواړې. د لیکنې تر پایه به پر ټولو خواوو بحث وشي.

د ستونزو پر مهال صبر

ځينې وګړي د ستونزو پر مهال له بې صبرۍ سره مخ کېږي. ستونزې په رښتيا هم د انسان زغم له منځه وړي، خو څه کول په کار دي؟

د ستونزو پر مهال د الله "ج" یادونه او عبادت تاسو ته ډېره انرژي او صبر درکوي. نو که له ستونزو سره مخ یئ، غوره تګلاره همدا ده، چې خپل رب ته پناه یوسئ. خو دا په دې معنا نه ده، چې خپله هڅه به نه کوئ. کوښښ وکړئ د ستونزو د کچې او خنډونو پر ځای یې پر حللارو غور وکړئ. کله چې تاسو هره حل لاره پيدا کوئ، هغومره مو صبر او زغم ډېرېږي. 

د قهر پر مهال صبر

د غوسې او قهر پر مهال د صبر او زغم لپاره ځينې تګلارې وړانديز شوي دي. 

ـ له شیطانه پناه غوښتل (اعوذ بالله من الشیطن الرجيم ...)

ـ د جنګ ځای پرېښودل. 

ـ خپل حالت بدلول. که ناست وئ، پاڅېږئ او که ولاړ وئ کښېنئ.

ـ د اوبو څښل.

ـ څو ګامه منډه اخیستل.

ـ مقابل کس ته نه کتل.

د موخې په ترلاسه کولو کې صبر

ځينې نور خلک بیا د موخو ترلاسه کولو ته ډېره بېړه لري، چې په دې توګه یې زغم پای مومي او له یو ډول ذهني فشار سره مخ وي. په دې برخه کې هم مهمه خبره د خپل زړه او ذهن قانع کول دي. تاسو باید وتوانېږئ چې خپل ځان ته قناعت ورکړئ. "هر رقم چې زه غواړم هماغسې کېږي."، "هر څه به سم شي."، "الله "ج" مهربانه ذات دی."، "لږ وخت نور پاتې" او ... دې ته ورته نور هغه جملې دي، چې تاسو ته صبر او زغم درکولای شي.

په پرمختک کې صبر

په دې برخه کې هم اکثره خلک له بې صبرۍ سره مخ دي. خو دا چاره هم د حل کېدو وړ ده. 

آیا تاسو چې پيدا شوئ، خبرې مو کولای شوې؟ په لاره تلل مو زده وو؟ خپله کورنۍ مو پېژندله؟

ځواب به مو حتما "نه" وي. نو همداسې پرمختګ هم وګڼئ. هر څه تدريجي پر مخ ځي. نن چې په کوم موقف کې یئ ممکن څه موده وروسته نه اوسئ. نو ولې تشویش کوئ؟

ددې ډول خلکو لپاره همدا جمله کافي ده، چې "هر څه کېږي خو پخيل وخت کې."

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د ښه ملګري ځانګړنې!
Pashto
Jun 13, 2021
7,331 views

د ښه ملګري ځانګړنې!

په ټولنیز ژوند کې انسان له خپلې کورنۍ او نږدې خپلوانو وروسته پر خپلو ملګرو ډاډه وي. په رښتيا هم "ملګري" زموږ او ستاسو په منفي او یا هم مثبت بدلون کې رغنده رول لوبوي. که ملګري مو ښه وي، تاسو هم مثبت بدلون کوئ او که بد وي نو بدې کړنې به زده کوئ. په دې...

Written by Riaz Muqamzai Read more
غواړم لیکواله شم؛ خو څنګه؟
Pashto
Jul 08, 2020
4,884 views

غواړم لیکواله شم؛ خو څنګه؟

یوې خور په فېسبوک کې پيغام راته پرېښی و، لیکلي یې وو: «ډېری وخت غواړم يو څه وليکم او هغه څه چې ذهن کې يې لرم، کټ مټ یې لوستونکو ته وړاندې کړم؛ خو په خواشینۍ سره دا کار کوی نه شم، ځينې وخت کلمې رانه ورکې شي او کله هم وایم، څه چې لیکم، د لیکلو نه دي، پ...

Written by Ketabton Read more
د کتابتون ډالۍ (۱)
Pashto
May 28, 2021
3,384 views

د کتابتون ډالۍ (۱)

لیکنه ـ ریاض مقامزی په نړۍ کې اکثره خلک د تېر او یا هم د راتلونکي په اړه فکر کوي. یا به پر خپلو بریاوو ویاړي او یا به خپلو ناکامیو ته د بې وسۍ اوښکي تويوي. همدارنګه د راتلونکي په اړه هم دوه ډوله فکر مسلط دی. یوه ډله وګړي راتلونکي ته خوښ وي او دویمه...

Written by Riaz Muqamzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,404 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,128 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,882 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article