د پوشکین ژوند ته یوه لنډه کتنه
د پوشکين په اړه د روسيې بل نامتو لیکوال ماکسیم ګورکي وايي: "پوشکين په روسي ادبیاتو کې د ټولو پيلامو پیل دی."
د روسیې دغه نامتو لیکوال په "۱۷۹۹م" کال کې د روسیې په پلازمېنه مسکو کې دې نړۍ ته سترګې وغړولې. بشپړ نوم یې الکساندر پوشکین "Alexander Pushkin" دی. نوموړی په یوې لویې کورنۍ پورې تړاو درلود، خو دده زېږېدنې پر مهال د کورنۍ پخوانی روب داب نه پاتې.
کله چې دولس کلن شو، په "تسارسکویوسلو" ښوونځي کې زده کړې پیل کړې. دا هغه ښوونځی دی، چې لومړني الکیسانډر جوړ کړی دی، او هلته د لویو کورنيو ماشومان زده کړې کوي. وروسته په پيټرزبرګ کې د بهرنیو اړيکو پوهنځی هم ولوست. خو نوموړي به د رسمي زده کړو، ترڅنګ د ادیبانو مجلسونو هم نه قضا کول او اروپايي ادبیات هم په مینه لوست.
پوشکين په کم عمر کې شعر لیکل پيل کړي وو. آن د لیسې په دوره کې یې ۱۰۰۰ پاړکي شعرونه لیکلي وو. همدارنګه ډېر ژر په ټوله روسیه کې مشهور شو. هرې ادبي غونډې کې به یې تود هرکلی کېده. له ډېرو ادبي هڅو او لاسته راوړنو وروسته په "۱۹۳۷م" کال کې ووژل شو.
د شعر بېلګه:
دا غمجنې شان شېبې
او ستا د سترګو له ښکلا چې رخصتېږم
دا وختونه مې خوښېږي
طبیعت په تشریفاتو خاورې کېږي
ځنګل سرې او طلایي جامې اغوستې
او وږمې داسې شغېږي
لکه څوک چې په آرامه ساه اخلي
لړې ګرځي پر آسمان یې
د څپو څادر خپور کړی
د لمر وړانګې هم تار تار دي
د هوا دا سړې منډې
لا له ورایه راته ګواښ کړي
چې سپين ژمی را روان دی.