To start downloading books

Please sign in or create an account.

بي دوه پنځوس" څه ډول الوتکې دي؟"

بي دوه پنځوس" څه ډول الوتکې دي؟"

ژباړه ـ ریاض مقامزی

په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟ 

ددې لیکنې تر پايه به مو دواړه پوښتنې حل شي. 

 

ځانګړتياوې 

وړاندې له دې چې ددې الوتکې په اړه نور جالب معلومات ولولئ، مهمه ده، چې په اړه یې لږه عمومي پوهه ترلاسه کړئ.

  1. نوم ـ بي دوه پنځوس (B - 52)
  2. ډول ـ بم غورځوونکې 
  3. جوړونکی هېواد ـ امریکا
  4. شرکت ـ بوئينګ 
  5. لومړنۍ الوتنه (پرواز) ـ "۱۹۵۲م" د اپرېل پنځلسمه
  6. د جوړو شوو الوتکو شمېر ـ ۷۴۴
  7. اوسنی شمېر ـ ۶۴ الوتکې
  8. د هرې الوتکې قیمت ـ ۱۴/۴۳ میلیونه ډالر

 

د بي ـ ۵۲ الوتکې وړتیاوې

"بي دوه پنځوس" د تاریخ په اوږدو کې تر ټولو د باور وړ بم غورځوونکي الوتکې دي. تر اوسه په لویو جګړو کې کارول شوي دي. دا چې امریکا څو کاله وړاندې ځينې نويوالي په کې راوستل نو وړاندوينه کېږي، چې تر راتلونکو څو نورو لسیزو به هم وکولای شي خپل محبوبیت وساتي.

دا د نړۍ له پیاوړو بم غورځوونکو الوتکو څخه شمېرل کېږي، چې کولای شي په ډېرې چټکټيا سره پر خپلو اهدافو بریدونه وکړي. یو له پیاوړو ځانګړنو څخه یې په لوړه ارتفاع کې پرواز کول دي، چې کولای شي تر دولس زره مترو په لوړوالي کې پرواز وکړي. د سرعت اندازه یې حيرانوونکې ده. کولای شي په یوه ساعت کې ۱۰۰۵ کیلو مټره مساحت طی کړي.

همدارنګه د تېلو له نوي والي پرته کولای شي، تر ۴۱ ساعتونو پورې "۱۲۰۰۰" کیلومتره پرواز وکړي. 

په اوس وخت کې یوازې بي.۵۲ ایچ ماډل یې په نظامي خدماتو بوخت دي. د امریکا هوايي ځواک یې ۶۴ الوتکې په لاس کې لري (کاروي) او اته نور یې ساتل شوي دي.

 

ځینې نور جالب معلومات

  • بشپړ نوم یې B52 استراتوفورترس دی.
  • ددې الوتکو د وزرو اوږدوالی ۵۶ مترو ته رسېږي.
  • د ويتنام په جګړه کې یې د پام وړ رول درلود.
  • په اوس وخت کې دې الوتکو ته د BUFF خطاب هم کېږي.
  • د الوتکې اوږدوالی تقریبا ۴۹ مترو ته رسېږي او لوړوالی یې شاوخوا ۱۲ متره دی.
  • په دې الوتکه کې د جيټ له اتو انجونو ګټه اخیستل شوې ده. 
  • کولای شي ۳۱ تر ۳۲ زره کیلوګرامه وزن پورته کړي.
  • دا الوتکه اصلا د جنرال کرتیس* درناوي لپاره طراحي شوې وه. (* ـ "کرتیس له می" د امریکا هوايي ځواک قومندان و، چې ددې هېواد هوايي ځواک یې ډېر مجهز او پیاوړی کړ."
  • په الوتکه کې د وسلو، بمونو او نورو نظامي تجهیزاتو ځانګړي ځايونه موجود دي.
  • په هر ساعت پرواز کې تقریبا ۱۳ زره لیتره تېل مصرفوي. همدارنګه د یو ساعت پرواز قیمت یې شاوخوا ۷۴ زره ډالر محاسبه شوی دی.
Related Articles

مړینه (مرګ) وپېژنئ

ژباړه ـ وړانګه اکبر   مړینه له ټولو هغو بیولوژیکي دندو څخه یوه نه راګرځېدونکې او دایمي درېدنه ده، کوم چې د یو ژوندي ژوي ملاتړ په غاړه لري. د دماغي مړینې لفظ کله کله د مړینې د قانوني تعریف په توګه کارول کېږي. د پخوانیو ژوندیو ژوو پاتې شوني په نورماله توګه وروسته له مرګه رژېږي یا هم په تجزیه کېدو پیل کوي. مړینه یوه حتمي او نړیواله پروسه ده، چې بلاخر...

ایا پوهېږﺉ چې کوم څاروی د تندې پر وړاندې ډېر تاب لري؟

لیکنه: شکېبا نادري ایا پوهېږئ چې کوم څاروی د تندې پر وړاندې ډېر تاب لري؟   په نړۍ کې دوه ډوله حیوانات شته چې یو ته یې اهلي او بل ته یې وحشي حیوانات وایي، اهلي حیوانات هغو حیواناتو ته وایي چې خلک یې په کورونو کې ساتي لکه، غوا، اوښ، مرکب، پیشو او داسې نور، د ځینو اهلي حیواناتو له غوښې، شیدو او پوستکي څخه ګټه اخیستل کېږي، خو د ځینو څارویو څخه یوازې...

د پښتو یاګانو اسانه زده کړه

لیکنه ـ ریاض مقامزی  وړاندې له دې چې یاګانې شرحه کړو او تاسو یې زده کړئ، مهمه ده، چې پر ځينو نورو مهمو موضوعاتو ډاډه شئ. ۱ ـ یاګانې په یوه ورځ کې زده کېږي.  ۲ ـ څوک چې لوستل کولای شي، یاګانې یې زده دي. فقط په لیک کې یې نه مراعتوي. ۳ ـ د یاګانو زده کړه د کوم نوي څه زده کول نه دي، بلکې د زده شیانو کارول دي.   ياګانې څه دي؟ موږ د ژبې په زده کړه...

Recommended Articles

عثمان کاکړ څنګه ووژل شو؟

پښتونخوا ملي عوامي ګوند ادعا کوي چې د دغه ګوند صوبايي مشر عثمان خان کاکړ وژل شوی دی او دوی سره دې لړ کې کافي ثبوتونه شته. یو شمېر نورو ځايي سیاسي ګوندونو هم د یاد ګوند ملاتړ کړی او د بلوچستان صوبايي حکومت وايي، د پېښې په هکله به څېړنه کوي. د یادونې ده چې د روانې جون میاشتې پر ۱۷ نېټه ویل شوي و، چې د عثمان خان کاکړ سر سخت ټپي شوی دی. له پېښې وروست...

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

څنګه کولای شو ښه شخصيت ولرو؟

 په دې لیکنه کې به تاسو هغه لارښوونې ولولئ، چې تاسو ځانګړي کوي او خلک به مو شخصيت ته درناوی لري.   خپل ظاهر ته ارزښت ورکړئ د هرې اړیکې په شروع کې ظاهري شکل خورا اړین فکټور ګڼل کېږي. په هاروارډ پوهنتون کې ترسره شوې څېړنه ښيي، چې انسانان ظاهر ته په کتو په لومړۍ ليدنه کې د مقابل لوري په اړه له ۳ نه تر ۷ ثانيو پورې  قضاوت کوي.  ددې لپاره چې ځانګړي و ا...