To start downloading books

Please sign in or create an account.

د لرغوني یونان خلکو پر کومو خدایانو باور درلود؟

د لرغوني یونان خلکو پر کومو خدایانو باور درلود؟

ژباړه ـ ریاض مقامزی

لرغونی یونان د تمدن او علومو زانګو ګڼل کېږي، د ګڼ شمېر علومو بنسټ په لرغوني يونان کې ايښودل شوی دی. د یونان پېژندنې د لړۍ په دې لیکنه کې به تاسو د لرغوني يونان د خدایانو په اړه پوه شئ.

 

د لرغوني يونان خدایان

تاريخي څېړنې ښيي، چې يونانیانو به خدایان د انسانانو په څېر تصور کول. هغوی ته به یې انساني صافت ټاکل او پياوړي به یې ګڼل. 

خپل لومړنی خدای یې ګائيا باله، چې د یونانیانو په باور هغه حيوانات، انسانان او نباتات خلق کول. خپل وروستي خدای ته یې د کرونوس نوم ورکړی. دی یې ډېر ظالم او بې رحم باله، دوی به ویل چې کرونوس خدای خپل اولادونه هم خوري. له ټولو اولادونو یې یوازې یو زوی د خپلې مور په مرسته ژغورل شوی دی، چې زېئوس نومېږي.

دوی د زېئوس څنګ ته پر ځينو نورو خدایګوټو هم باور درلود. ویل به یې، چې دا کوچني محلي خدایان دي او پخپله سيمه کې د بشپړې خپلواکۍ او قدرت خاوندان دي.

هومر دا خدایان د انسانانو په شان وښودل. د زېئوس مېرمنې (هرا) په اسمان کې ژوند کاوه. نوموړې د ودونو الهه بلل کېده. یونانیان پر دې باور وو، چې زېئوس خدای درې زامن لري، دا زامن یې هرمس، آرتمس او اپولون نومېږي.

یونانیانو دوی درېيو ته هم پر ځانګړي قدرت درلودلو قایل وو.

هرمس به یې د بارانونو خدایګوټی باله. ارتميس ته به یې د سپوږمۍ او اپولون ته د لمر، رڼا او موسیقي د خدایګوټي خطاب کاوه.

همدارنګه په دریاب کې یې هم خپل خدایان درلودل. ځينې یې د بحرونو، ځينې یې د ساحلونو او ځينې نور یې د سیندونو خدایګوټي بلل.

د ځمکې پر سر ته یې د بوټو، ګلانو، غرونو، مستیو او نورو څيزونو لپاره خپل خدایان مقرر کړي وو. 

ترځمکې لاندې یې هم ځینو خدایانو ته عقیدت درلود. د هغوی له جملې هادس د مړو خدای باله. مینوس د جنت واکدار او هفائیستوس یې د اور خدای باله. 

د کار، جنګ، مینې، ښکلا، هوش، هنر صنعت او په لنډ ډول ویلای شو، چې د ژوند هرې چارې ته یې پر ځانګړو خدایانو او خدایګوټو باور درلود.

یوه بله ډېره جالبه موضوع دا ده، چې دوی پر دې عقیده درلوده، چې زئوس د اولمپيا د غرونو په لوړه څوکه کې اوسېږي. هلته ددوی ریاست و. مشهور خدایان به هلته مېشت وو. دوی به د مشاورت دنده پر مخ وړله. تاریخي څېړنو ددې خدایانو شمېر "دولس" تنه ښودلی. نومونه یې په دې ډول راغلي. 

ـ زئوس ژوپيتر

ـ هرا ژونون

ـ آتنه مينرو

ـ آرتميس دبآن

ـ آفروديت ونوس

ـ دمتر سرس

ـ آپولون قبوسـ

ـ هرمس مركور

ـ آرس مارس

ـ هفائيستوس و ولكن

ـ پوزئيدون نپتون

ـ هستيا وستا

 

په لنډ ډول ویلای شو، د لرغوني يونان خلکو نږدې د ژوند هرې برخې ته ځانګړي خدایان درلودل. که تاسو په دې اړه لا مفصل معلومات غواړئ، خپل نظر په کمینټ کې پرېږدئ ترڅو په راتلونکي کې یې په اړه نور معلومات هم خپاره کړو.

Related Articles

نوم ورکے اتل غازي بخت پور

نوم ورکے اتل غازي بخت پور پښتون قام وخت په وخت داسې اتلان زېګولي دي چې ژوند یې د تاریخ برخه ګرځیدلې او د پښتون قام د فخر، ویاړ او افتخار شمله یې اوچته کړې.خو د بده مرغه ځینې ویاړلي اتلان داسې هم دي چې تر دې د تاریخ د پاڼو نه ورک دي او د دې په شا لویه معمه دا ده چې پښتانۀ چا پرمختګ ته نۀ دي پرېښلي. نۀ یې دغه اتلان منلي او نه یې د نصاب برخه ګرځولې د...

د رومان لنډه پېژندنه

لیکنه ـ ریاض مقامزی د ادبي ژانرونو پېژندنې په لړۍ کې تر دې دمه پر "لنډه کیسه او ناول" بحث شوی وو، مګر دا ځل مو هڅه کړې، چې تاسو ته د رومان په اړه یو څه معلومات چمتو کړو. د لیکنې تر پایه به د رومان په اړه کافي اندازه پوهه ترلاسه کړئ. رومان (رُمان) رومان په نثري ادبي ژانرونو کې یو مشهور ژانر دی. د رومان په اړه ویل کېږي، چې دا کلمه د فرانسوي ژبې ده...

اخلاق او ادبیات

استاد شاعر پیرمحمد کاروان یو نیم ځل په بهیر کې وایي: وبخښئ، لږ شوخ غوندې غزل دی! د کاروان صاحب دغه غزلونه که زه بهیروالو  ته واوروم، زه به بخښنه ونه غواړم. دا ځکه چې زما او کاروان صاحب په اخلاقي نظرونو کې توپیر دی. لکه څنګه چې د دوو کسانو اخلاقي لیدلوري څه نا څه فرق لري، په مختلفو ټولنو او مختلفو زمانو کې هم له اخلاقي ارزښتونو بېله بېله معنا اخیستل...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...