کله چې ګومنځ له وېښتانو ډکه وګورئ حتما حیران او مایوسه کېږئ چې ولې؟
جام جم ورځپاڼې لېکلي، د ویښتانو تویدل یو له هغو ستونزو څخه ده چې بېلابېل لاملونه لرلی شي، دلته مو د وېښتانو تویدلو مهمو لاملونو څخه یادونه کړې ده:
هورموني بدلونونه: ښځې ممکن له امیندوارۍ وروسته او یا هم د امیندوارۍ په وخت کې د ویښتانو تویدولو سره مخ شي، ځکه په دې وخت کې هورموني بدلونونه رامنځ ته کېږي او همدا بدلونونه په ښځو کې د ویښتانو تویدلو ستر لامل دی.
همدا راز سړیان هم د ژنتیکي عواملو تر څنګ د عمر ډېریدلو له امله په هورمونونو کې د بدلون له امله د ویښتانو تویدلو سره مخ کېږي.
د تیروئید اختلالات: تیروئیدي اختلالات د ویښتانو تویدلو هورموني لاملونو څخه یو تر ټولو عام لامل دی. د تیروئید کړنو ډیریدل او کمیدل دواړه د ویښتانو تویدلو لامل کېږي. خو د دغو ستونزو حوارولو سره کولای شئ د وېښتانو له تویدو مو مخ نیوی وکړئ.
خفګان، اندیښنه یا سترس: استرس په فزیکي او رواني ډول کولای شي د ویښتانو تویدلو لامل شي. فزیکي ډول څخه یې جراحي، شدیه تبه، د وینې له لاسه ورکو او زیږون د ښو بېلګو په توګه یادولی شو، خو په فزیکي ډول د ویښتانو تویدل موقعتي دي بېرته د بدن په رغیدو ستونزه حل کېږي.
خو رواني استرس هم مهمه مسئله ده، ډېری خلک وایي چې د ژور خفګان، اندېښنې او استرس وروسته د ویښتانو تویدلو ستونزې سره لاس او ګریوان شوي دي، په ورځېني ډول تمرین کولو او سمې تغذیي سره کولای شئ دا ستونزه حل کړئ.
درمل: ډېری درمل بېلابېل او رنګارنګ جانبي عوارض له ځانه سره لري، چې له ډلې یې هغه درمل چې د ویښتانو تویدلو لامل کېږي عبارت دي له، د تیروئید درمل، کیميوتراپي درمل، د امیندوارۍ څخه د مخنیو ځېني درمل، بتابلاکر درمل، د تشنج ضد درمل او د خفګان ضد درمل. البته، درمل کولای شي په هر چا بېلا بېلې اغیزې ولري او دا په دې مانا نه ده چې دا درمل دې د ټولو ويښتنان توۍ کړي.
تغذیهیي نېمګړتیاوې: په بدن کې د زېنک او اوسپنې کموالی د ویښتانو تویډلو یو له سترو او اصلي لاملونو څخه ګڼل کېږي.
همدا راز په بدن کې د ویټامین A, C, B12, D کمښت ترڅنګ د مس سلنیوم او بیوتین کمښت هم د ویښتانو په تویدلو کې ونډه لري.
لوپوس: لوپوس یوه ناروغي ده، دغه ناروغي هم د ویښتانو تویدلو لامل کېږي، او متاسفانه چې د دې ناروغۍ ځېنې درمل هم ممکن د ویښتانو تویدولو لامل شي.
