To start downloading books

Please sign in or create an account.

په اسلام کې د جګړې اصول

په اسلام کې د جګړې اصول

لیکنه ـ ریاض مقامزی

د اسلام مبارک دین یو بشپړ او جامع دين دی. په اسلام کې د ژوند د ټولو چارو لپاره اصول او مقررات موجود دي. په انساني ټولنو کې د ژوند له نورو چارو سره ـ سره ځينې ناخوالې هم موجودې وي، چې یو له دې ناخوالو څخه جنګ او جګړې دي. همدې ضرورت ته په کتو د اسلام په مبارک دين کې د جګړې خپل اصول موجود دي، چې په دې لیکنه کې پرې خبرې شوي دي.

 

د جګړې اصول 

موږ تل اورېدلي دي او وایو چې اسلام د امن او سولې دين دی. باید ومنو چې دا یو روښانه حقیقت دی. د جګړې په برخه کې رسول الله "ص" بېلابېلې لارښوونې کړي دي، چې سولې، امن، خواخوږۍ، مهربانۍ او زغم ښې بېلګې دي. ځينې یې په دې ډول دي:

 

عبادتځايونه مه ورانوئ!

د اسلام مبارک دین ستر لارښود حضرت محمد مصطفی "ص" امر کړی دی، چې عبادتځايونه مه ورانوئ. علما وايي، چې په دې برخه کې د ټولو ادیانو عبادتځايونه شامل دي. که هغه د هر دین او مذهب پورې اړه ولري، باید وران نه شي. اوس ووایئ په اسلام کې نورو دینونو ته د احترام کومه کچه وینئ؟ 

خو له بده مرغه په افغانستان کې په کراتو ـ کراتو جوماتونه په بمونو والوځل شول، وران شول او په کنډوالو بدل شول. دا خلک ولې د رسول الله "ص" امر نه مني؟ 

 

تسلیم شوي خلک وبخښئ!

اسلام د مینې، مهربانۍ او بخښنې یو عالي بېلګه وړاندې کوي. هغه خلک چې آن ستا دښمنان دي، خو چې تسلیم شي، باید ویې بخښئ. مګر موږ ولیدل چې تسلیم شوي وګړي په ډېرې بې رحمۍ سره ووژل شول. دا خلک ولې د رسول الله "ص" امر نه مني؟

 

له اسیرانو سره ښه چلند وکړئ!

د اسلام په مبارک دین کې د مهربانۍ ګڼې بېلګې موندلای شو؛ یو یې هم دا دی، چې له اسیر (بندي) سره باید نېک چلند وشي. خو تاسو به هم لیدلي وي، چې بې وسه اسیر د یوې ټوکې یا خبرې په پار په خوله ـ خوله وهل کېږي او وروسته یې مړی موندل کېږي. دا خلک ولې د رسول الله "ص" امر نه مني؟

 

اندامونه مه غوڅوئ!، د اجسادو بې حرمتي مه کوئ!

رسول الله "ص" په جلا ځايونو کې دا لارښوونې کړي دي او له مسلمانانو یې غوښتي دي، چې اندامونه مه غوڅوئ او د اجسادو بې حرمتي مه کوئ. خو موږ ولیدل، چې له چا سرونه او له چا پزې غوڅې شوې. دا خلک ولې د رسول الله "ص" امر نه مني؟

 

ماشوم مه وژنئ!، تی خوړونکی ماشوم مه وژنئ! 

په اسلام کې په جدا ځايونو کې پر دې دوو اصولو ټينګار شوی دی. د ماشوم وژل یو ډېر سپک او نامناسب کار دی. مګر موږ ولیدل، چې په زرګونو ماشومان مو دې جګړې را ووژل؛ ځپنې په دې خاطر شکنجه شول، چې پلار یې په یوې ډلې پورې اړه لري، حال دا چې جرم فردي عمل دی. دا خلک ولې د رسول الله "ص" امر نه مني؟

 

د اوسېدو ساختمانونه (کورونه) مه ورانوئ!

اسلام د معنوي شتمنیو سره ـ سره د مادیاتو د ساتنې او حفاظت حکم هم کوي. دا د رسول الله "ص" حکم دی، چې د اوسېدو ځايونه مه ورانوئ. خو موږ ولیدل چې روغې ـ روغې دنګې ودانۍ په بمونو له خاورو سره خاورې شول. دا خلک ولې د رسول الله "ص" امر نه مني؟

 

مریض، بوډا او راهب، مذهبي مشران مه وژنئ!

دا لارښوونې هم د حضرت محمد مصطفی "ص" دي. د مریضانو، بوډاګانو او مذهبي اشخاصو وژنه یې منع کړې ده. مګر موږ ولیدل چې په هېواد کې روانې جګړې دا یوه ډله هم روغه او بې ضرره نه ده پرېښې. دلته ناروغان، بوډاګان او مذهبي مشران په بېلابېلو نومونو ووژل شول. دا خلک ولې د رسول الله "ص" امر نه مني؟

 

په هېچا جبر او زور مه کوئ چې مسلمان شي!

د اسلام مبارک دين، چې په زوره پر خلکو اسلام راوړل منع کړي دي، نو چرته به یې پر مسلمانو په زوره د لمونځ، ذکات او عشر ترسره کول روا کړي وي؟

موږ ولیدل چې دلته د روانې جګړې په لړ کې په زوره ځينې کړنې ترسره شوې. دا خلک ولې د رسول الله "ص" امر نه مني؟

 

اوس تاسو ووایئ آيا په افغانستان کې د جګړې خواوو دا اصول منلي دي؟ که دوی له اسلامه ناخبره دي؟

Related Articles

آبیاری چیست

آبیاری_چیست؟  آبیاری عبارت است از رسانیدن آب مورد نیاز نبات با دخالت انسان جهت رفع نیاز نبات می باشد. هرگاه نباتات نتوانند در طبیعیت آب مقدار ضرورت خویش را بشکل نورمال بدست آرند و با دخالت انسان نیازمندی نبات رفع گردد به آن آبیاری گفته میشود. خلاصه اگر در تامین آب مورد ضرورت نبات انسان دخالت نمایید به آن آبیاری گفته میشود.آبیاری در نباتات بستگی به...

د موبایل کارولو زیانونه!

ژباړه ـ ریاض مقامزی په دې زمانه کې چې موږ ژوند کوو، له موبایل څخه لاس اخیستل او یا یې نه کارول تقریبا نا ممکن دی. دا ځکه چې پرته له موبایل څخه ورځنۍ چارې له خنډ او ځنډ سره مخ کېدای شي. له بلې خوا د موبایل ډېر کارول خپلې ستونزې هم لري؛ خو د موبایل په کارولو کې احتیاط کولای شي تاسو له دې ستونزو وژغوري. په دې لیکنه کې پر همدې موضوع خبرې کوو، چې د موب...

په خصوصی حقوق کې د کرونا تاوان || Compensation of losses due to Corona in Private law

نام نویسنده: محمدمصطفی محمدیار (کارشناس ارشد در رشته حقوق خصوصی) Writer’s name: Mohammad Mustafa Muhammadyar هغه مسله چې نن ورځ هرڅوک، په هر عمر او هر کونج کې اوریدلي او ویره لري د کرونا تراژیدي ده چې یو څوک په مختلفو لارو اخته کوي، مګر هغه څه چې د طبي مسلو او جزایی حقوق او نور سره سره، ځای لا هم خالي دی، څنګه د خصوصي حقوق په ډګر کې د کرونا ویروس...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...