To start downloading books

Please sign in or create an account.

imranghani 3 years ago 2,125
د دروغجنو کسانو نښې

د دروغجنو کسانو نښې

  لېکنه:شکېبا نادري، د دروغجنو کسانو نښې 

په ژوند کې موږ له بېلابېلو انسانانو سره مخ کېږو، لکه ښایسته، بدرنګ، لوړ، ټېټ، رښتیني، دروغجن، ښه او بد. د انسان پېژندل دومره اسانه کار نه دی، که موږ له یو کس سره کلونه کلونه وخت هم تېر کړو نه شو کولای هغه وپېژنو. د انسانانو یوه ځانګړنه دا هم ده چې د وخت او حالوتو سره سم بدلون کوي مثلاً، هغه انسانان چې په ژوند کې ډېر رټل شوي وي، ظلم پرې شوی وي د وخت په تېرېدو سره به ترې یو ظالم او بې رحمه کس جوړ شي. دا بدلون هم د دې لامل کېږي چې د انسانانو پېژندل نور هم ستونزمن شي، ځینې انسانان د دې لپاره چې خپلو موخو ته ورسېږي دروغو ته مخه کوي، په هر وخت او هر ځای کې د دې لپاره چې څوک پرې نیوکه ونه کړي، د نوې دندې د اخیستلو او داسې نورو کړنو لپاره دروغ وایي. موږ په دې لیکنه کې د دروغجنو کسانو د نښو په اړه معلومات در کوو هیله ده چې لیکنه تر پایه ولولئ! ۱. ګونګې او ګډوډې خبرې کول کله چې یو کس خبرې کولې، خو نه يې غوښتل چې په واضح توګه خبرې وکړي، ګډوډې خبرې یې کولې او د خبرو له جزیاتو یې ځان خلاصاوه، پوه شئ چې دا کس دورغ وایي د دې لپاره چې مخاطب یې په دورغ پوه نه شي د خبرو له جزیاتو ډډه کوي. ۲. د خبرو په منځ کې فکر کول دا سمه ده چې له خبرو کولو مخکې باید په خپلې هرې خبرې غور وکړو، هسې نه چې داسې خبرې وکړو چې یا ځان خپه کړو او یا نور، خو هغه کسان چې دروغ وایي د خبرو په منځ کې په خپلې هرې خبرې فکر کوي، نو کله چې یو کس رښتیا وایي دې ته څه اړتیا ده چې هره خبره لومړی له ځان سره جوړه کړي بیا یې مقابل لوري ته ووایي په دې حالت کې هم کېدای شي چې خبرې کوونکی دروغ ووایي. ۳. پوښتنې کول هغه کسان چې دورغ وایي له پوښتنو ډېر وېرېږي، ځکه دوی په ځان باور نه لري چې د مقابل لوري پوښتنې ته د قناعت وړ ځواب ورکولای شي او که نه، نو کله چې د یو کس په خبرو او رښتنولی شکمن شوئ پوښتنې ترې وکړئ، د خبرو په اړه ترې جزیات وغواړئ. ۴. په وېښتانو او شونډو لوبې کول دروغجن کس د دې لپاره چې څوک پرې پوه نه شي د خبرو پر وخت په خپلو وېښتانو، لاسونو او شونډو لوبې کوي. د دروغجن کس تر ټولو ښکاره او اسانه نښې همدا دي. د دې تر څنګ د دروغجن کس ځینې نورې نښې هم شته لکه، د سترګو حرکات، د مقابل لوري د پوښتنې تکرار، د خبرو هېرېدل او داسې نور. که یو کس هر څومره هڅه وکړي چې په دورغ ویلو سره ځان ته یو ښکلی ژوند جوړ کړي، کوم مقام لاسته راوړي دا ټولې هڅې یې بې ځایه دي، موږ په پښتو کې یو مشهور متل لرو وایي د دروغو مزل لنډ دی که هر څومره د دروغو د پټولو هڅه وکړو یوه ورځ هرومرو معلومېږي چې موږ دورغ ویل نو هر انسان ته لازمه ده چې له دروغ ویلو ځان وساتي، ځکه چې په اسلام کې هم په دې ډېر ټینګار شوی چې موږ باید له دروغو ځان وساتو چې هم مو دنیا او هم مو اخرت جوړ شي.

Related Articles

آیلیټس "IELTS" څه ډول ازموینه ده؟

لیکنه ـ ریاض مقامزی آيلیټس "IELTS" چې دInternational English" Language Testing"  لنډ مخفف دی، د انګلېسي ژبې یوه نړېواله او معیاري ازموینه ده. دا هغو کسانو لپاره مهمه ده، چې له هېواده بهر د مهاجرت، زده کړې او دندې هيله لري. په لومړيو کې ددې ازموينې ساحه ډېره محدوده وه او کمو خلکو به دغه ازموينه ورکوله. خو په "۱۹۸۹م" کال کې د "IDP" موسسې له یو ځای ک...

جبران خسارت ناشی از کرونا در حقوق خصوصی

نام نویسنده: محمدمصطفی محمدیار (کارشناس ارشد در رشته حقوق خصوصی)  موضوع که امروزه همه و در هر سن و سال و در هر گوشه و کنار در مورد آن شنیده‏اند و از آن ارعاب دارند همانا مصیبت کرونا است که به طرق مختلف فرد را مصاب می‏سازد، ولی آنچه در کنار مباحث طبی و حقوق کیفری و غیر آن، جای آن هنوز خالی است، چگونگی جبران ضرر و زیان ناشی از ویروس کرونا در حوزه حق...

راډيو څنګه اختراع شوه!؟

لیکنه ـ ریاض مقامزی   که څه د انټرنیټ او نورو ټکنالوژيکو پرمختیاوو له امله راډيو خپل پخوانی ارزښت او اورېدونکي له لاسه ورکړي؛ خو لا هم په لرې پرتو سیمو او آن ځينو ښارونو کې ګڼ شمېر خلک یې په مینه اوري. په هر حال؛ نن د فرورۍ ديارلسمه ده، چې د راډیو د نړېوالې ورځې په نوم نومول شوې ده. په همدې موخه مو دا اړینه وګڼله ترڅو لوستونکي په دې اړه هم کافي م...

Recommended Articles

عثمان کاکړ څنګه ووژل شو؟

پښتونخوا ملي عوامي ګوند ادعا کوي چې د دغه ګوند صوبايي مشر عثمان خان کاکړ وژل شوی دی او دوی سره دې لړ کې کافي ثبوتونه شته. یو شمېر نورو ځايي سیاسي ګوندونو هم د یاد ګوند ملاتړ کړی او د بلوچستان صوبايي حکومت وايي، د پېښې په هکله به څېړنه کوي. د یادونې ده چې د روانې جون میاشتې پر ۱۷ نېټه ویل شوي و، چې د عثمان خان کاکړ سر سخت ټپي شوی دی. له پېښې وروست...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...