To start downloading books

Please sign in or create an account.

د ارواپوهنې له نظره خپل شخصیت وپېژنئ!

د ارواپوهنې له نظره خپل شخصیت وپېژنئ!

ژباړه ـ ریاض مقامزی

روانپوهنه یا په منل شوې اصطلاح "ارواپوهنه" د انساني کړو وړو، عادتونو، رفتار او نورو مسایلو ترڅنګ د انسان د شخصیت په اړه هم بېلابېلې تيورۍ وړاندې کوي. هر انسان د یو جدا او ځانګړي شخصیت لرونکی وي. په دې لیکنه کې تاسو خپل ځان لیدلای او خپل شخصیت پېژندلای شئ.

 

شخصیت 

د روانپوهنې له مخې د انسان د کړو ـ وړو هغه ټولګه چې د یو انسان حیثیت او مقام ټاکي "شخصیت" بلل کېږي. په دې معنا چې یو انسان کوم خویونه لري او د همدې خویونه په رڼا کې خلک ورته په کوم نظر ګوري. همدارنګه ددې په اړه چې د عادتونو دا ټولګه به انسان پخپل ژوند کې څومره بریالی یا ناکام ثابت کړي، د همدې شخصیتي خویونو له مخې اټکل کېږي.

 

حسي وګړي "Sensing"

ددې ډلګۍ وګړي یوازې حال ته پام کوي او د راتلونکي په اړه چندان غوږ نه ګروي. یوازې پر پنځه ګونو حواسو چې کوم اطلاعات ترلاسه کوي تائيدوي یې. د خبرې عمق او حقیقت ته ځان نه رسوي. دوی په حال کې لږ څه خوښ خلک وي. همدارنګه د کارونو له تکرار څخه نه ستړي کېږي.

 

درونګرا "Introversion" 

ددې ډلګۍ خلک همېشه هڅه کوي، چې یواځې اوسي. دوی له شور او غالمغاله لرې والی خوښوي. د راتلونکي په اړه ډېر فکرمن وي، چې له همدې کبله اکثرا اندېښمن او خفه وي. ددې ډلې بله ځانګړنه دا ده، چې په اسانۍ چاته راز نه وايي او ډېر کم ملګري لري. له دې ټولو خويونو سره ـ سره یو ښه اورېدونکی هم وي. مګر کله ناکله د راتلونکي په اړه اندېښنه ترې دا ښه ځانګړنه اخلي. دوی رسمي دندې نه خوښوي. هڅه کوي خپل شخصي کاروبار ولري او آرام اوسي.

 

بېرونګرا "Extroversion"

دا ډول خلک پراخې اړیکې لري. په ټولنه کې له عادي کس څخه نیولې تر لویو خلکو ټول پېژني او هڅه کوي اړیکې ورسره ولري. همدارنګه خپل رازونه او ستونزې نورو ته وايي. کوښښ کوي د نورو له ستونزو هم خبر شي. 

د بیرونګرایانو بله ځانګړنه دا ده، چې ډېر غږېږي او لږ اوري. خوښوي، چې نور خلک یې خبرو ته غوږ کېږدي. همدارنګه ډېرې غلطۍ ترې کېږي. ځکه چې دوی د هر کار لپاره چټک اقدام کوي. یعنې تر عمل وړاندې فکر نه کوي؛ بلکې کله چې کوم کار ترسره کړي بیا غور کوي. ددې ډلې خلک د دندو خوښونکي وي. ترڅو په یو کاري چاپېریال کې ژوند وکړي. 

 

فکر کوونکي وګړي

ددې ډلګۍ خلک منطق ته ډېر ارزښت ورکوي. همدارنګه تل د عدالت غوښتونکي وي. له همدې کبله همېشه له ستونزو سره مخ کېږي. خلک یې بې مینې، سخت زړی او بې پروا بولي. همېشه هڅه کوي، چې خپلو موخو ته ورسېږي.

 

عاطفي وګړي

دا ډله خلک همېشه زړه سواندي وي. تل هڅه کوي، نور خلک خوښ وساتي. له همدې کبله اکثره خپله ناخوښ وي. د نورو خوښۍ ته خوښ او په معمولي خفګان یې خفه وي. دا ډول خلک خوښوي چې له نورو سره مرسته وکړي همدارنګه که نور څوک ورسره مرسته وکړي ډېر منندوی یې وي.

 

یادونه ـ ځينې نور شخصيتي ټايپونه هم شته؛ خو تر ټولو مهم یې همدا دي. همدارنګه ممکن ځينې خلک د خپل شخصیت ترڅنګ د یو بل شخصيتي ډول ځانګړنه هم ولري. مثلا یو څوک به "Introversion" وي خو د "عاطفي، حسي وګړو او ..." نورو شخصیتي ډلګیو ځانګړنې هم لرلای شي.

اوس ووایئ، چې تاسو خپل ځان په کوم ګروپ کې ولید؟ نظر مو په کمینټ کې ولیکئ.

Related Articles

د وینې کمښت (کم خونی) وپېژنئ!

په نړۍ کې بېلابېلې ناروغۍ شته، چې انسانان ځوروي. هره ناروغي ځانته خپل علایم او درمل لري. یو له هغو ناروغيو، چې په اوس وخت کې ډېر تر سترګو کېږي، د وینې کمښت (کم خوني) ده. تاسو به په دې لیکنه کې ددې ناروغۍ په اړه ډېر معلومات ترلاسه کړئ! د وینې کمښت د وینې کمښت اصلا په وینه کې د اوسپنې د کموالي په معنا ده. په وینه کې د اوسپنې کمښت یوه جدي ستونزه ده....

د پاریس دېوالونه

د پېړیو په اوږدو کې پاریس له مرکز (Île de la Cité) څخه څو ځلې پراخه شوی او د ښار برخو کې دیوالونه جوړ شوي تر څو د ښار برخې محصورې کړي. په درېمه پېړۍ کې بربریانو د پاریس ښار لوټ کړ له لوټ کېدو وروسته په لوګي له تورو شوو ډبرو دیوال ترې چاپېره شو تر څو د (Île de la Cité) محفوظ کړي. د څو پېړیو په اوږدو کې دا دیوال څو ځلې ورغول شو. د سیند له پاسه چپ اړخ...

سقراط

  سقراط  د نړۍ لومړنی فیلسوف ګڼل کېده، کتاب یې نه دی لیکلی، ځکه په لیکلو نه پوهېده. سقراط ډېر بدرنګه وو او شاګرد يې له داسې مجسمې څخه بېلګه وړاندې کړه.  که څه هم ظاهري مسخره وه، مګر دننه بیا يوه عجيبه او بی مثاله انسان وو. وتی د سقراط مور یوه قابله وه او پلار یې مجسمه جوړوونکی و، سقراط هیڅکله د پیسو ګټلو کې جدي نه و، ځکه به یی ورسره میرمن تل جګړه...

Recommended Articles

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...