To start downloading books

Please sign in or create an account.

د ملا درد او درملنه

د ملا درد او درملنه

ژباړه ـ ریاض مقامزی

موږ د خپل ژوند په اوږدو د بدن د بېلابېلو عضلو د دردونو شاهدان یو. کله مو سر، کله غاښونه، کله سینه او کله د بدن نور ځايونه درد کوي. په دې لړ کې د “ملا درد” هم خورا ځورونکی وي. ځکه چې د ناستې ولاړې له خوند او آرامۍ څخه محرومېږو. په دې لیکنه د “ملا درد” په اړه هر اړخیزې خبرې شوي دي. 

د ملا درد

د انسانانو ملاوې ډېر پېچلی جوړښت لري. د بدن دا برخه له هډوکو، ډیسک، عصبي رګونو او نورو عضلو څخه جوړه ده. له همدې کبله یې د “درد” عوامل هم بېلابېل دي. که له دې برخو هره یوه زیان وي، د ملا درد پیدا کوو. باید دا ومنو، چې د عمر په هره دوره کې له ملا درد سره مخ کېدای شو؛ خو د عمر په پوخوالي کې یې امکان ډېر وي. 

نښې نښانې

له نامه یې معلومېږي، چې تر ټولو لویه نښه یې همدا ده، چې په ملا کې به د “درد” احساس ولرو. مګر که د ملا له درد سره ځينې نورې نښې ولرو، باید له روغتياپال (ډاکټر) سره مشوره وشي. ځکه چې په عادي پېښو کې د ملا درد یوازې څو ورځې دوام کوي. که لاندې علایم هم لرئ، نو ډاکټر ته مراجعه وکړئ. 

  • د ملا پړسوب
  • تبه
  • د تشو بولو په وخت کې د درد احساس
  • د وزن کمېدل
  • د ملا په ښکتنۍ برخه کې درد، چې د پښو طرف ته خپرېږي
  • د مثانې او شاوخوا عضلو بې حسه کېدل 

ولې د ملا له درد سره مخ کېږو؟

د بدن د دغې برخې درد بېلابېل عوامل لري. پر ټولو عواملو یې غږېدل سخت دي؛ خو روغتياپالان یې عمده لاملونه دا بولي:

  • کله چې د ملا هډوکي زور واخلي، کسر ولري او یا مات شي
  • په ملا کې ضربه خوړل
  • حامله مېرمنې هم د ملا درد تجربه کوي
  • د ډیسک په برخه کې ستونزې
  • د اوږدې مودې لپاره ناسته او یا درېدل
  • د عضلو شخوالی
  • درانه شیان پورته کول
  • په پښتورګو کې تيږې 

درملنه

که تاسو د ملا له درده شکایت لرئ، نو ډېر امکان یې شته چې له څو ورځو وروسته پخپله ښه شي؛ مګر که ډېر وځورېدئ کولای شئ ډاکټر ته مراجعه وکړئ. ډاکټر هڅه کوي د “ملا درد” اصلي علت معلوم او موثر درمل تجویز کړي. کېدای شي په درملو کې له ګولۍ نیولې تر ستنو (پیچکارۍ) مسایل شامل وي.

وروستۍ خبرې

هېڅکله د ډاکټر له مشورې پرته له درملتون څخه راسا د “ملا درد” ګولۍ مه پېرئ. ځکه کېدای شي د ګټې پر ځای یې تاوان ډېر شي. ددې ترڅنګ د ملا عادي دردونه کولای شئ پخپل کور کې هم معالجه کړئ. مثلا استراحت وکړئ، حمام وکړئ او يا په یو لوښي کې ګرمې اوبو واچوئ او په ملا یې کېږدئ. د وزن کمول، سپورت، کلسیم لرونکي خواړه خوړل، سیګرټ ته “نا” ویل او نورې تګلارې هم کولای شئ ستاسو د “ملا درد” مخنیوی وکړي.

Related Articles

پنځه تباه کوونکي عادتونه

لیکنه ـ ریاض مقامزی که دا عادتونه لرئ، همدا نن ترې لاس واخلئ؛ که نه ډېرې بدې پایلې به وګورئ.   • خلک به څه ووایي؟ که تاسو هم تل خپل پلانونه له دې امله نه عملي کوئ، چې خلک به څه ووایي؛ نو ډېر ژر به له ناکامیو سره مخ شئ. موږ ته د ژوند کولو یو چانس راکړل شوی. که په دې کې هم زړه نا زړه شو ناکامېږو. دا مه هېروئ چې خلک هېڅکله له خبرو لاس نه اخلي. که...

لومړنی افغان ستورمزلی "عبدالاحد مومند" وپېژنئ

پرون مې په یوه کتاب کې د عبد الاحد مومند د فضایي سفر یونلیک د (نه روز درکیهان) په نوم ولوست، خوشحاله شوم چې مومند صاحب خپله فضایي سفرنامه هم لیکلې ده. ٣٣ کاله دمخه فضا ته د لومړني افغان سفر د افغانستان لپاره ستر ویاړ دی چې له بده مرغه د جګړې په لوګیو دا ویاړ هم را څخه هیر غوندي شوی دی. لاندې د لومړني افغان ستورمزلي پیژندنه او د فضایي سفر په اړه لیک...

ھائيکو نما نظم- ليک محمد الياس طوطه کان ملاکنډ خيبر پښتونخوا

  ھائيکو نما نظم يا نظميه هائيکو هسې خو په پښتو شاعرۍ کښې بلها قسمه نظمونه ليکلے شوي دي خو زما په خيال د ھائيکو په رنګ نظم پکښې تر اوسه چا نه دے ليکلے. ما غوښته چې په دغه اړه کار اوشي. او  بيا زه په خپل کوشش کښې کامياب شوم او ھائيکو نما نظم مې په ۳ مئ ۲۰۱۰ کښې په بحيره عرب کښې هغه‌ وخت  اوليکلو کله چې ما په جھاز باندې نوکري کوله -  او د خيره اوس  ...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...