د رابرټ فراسټ ژوند لیک
1,009
Riaz Muqamzai - ریاض مقامزی
2022-04-04 03:34:09
لیکنه ـ ریاض مقامزی
د نړۍ د نوموتو ادبي شخصیتونو له ډلې به نن د مشهور امريکايی شاعری وپېژنئ. نوموړي د خپلو غوره او منلو شعرونو پر مټ وکولای شول څلور ځلې د پولیترز جایزه وګټي. ددې لیکنې تر پایه به یې په اړه لا ډېر پوه شئ.
پېژندنه
(رابرټ فراسټ ـ Rabert Frost) په شلمه پېړۍ کې تر ټولو مشهور امریکایی شاعر ګڼل کېږي. نوموړی په "۱۸۷۴ز" کال کې د امریکا متحده ایالاتو په سانسفرانسیسکو ایالت کې وزېږېد. په لومړنیو زده کړو کې ډېر بریالی و او په "۱۸۹۰ز" کال کې له ښوونځي څخه په ښه درجه بريالی شو. وروسته یې په هارډوار کالج کې خپلې نورې زدکړې بشپړې کړې. دده شعر دومره لوړ و، چې په ۱۹ کلنۍ کې یې یو شعر محلي مجلې په ۱۹ ډالره وپېره. له همدې مهال ده له مجلو سره همکاري جاري ساتله او بېلابېلې ژورنالیستکي دندې یې هم وکړي. د ماشوم هیله، لنډه فاصله، د عقل پرده، شاهده ونه او ځینې نور یې مشهور آثار دي. دی له ګڼو ادبي او فرهنګي لاسته راوړنو وروسته په ۱۹۶۳ ز کال کې ومړ.
نور مهم معلومات
ـ فراسټ ساده ژوند غوښته او پر دې باور و، چې کوچنۍ خوښۍ د انسان د نېکمرغۍ وسیلې دي.
ـ د شعر په اړه یې وویل: شعر دا صلاحیت راکوي، چې ووایو یو څه؛ مګر موخه مو بل څه وي.
ـ روسیې ته د یو فرهنګي سفر پر مهال بستر شو؛ د وخت لومړی وزير یې پوښتنې ته ورغی.
ـ په ۱۹۴۷ز کې یې کاليزه د مشرانو جرګې لخوا ونمانځل شوه، چې پخپله یې هم پکې ګډون درلود.
ـ په مختلفو وختونو کې درېيو بېلابېلو پوهنتونونو افتخارې دوکتواروې ورکړې دي.
ویناوې
- مور شل کاله زیار باسي چې له خپل زوی نه سم انسان جوړ کړي؛ مګر یوه ښځه یې په شلو دقیقو کې احمق کړي.
- ټول هغه څه چې ما د ژوند په اړه زده کړل دا دي "ژوند روان دی."
- فکر کول موافقت یا مخالفت نه؛ بلکې رایه ده.
- د نړۍ نیم خلک د ویلو لپاره خبرې لري؛ خو نه یې وايي. نیم نور بیا د ویلو لپاره څه نه لري؛ مګر تل غږېږي.
