عامه اقتصاد
پوهاند دوکتور عبدالقيوم عارف
د سر خبرې عامه اقتصاد د هغه مضمون سرليک دی، چې د ډيپارټمنټ د شديدې اړتيا او د عصر و زمان د ايجاباتو په پام کې نيولو سره د مالي بانکي څانګې د وړانديز، د اقتصاد پوهنځي د علمي شورا په تصويب او د کابل پوهنتون د مشرتابه په منظورۍ په ۰۷۷۳ لمريز کال د کابل پوهنتون د اقتصاد پوهنځي په درسي کريکولم کې شامل او د دغه پوهنځي د درېيم ټولګي د محصلانو لپاره عجالتاً په مالي او بانکي څانګه کې د هغه تدريس په يو سمستر کې پيل شوی دی. د مالي او بانکي چارو د څانګې په چوکاټ کې د عامه اقتصاد تر سرليک لاندې د مضمون موجوديت په دې برخه کې د درسي او يا مرستندوی درسي کتاب نه شتون او د هغه درسي موادو ته د محصلانو اړتيا د هغو عواملو له جملې څخه وو، چې ياد ډيپارټمنټ يې د عامه اقتصاد تر سرليک لاندې د درسي کتاب تأليف ته وهڅاوه. که څه هم د هغه په واقعي مفهوم سره د درسي کتاب ليکنه په سختو شرايطو کې د مناسبو منابعو، مأخذونو نه موجوديت، نه لاسرسی او په هېواد کې ګڼ شمېر نور مشکلات، ډېر ستونزمن او د ليکوال د امکاناتو له سطحې لوړ کار دی. سره له هغه په اوسنيو شرايطو کې له پراخو محدوديتونو سره سره مواقدام وکړ. اړينه بولم ترڅو د دغه درسي کتاب په تأليف کې د هېواد له ښاغلو پوهانو ښاغلي پوهاند دوکتور نذير احمد شهيدي، ښاغلي پوهاند عبدالله حقايقي او ښاغلي پوهاند محمد اشرف يادګاري له همکارۍ او مشورو څخه مننه او قدرداني وکړم. ددغه کتاب تأليف زما قدرمنې مېرمنې له هر اړخيزو همکاريو پرته ناممکن و، چې د زړه له کومې ترې مننه کوم. د کتاب د موادو او ارقامو تنظيم او ددغه کتاب د ځينو برخو اصلاح او ټايپ د ډيپارټمنټ د ځوانو استادانو هريو پوهيالي احسان الله نظري او آغلې پوهيالۍ ظريفه جلالي په هڅو ترسره شوی، چې واقعاً د قدر او مننې وړ دي. همداراز خپله دنده ګڼم د اقتصاد پوهنځي له ګرانو محصلينو هريو ښاغلي عبدالرحمن برحق او ښاغلي حبيب الله ملکپور څخه چې د کتاب د ټايپ په ځينو برخو کې يې ونډه اخيستې، مننه وکړم. دغه کتاب له شک پرته په خپل شکل او محتواء کې تېروتنې او نواقص لري. له درنو پوهانو، ګرانو محصلانو او نورو مينه والو او لوستونکو څخه غوښتنه کېږي ترڅو په خپلو عالمانه بزرګۍ سره زما معذرت ومني او ددغه أثر د محتوياتو په اصلاح او تکميل کې لارښوونه او همکاري وکړي. پوهاند دوکتور عبدالقيوم عارف
| Views: | 4K |
| Downloads: | 508 |
| Language: | پښتو |
| Category: | Economic related books |
| File Type: | |
| File Size: | 3.16 MB |
This content was uploaded by our user in good faith, assuming they have permission to share this book. If you own the copyright and believe it is wrongfully on our website, please follow our simple DMCA procedure by clicking here to request removal.
Money often costs too much.
Without continual growth and progress, such words as improvement, achievement, and success have no meaning.
Financial peace isn't the acquisition of stuff. It's learning to live on less than you make, so you can give money back and have money to invest. You can't win until you do this.
A book is the only place in which you can examine a fragile thought without breaking it.
The individual investor should act consistently as an investor and not as a speculator.
In this world nothing can be said to be certain, except death and taxes.
There are many little ways to enlarge your child’s world. Love of books is the best of all.
Whenever you read a good book, somewhere in the world a door opens to allow in more light.
