To start downloading books

Please sign in or create an account.

پاکستان په ناوړه اقتصادي برخلیک کې

پاکستان په ناوړه اقتصادي برخلیک کې

لیکوال: د اقتصادي چارو شنونکی استاد لعل ځاځی

پدې لیکنه کې مو د پاکستان په اوسنی اقتصادي ناورین او وضعیت بشپړ بحث کړی او د دې ترڅنګ مو لاملونه هم یاد کړي هیله ده چې ترپایه یې ولولی!

 

د سیمې په کچه که ووایم ترټولو ځپلی اقتصادی هیواد به کوم وي; نو له شک پرته پاکستان به وي. اوس غواړم درته منطقي دلایل وړاندې کړم.

 

د پاکستان هیواد بهرنی پور تر 125 ملیاردو ډالرو رسیدلی او دا چې د پاکستان د مصارفو او عوایدو ترمنځ زیات توپیر شتون لري نو پاکستان اړ دی چې قرضې واخلي او لا زیاتوالی به په قرضونو کې ګڼ شمیر ستونزې پیدا کړي.

. د پورونو ورکړه پاکستان ته زیات شمیر شرایط لري چې یو له هغوی یې د  پاکستاني کلدارو د ارزښت ټیټ ساتل دي د ډالرو په وړاندې کوم چې د قیمتونو د لوړوالي سبب ګرځي او ګرځیدلی دی. د یادو قیمتونو د جګوالی له امله په پاکستان کې د انفلاسیون کچه اوسمهال مخ په لوړیدو ده چې خلک یې له سختو ستونزو او فقر سره مخ کړي دي.

 

د پاکستان او او IMF ترمنځ د رسمي لوظمنامې د نشتوالی له امله  د پاکستان اقتصادي وضعیت له بد حالت سره مخ دي چې له امله یې په پاکستان کې د ونډو بازار خپل ارزښت کم کړی او پاکستانی روپی خپل ارزښت له لاسه ورکړی او دا مهال پاکستان خلک د قیمتونو له لوړوالی سخت په تنګ راغلي دي. یاد هیواد  کې د یادو ستونزو ترڅنګ د سود په شرح کې هم زیاتوالی راغلی دی.

 

د پاکستان د عایداتو لویې ادارې لکه سټیل مل، پی ایي ای، پاکستان ریلوی او واپډ له تاوان سره مخ دي.

 

هغه قرضې چې پاکستان حکومت له نړیوالو ادارو یا چین څخه ترلاسه کړي معلومه نده چې په کومو شرایطو دوی ترلاسه کړي دي ځکه پرته له شرایطو مرسته کول صورت نه نیسي. چې دا شرطي قرضونه به په راتلونکو حکومتونو او تحریک انصاف حکومت ته لوی خنډونه او مشکلات پیدا کړي.

 

پاکستان هیواد د دې توانایی نلري چې د خپل صنعت لپاره د ارزانه او متداومې انرژی وسیلې برابرې کړي چې دا د دې باعث ګرځي چې په هیواد د ننه کې د تولید نرخ لوړ شي او په نړیوال بازار کې به د سیالی له پښو وغورځیږې.

 

پاکستان د دې توانایي نلري چې د همسایه هیوادونو غوندې په لوړ کیفیت او ارزانه نرخ تولیدات بازار ته وړاندې کړي. چې ښه مثالونه یې همسایه هیوادونه چین، هندوستان او بنګله دیش دي.

 

پاکستان کې د سیاسي او امنیتي بې ثباتی له وجې بهرني پانګوال دې ته علاقمندي نه ښایي چې په یاد هیواد کې سرمایه ګذاري وکړي.

 

یاد هیواد ته په ډیره کمه اندازه ډالر راځي او په زیاته اندازه ترې بهر کیږې. یاد هیواد کې د ډالرو د کمبود له او ډالر ته د تقاضا د زیاتوالی له وجې له ستونزو سره مخ دي چې د پاکستانی روپیو ارزښت یې له ګڼ شمیر ننګونو سره مخ کړی دی.

 

پاکستان اوسمهال د بودجې د کسر سره مخ دی معنا دا چې د صاداراتو او وارداتو ترمنځ د لوی توپیر له امله ډیرې ستونزې راپیدا شوي. یاد هیواد اوسمهال د انفلاسیون له لوړیدو شکایت کوي.

 

پاکستان ترډیره بریده پدې وروستیو کې له چین، سعودي، امارت او مالیزیا له هیوادونو د کمک غوښتنه کړې چې تر کومه حده زه پوهیږم پکې پاتي راغلي او کوم چې ورسره شوي دي ټول شرطي مرستې دي.

 

پورونه، په صادراتي سکټور کې د بهرنی سیالی نشتوالی، او یوشمیر بندیزونو له وجې د پاکستان اقتصاد یو بد حالت تجربه کوي. کچیرته یاد هیواد سولییز او پرمختیایي سیاست خپل نکړي او په نظامي او پرمختیایي لګښتونو کې کموالی رانولي، نو له اقتصادي بې ثباتی او نه جبران کیدونکی برخلیک سره به مخ شي.

 

لیکنه: استاد لعل ځاځی

 

لیکنه مو له دوستانو سره شیر کړی.

Related Articles

څو جملې څو کتابه!

ځينې وخت داسې پېښېږي، چې د یو چا له ټولو خبرو او یا یوازې له یوې جملې ډېر اغېزمن کېږو. دا ډول ویناوې، چې موږ ته انرژي او فکر راکوي، زموږ په ژوند کې خورا مهمې دي. تاسو به په دې لیکنه کې د امریکا لویې وچې د ستر لیکوال، شاعر او فیلسوف "رالف والډو امرسن" هغه ویناوې ولولئ، چې هره جمله یې یو درس دی او یو کتاب خبرې لري. خو تاسو باید د هرې جملې له لوستلو و...

ښځه الهي معصوم مخلوق، که د محصولاتو بازار د ګرمېدو وسیله

  د اوسني عصر سمو او نا سمو جنسیتي سټريوټايپونو ته کتنه ژباړه: نایله_عزیزي جنسیتي سټريوټايپونه د ګډو کلتوري او ټولنیزو باورونو مجموعه ده چې ځینې ځانګړنې یې افرادو، لکه نارینه او ښځینه ته منسوبېدای شي. همدارنګه کورنۍ، علمي موسسات، همکاران، رسنۍ او داسې نور کلتوري او ټولنیز بنسټونه يې په بیا تولید کې اغیزمن دي. پر دې بناء، باید د جنس او جنسیت ترمن...

له غذايي رژيم  پرته مو هم وزن کمولای شئ

ډېری خلک په دې باور دي چې د وزن کموالی په غذايي رژيم کې له بدلون پرته ناشونی دی؛ نو له همدې امله دوی د خپل وزن کنټرول ته خاصه توجه نه کوي.یاد خلک په دې آند دي، چې که د وزن کمول غواړو نو د خپلې خوښې خواړه به نه خورو او دا کار لویه ننګونه بولي. ځکه چې دوی نه شي کولای د خپلې خوښې خواړه پرېږدي تر څو وزن یې کم شي. دې ډول خلکو ته ښه خبر دا دی، چې له غذاي...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...