ناول څه ته وایي؟

imranghani
imranghani
Author
1 min read
7,118
ناول څه ته وایي؟

ناول څه ته وایي؟

لیکنه او راټولونه: شکېبا نادري

په ټوله کې ادبیات په دوو سترو برخو ویشل شوي چې یوه یې منظومه او بله یې منثوره برخه ده. په منظومه برخه کې یې شعر، نظم او داسې نور راځي او په منثوره کې یې لنډه کیسه، ناول، رومان، داستان او داسې نور چوکاټو شامل دي. غواړو په نننۍ لیکنه کې د ناول د تاریخچې، تعریفونو، ډولونو او ځانګړنو په اړه معلومات درسره شریک کړو. که غواړئ په دې اړه مو معلومات زیات کړئ، لیکنه تر پایه ولولئ! د ناول کلمه د ایټالوي ژبې له novella څخه اخیستل شوې، معنا یې نوی، عجیبه او تازه څیز دی. په ادبي اصطلاح کې د ناول لپاره بېلابېل تعریفونه شوي چې ځینې یې موږ دلته را اخلو.

۱. ناول هغه ادبي او داستاني فورم دی چې یوه اوږده موضوع او صحنې ولري او د کرکټرونو شمېر یې له یوه څخه زیات وي.

۲. د هغو انساني جذباتو او احساساتو بیان کوي، چې په اظهار سره یې په نورو انسانانو کې همدردي پیدا شي.

۳. ناول د اوږدې کيسې هغه کتاب دی چې د ادبي نثر په بڼه ليکل شوی وي.

۴. ناول د کیسې پرمختللې بڼه ده.

۵. هغه ادبي او تخيلي اثر دی چې په ټولنيز چاپېريال کې کرکټرونه څېړي.

۶. ناول د نثر په بڼه یوه تخيلي کيسه ده چې کرکټرونه يا شخصيتونه او عمل په رښتيني ژوند کې وړاندې کوي.

۷. ناول هغه ادبي کيسه ده چې د کرکټرونو د رښتيني ژوند يوه برخه د تخيل په هنداره کې وړاندې کوي. د ناول کلمه په اوسنۍ بڼه په اتلسمې ميلادي پېړۍ کې را پیدا شوې، چې وروسته بيا له انګليسي او هسپانوي څخه په نورو ژبو ورګډه شوې ده. ځینې ادبپوهان ناول د «ادبي ژانرونو ملکه» هم بولي. په انګرېزي ژبه کې لومړنی کتاب – چې د ناول نوم یې ورکړ – د درچارډسن کتاب و. په دغه کتاب کې ډېر نوښتونه شوي وو، په دغه ناول کې یوه خادمه له یو تور رنګ سړي سره مینه کوي، په یاد ناول کې د لومړي ځل لپاره د دېوانو او پریانو پرځای د انساني ژوند کیسه بیان شوې ده. د ناولونو ډولونه ناولونه بېلابېل ډولونه لري، لکه تاریخي، مینه‌ییز، جنایي یا پولیسي، ادبي او داسې نور.

د ناول ځانګړنې

۱. په ناول کې هر څه شوني دي. لیکوال کولای شي چې يوه کوچنۍ موضوع په سلګونو پاڼو کې د په زړه‌پورې وییونو په واسطه ځای پر ځای کړي؛ کولای شي خپل هر تخيل ته حقيقي بڼه ورکړي، د ساري په توګه، داسې تخیلي نړۍ جوړه کړي چې هلته بې روحه توکي خبرې وکولای شي، انسانان ګونګيان شي. په ناول کې د يو موجود بدلېدل په بل موجود اسانه کار دی، مړي پکې ژوندي کېدای شي او داسې نورې کړنې پکې ترسره کېدلای شي، خو په دې شرط چې ليکوال وکولای شي په ښه توګه لوستونکی د دا ډول غير معمولي پېښو منلو ته اړباسي.

۲. د ناول بله ځانګړنه ریالیزم یا رښتینولي ده، یعنې موضوع یې له رښتني ژوند سره مستقیم تړاو لري او په رښتنو پېښو وڅرخي.

۳. په ناول کې د کيسې د نقشې په پرتله کرکټر ته ډېر پاملرنه کېږي.

۴. د ناول بله ځانګړنه دا ده چې د ارواپېژندنې برخې ته هم پکې ډېره پاملرنه کېږي، یعنې هڅه کېږي چې د کرکټرونو داخلي غوښتنې خلکو ته رابرسېره کړي او هغوی پرې پوه کړي. يا په بله وینا په ناول کې له باندنۍ نړۍ سره د کرکټر د ښکاره چلند تر څنګ د هغه دنننۍ نړۍ هم لويه برخه لري. نو ویلی شو چې هر ناول‌لیکونکي ته پکار ده چې خپل الفاظ په نوې بڼه پر خپل ځای وکاروي. الفاظ چې څومره نوي او خواږه وي په همغه کچه ناول ته ښکلا وربښي. موضوع که هر څومره نوې وي، خو که الفاظ زاړه او تکراري وي، نو موضوع بې خوند کوي له نوې موضوع سره چې هڅه وشي نوي خواږه الفاظ وکارول شي، په پایله کې به یو په زړه‌پورې ناول لوستونکو ته وړاندې شي.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
ژغورونکی
Pashto
Jun 16, 2022
2,137 views

ژغورونکی

حکايت دی، چې د سیند په غاړه ولاړ کس ناڅاپه یوه چیغه واورېده. یو څوک لاهو کېده او مرسته يې غوښته. ولاړ کس دریاب ته ودانګل، سړی يې بچ کړ؛ خو سا یې لا نه وه سمه شوې، چې د دوو نورو چېغې يې واورېدلې. ده هغوی هم له اوبو راوايستل وروسته يې يو بل کس او بيا څ...

Written by Riaz Muqamzai Read more
د شعر توکي
Pashto
Jul 31, 2021
5,710 views

د شعر توکي

د شعر توکي رياض مقامزی شعر دی چې له ښه زړه به وتلی وي ښکلی عبارت چې هنر هـــــــــم لري                                      “   پسرلی” وړاندې له دې چې د شعر پر توکو وغږېږو، اړينه ده چې شعر وپېژنو. ((شعر)) عربي کلمه ده، چې معنی يې (پوهه، درک، فه...

Written by Riaz Muqamzai Read more
ژورنالیسم تقلبی - قسمت دوم
Pashto
Apr 03, 2021
3,117 views

ژورنالیسم تقلبی - قسمت دوم

روزی چنانی که عرف است، به دفتر اتحادیه ی جدید رفتم که فکر کنم همچنان جواز نداشت. با ورود به تعمیر آن که در آپارتمان های «هوتل آریانا» در کوته ی سنگی واقع شده بود، متوجه شدم که مرحوم نجم الرحمن مواج در حال بی آب کردن «سه نقطه» است. او رویش را به من می...

Written by Mustafa Omarzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,403 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,126 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article