To start downloading books

Please sign in or create an account.

د مارانو جزيره؛ په برازيل کې ممنوعه سيمه

د مارانو جزيره؛ په برازيل کې ممنوعه سيمه

په برازيل کې د مارانو حېرانونکې جزيره (وچه) په نړۍ کې يو له رازونو او خطرونو ډکه سيمه ده، چې د عادي کسانو ورتګ ورته منع دي.

تر اوسه مو له رازونو د ډکو جزيرو په اړه ډېر څه اورېدلي دي، چې اکثره يې خيالي کيسې وې؛ مګر نن غواړو چې له يوې ځانګړې جزيرې سره آشنا شو. هغه جزيره، چې ماران پرې حکومت کوي، په دې وچه کې له مارانو ور هاخوا، ډېر لږ حېوانات، حشرات او مرغان ليدلای شو. له همدې امله ورته د “مارانو جزيره” نوم کاروي.

د مارانو جزيره په جنوبي امريکا کې د نورو تفريحي جزيرو په څېر ده. دا وچه له لرې ډېره ښکلې او زړه راښکونکې ښکاري. توريستان (ګرځندويان) ډېره علاقه لري، چې دا سيمه وګوري مګر دې سيمې ته د انسانانو ورتګ منع دي. يا په بل عبارت ويلی شو، دا وچه په نړۍ کې يو له هغو ۱۸ سيمو څخه ده، چې ګرځېدل په کې ممنوع دي. دا چې ډول – ډول ماران ګرځندويانو ته کوم زيان و نه رسوي، ګرځېدل او سيمې ته پر ورتګ بنديز لګول شوی دی.

د مارانو جزيرې په برازيل هېواد کې د “سائوپائولو” خليج “۳۰” کيلومتره سيمه نيولې ده. دا مرګونې وچه تقريبا ۴۳۰ کيلومتر مربع پراخوالی لري، د بحر له سطحې ۲۰۶ متره لوړه ده. د اوبو شتون، معتدله هوا او شنه سيمه د مارانو د ډېروالي او استوګن کېدو لپاره زمينه برابره کړې ده، تر دې چې د څېړونکو په وينا په هر متر مربع ساحه کې له ۱ څخه تر ۵ ماران لېدل کېږي؛ پر دې اساس کولای شئ، ددې وچې خطر او وېره په اسانۍ درک کړئ، چې څومره وژونکې ده.

د سيمې اوسېدونکي د هغو خلکو وېرونکي کيسې کوي، چې د مارانو د حملې له امله وژل شوي دي، چې همدا کړنه د انسان په وجود کې له وړاندې وېره خپروي. دا کيسې له واقعيته لرې نه دي. د شته بنديزونو سره – سره بيا هم يو شمېر خلک په غير قانوني توګه ددې سيمې ليدو ته ورځي، چې ډېری يې له خطرناکو پېښو سره مخ کېږي. په همدې وجه د برازيل حکومت ډېر بنديزونه وضع کړي دي. د عادي کسانو ورتګ منع دي، خو څېړونکي کولای شي، د پوليسو له اجازې او همکارۍ وروسته، چې ځانګړي وسايل هم ولري، دې سيمې ته ورشي. 

څېړنو ښودلې ده، چې ددې وچې د مارانو زهر د برازيل د نورو سيمو له مارانو ۵ برابره قوي دي.  تر اوسه د مارانو د او زهرو د ډولونو په اړه کره معلومات نشته، خو څېړنې روانې دي.

Related Articles

لمریز تختې څنګه برېښنا تولیدوي

لمریز تختې څنګه برېښنا تولیدوي؟ سولر پینلونه د فوتوولټیک (PV) حجراتو څخه جوړ شوي چې د لمر وړانګې جذبوي. کله چې د لمر فوتونونه دې حجراتو سره ټکر وکړي، الکترونونه خوشې کېږي او په پېنل کې د برېښنا جریان په شکل حرکت کوي. معنی دا چې سولر د لمر رڼا ته اړتیا لري نه ګرمې هوا ته. بله دا چې که د ورېځو اغېز ترې لېرې شي، سولر ژمۍ او اوړی یو ډول برېښنا تولیدوي....

اتمانخېل او د مېلمه ننګ .

تېمور شاه چې د احمد شاه بابا ځوئي وو پينځه ځل ئې د هند په لور په کال 1774. 79.80.85. 88 کښې ئې لښکرې لېږلې وې خو ځنې خوېونه او کمزورې داسې وې چې د احمد شاه ښوځښت پشا تلل هم دده د وخت نه پېل شو او په آخر کښې دده ځوئي شاه شجاع د سيهکانو او پيرنګيانو سره دڅوکې لپاره په لاس ېو کولو هرڅه اوبائلل.په کال 1779 کښې د تېمور شاه خلاف په کورنۍ کښې د مرګ ېوه هڅ...

د بریا او پرمختګ راز

رياض مقامزی   که تاسو هم یو له هغو کسانو څخه یئ چې پخپل ژوند کې د پرمختګ هیله لرئ او غواړئ سبا مو تر نن ښه وي، نو حتما دا لیکنه ولولئ. که تاسو په ژوند کې هره هیله لرئ او یادې هیلې ته ورسېدئ نو همدا ستاسو بریا ده؛ مګر دا کار دومره ژر او په اسانۍ نه کېږي. پدې لاره کې به ګڼ خنډونه وي، ستونزې، ننګونې او نورې بندې لارې هم وي. دا چې دا موانع له مخې لرې...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...