To start downloading books

Please sign in or create an account.

FAYAZ GUL MAZLOUM YAR 2 years ago 1,143
د لغمان د نامه  ريښه يى سپړنه  

د لغمان د نامه  ريښه يى سپړنه  

پـــوهـــــــــــندوى مـستعلى ( نيازي )

 د ښوونې او روزنې پوهنځى استاد 

 

د لغمان د نامه  ريښه يى سپړنه  

     لنډيز : 

  د لغمان نوم د تاريخ په اوږدو کې په مختلفو بڼو ثبت شوي او د نړى  لويو فاتيحو لکه سکندر مقدونى ، گوډتيمور ، بابر او نور له دي سيمي څخه تير او هند ته رسيدلې  دي . دغه نوم  په تاريخى کتابونو کې د لمپاکا ، لمباتا ، لمقان او نور بڼو ثبت دي . په نوموړي مقاله کې کوښښ شوي چې د لغمان نوم ريښه په هر اړخيزه ډول وڅيړل شي .. 

 سريزه :

   د لغمان ولايت نوم  د تاريخ  په مختلفو دورو کې په مختلفو  نومونو ياد شوي او د تاريخ په کتابونو  کې د دې نوم د ترکيبي کلمو په اړه هم ځانگړي نظريات  ليکل شوي دي . 

     د سکندر مقدوني له يرغل  څخه را په دي خوا د مختلفو حدودو لرونکې و . چې کله نا کله د کابل او په را وروستو کې د مشرقي  ولايتونو په ډله کې د ننگرهار د نايب الحومکۍ يو اداري و چې وروسته بيا جلا ولايت شو . دا ولايت د هيواد د نورو ولايتونو په څير لرغونى تاريخ لري .  او د گندهارا د نورو اداري واحدونو لکه کونړونه  ، اسمار ، ننگرهار ،  پيښور ، ټاکئيلا ، لمباکا څخه يو اداري واحد و . په تاريخ کې لمپاکا په لوله ياد شويدى  او په دوو لويو درو الينگار  او اليشنگ مشتمل  دي . چې تگري ( تيرگړي ) مندروړ او چهارباغ  يې له مهمو قريو څخه شميرل کيږي . ( ٤ مخ ٦٩ )  

  د لغمان د نوم ريښه :

      د لغمان  ولايت  په جغرافيايې حدودو کې له پخوا زمانې تر اوس مهال پوري زيات بدلون منځ ته راغلي دى . د لغمان ولايت د ننگرهار  شمال ته پروت دى چې په کولتورى لحاظ او د طبيعى  پيدا وارو له  امله  ننگرهار ته ورته دى . هيوان تسنگ دغه ولايت په خپلو  يادښتونو  کې د لمغان ، لقمان  او لمپاکا په نومونوثبت کړى دي . بطليموس لغمان د لمپاکا په نوم ياد کړى دى . نوموړى ولايت کله په کابل  او کله هم په ننگرهار ( مشرقي ولايتونو ) پوري مربوط و . 

  د غازي امان الله  خان د واکمنۍ پر مهال لغمان د مشرقي لوي ولايت چې مرکز يې جلال اباد و کې شامل  او لومړي درجه حکومت ( حاکمي ) در لوده . په دې حکومت کې د الينگار ، اليشنگ ، قرغيو ، مندراوړ او عزيز خان کڅ سيمى  شاملي وې . قرغه يې ، مندروړ ، عزيز خان کڅ ، الينگار او اليشنگ يې لومړۍ درجه علاقه دارۍ ( اداري واحدونه ) او مرکزي سيمي د لغمان د حاکم له خوا نيغ په نيغه  اداره کيدلې ، د لغمان مرکزي سيمى لکه قرغه يې ، عزيز خان کڅ ، مندراوړ ، الينگار او اليشنگ دري په کښي شاملې وې . په لومړيو وختونو کې نورستان د لغمان په حدود کې شامل نه و. خو وروسته  د نورستان لويديځې سيمې د لغمان په حدود کې شاملې شوې او د لغمان په حدود کې هم بدلون منځ ته راغى . يو وخت د لغمان په لوى حکومت کې قرغه يې ، لويديځ نورستان ولسوالۍ د اليشنگ ، الينگار  او عزيز خان کڅ علاقه دارۍ او مرکزي سيمې د لوى حکومت مربوط وې . ( ٦ مخونه  : ٥٢ _ ٥٣ ) 

په ١٣٤٣  ل کال د افغانستان د نوي اداري تشکيل په اساس د لغمان ولايت هم د لوى حکومت څخه ولايت ته لوړ شو او شرقي ، نائيب الحکومه حکومت په دري ولايتونو لغمان ، ننگرهار او کونړ باندي وويشل شو . په دغه وخت کې  د لغمان د ولايت اداري واحدونه د الينگار ، اليشنگ  ، نورستان ولسوالۍ د عزيز خان کڅ علاقه داري ( د قرغيو د  ولسوالي مربوط وه  ) او مرکزي سيمي د ولايت  مرکز مربوط وې . په  ١٣٥٣ ل کال د عزيز خان کڅ علاقه داري له  منيځه ولاړه په عوض يې د اليشنگ په ولسوالۍ کې د دولت شاه علاقه داري تائسيس شوه او په دې اخرو وختونو کې  د نورستان  ولايت تاسيس شو چې د  نورستان  ولسوالي  د ټولو مربوطاتو سره د لغمان  له  ولايت څخه جلا او نورستان ولايت سره يو ځاي شوې . د استاد ربانى د واکمنۍ په وخت کې د دولت شاه علاقه داري ولسوالۍ ته لوړه شوه چې اوس لغمان  د کابل ، کاپيسا ، پنجشير ، کونړونو ، نورستان او ننگرهار په مينځ کې  موقعيت لري . ( ٦ مخونه ٥٣ _ ٥٤ ) 

په ١٩٦٧ زيږديز کال د لغمان ولايت اداري مرکز د سرخکانو د پل  پواسطه د کابل جلال آباد  لوى لارې سره وصل شو . ( ٣ مخونه  ٤ – ٢٤ )  

  د نړۍ يو شمير يرغلگرو لکه  سکندر مقدونى ( ٣٥٦ -  ٣٢٣ ) اميرتيمور ، گورگانى ( ٧٣٧ _ ٨٠٧ هـ ق ) بابر  ( ٨٨٨ _ ٩٣٧ ) هـ ق د همدى لغمان له وادي څخه تير او هند ته رسيدلي دي . ( ٦ مخ  ١٠ )  

 د لغمان په اړه لومړى ځل  په  ١٣٨٣ هـ ش کال د ډيوه  وال له خوا د کابل په مجله  کې يوه  مقاله ( لغمان وپيژنى )  نشر شوه . نوموړي په خپله مقاله کې د لغمان ولايت د مختلفو نومونو لکه : لاماگان ، لام پاکا ، لام پو يادونه  کړي ده . همدارنگه پوهاند صديق الله رښتين ( ١٢٩٧ _ ١٢٨٧ ) هـ ش ليکلى دي . (( چې د لغمان کلمه په ډيرو کتابونو کې د لمقان په بڼه ليکل شوې خو پخوا يې دې سيمي ته د لمپاکا ويلي چې لمپه يا ( لمبه ) د روښانه  او کا دظرف يا ځاى معنى ور کوي چې لمپاکا هم د روښانه ځاى معنى ور کوي . ( ٦ مخونه ١٣ ، ١٤ ) 

 هيوان تسنگ ( ٦٣٠ ) د لغمان سيمه د لان پو  ( Lian po ) ابوريحان البيرونى ( ٦٦٣ _ ٤٤٠ هـ ق ) په خپلو اثارو ماللهند او قانون مسعودي کې د لنبکا يا لنبگا ، حدود لعالم ( تاليف ٣٧٢ هـ ق ) او تاريخ يمينى لمغان په بڼه ليکلي دي . خو په ځينو عربى ليکنو او معجم البلدان کې د لامغان په شکل  راغلى دى . په دايارلسمې ا څوارلسمې پيړيو په ليکنو کې د لغمان نوم په تکرار  سره د لقمان اولمقانات په بڼه  ليکلى دى . خو د امان الله خان د واکمنۍ پر مهال د لغمان ولايت اصلي بڼه ( لغمان ) وليکل شو . خو په ځينو اثارو لکه دا خوند درويزه ( ٩٤٧ _ ١٠٢٨ هـ ق ) اثر تذکرة الابرارو لاشرار د خوشحال خټک او د هغه لمسى افضل خان خټک په تاريخ مرصح کې د لغمان نوم په خپلې اصلي بڼه ليکلى دى . د لغمان په اړه ځينې ليکنې تقريباً (٤٠٠ ) څلور سوه کاله لرغونتوب لري  . ( ٦ مخونه ٢٠ _ ٢١ ) 

د لغمان ولايت چې د لامکان ، لمگان ، لاپو ، لنباکا ، لامپاکا ، رام پاکا، لمباکا ، لامغان ، لمغان ، لمقان ، لمقانات ، لمغانات او په نورو نومونو ياد شوي چې د لام اولاماکلمى په پشه ئې ژبه يې د کلي معنا ور کوي چې په لامپاکا کې لام د کلى او پاکا د هغه چا نوم دي چې دا کلى ورته منسوب  دى . او لغمان ، لامکان او لامپاکا يې نوې  بڼې دي . ځکه د لام کلمه لکه  په نور لام ، مهترلام ، او نگه لام ، لام ټک ( لمټک قلعه ټک او نورو سيمو په نومونو کې د لام کلمه د کلي په معنى استعمال شوي ده . او کله دغه لام د رام په  بڼه هم ليکل شوي لکه گلارام کوڼته رام او    شمررام . ( ٥ مخونه : ٢٠٨ _ ٢٠٩ )  ښايې د دې نوم دومره لفظي بدلونونه د تاريخ ليکونکود لهجوي ژبنى اغيز له امله وي . 

 مقدونى سکندر د افغانستان  د شمالي ولايتونو له نيولو وروسته  دوهم ځل  د هندوکش جنوب د پنجشير د سيند په اوږدو کې له کاپيسا څخه د نجر او اوتگاوله  لاري لمپاکا يعنى لغمان ته را ورسيد . چې د مندروړ او چارباغ تر مينځ  تر قرغيو ته نږدي يې د نيکا په نوم يو ښار ودان کړ او هغه په لمقان کې خپل پوځ په دوو برخو وويشه چې يوه برخه يې له لغمان څخه د ده په مشرۍ د کنړ له لاري د صوات  او باجوړ په لور او د لښکر دوهمه برخه يې د جنرال پرويکاس په مشرۍ د کابل او لغمان سيند جنوب اړخ ته خيبره پوري لاړل . په سيند ( اباسين ) يعنى اټک کې  سره يو ځاى شول همدارنگه د شله ټک د غره په لمن کې يو ډبر ليک په ( ١٣٤٨ ) لمريز کال کې کشف شو . چې په هغه کې د ارامي ليکدود څخه دا جوتيږي چې دا ډبرليک د اشوکا د واکمنۍ پر مهال  کښل شوي دى . په دي ډبر ليک کې د لمکان جتى (Lemekan Jati ) § نوم ليکل شوى چې لمکان او لمغان د اوسني لغمان ( په لفظي اغيزه سره ) دي . ( ١ مخونه :١٨٠ _ ١٨١ ) 

  گوډ تيمور د پنجشير  له لارې لغمان ته راغلى  و . غوښتل يې چې بلورستان ( نورستان ) ته لاړ شې خو بريالي نشو او حو په اليشنگ کې يې د ناجل ( نجيل قلعه ) جوړه کړه . امير حبيب الله  خان هم اليشنگ ته د يو ډبرليک د ليدنې له پاره راغلى وه چې عکس يې د ( ١٩١٧ ) زيږديز کال د مارچ ٢٥ مه  ١٢٩٦ لمريز کال د ورى ( حمل ) په پنځمه د سراج الاخبار په جريده کې چاپ شوى دى . ( ١ مخونه : ١٨٩ _ ١٩٠ ) 

د لغمان نوم په تاريخى ليکنو کې 

١ _١٣٣٨ لمريز کال د کابل په مجله کې يوه مقاله  لغمان وپيژني نشر شوي چې د لغمان د نوم په اړه مطالب يې نشر کړي دي  .

٢ _ پوهاند صديق الله ريشتين هم په يوه ليکنه کې د لغمان د نوم د ترکيب په اړه معلومات  .

٣ _ جنرال کنگهم په خپل اثر ( د هند جغرافيه ) کې د لغمان د نوم  د ريښې د تاريخي سوابقو په اړه علمي معلومات نشر کړيدي ، بطليموس هم لغمان د لمباتا په نوم ياد کړى .

٤ ( محمد پادشاه د التدارج په فرهنگ کې  ( ١٣٠٥ ) هـ ق  کال تاليف شوي د لغمان د نوم د ترکيب  په اړه معلومات  نشر کړي دي . 

٥ _ استاد حبيبى هم په خپل اثر  ( تاريخ خط ) د لغمان  نوم د لمکات جتى په نوم ليکل دى .Â

٦ -  چينى زاير او سياح هيوان تسنگ په  ( ٦٣٠ ) ز کال د اگست په مياشت کې د لغمان سيمه ليدلې او د اسيمه يې د لان پو ( lan po ) په نوم ياد کړې ده .

٧ _ ابو ريحان البيرونى په خپل  څيړنيز اثر ماللهند کې دا سيمه د لنبکا په نوم ياده کړې ده .

٨ _ حدودالعالم ، تاليف ( ٣٧٢ ) هـ ق يميني او عبدالکريم سمعانى دا نوم  د لمغان په نوم ثبت کړى . ( ٦ مخونه : ١٥_ ١٦ ) 

٩ _ ښاغلى علامه  عبدالشکور رشاد په خپل اثر  د سيمو په تاريخي جغرافيه کې د لغمان د نوم او الينگار او اليشنگ درو په اړه پوره علمي معلومات نشر کړي دي . 

١٠ _ ښاغلي زلمى هيواد مل  په خپل اثر ( جغرافياى تاريخي لغمان ) کې چې په  ١٣٨٣ هـ ش کال چاپ  شوى د لغمان ولايت د نوم تاريخي سير  او تشکيلاتو په اړه  پوره  او علمي څيړنه  کړيده .

١١ _ لوى تاريخ پوه مير غلام محمد غبار په خپل  اثر ( جغرافيه تاريخى افغانستان ) کې دگندهار په بحث کې د لغمان ولايت  په اړه معلومات نشر کړي . تيگړي ، مندراوړ او چارباغ  يې د گندهارا له مهمو قريو څخه  گڼلي دي . 

١٢ _ ښاغلي رازقي نړيوال په خپل اثر دهيواد لرغوني ښارونه  او د تاريخ پاڼې دوهم ټوک کې چې په ١٣٨٥  لمريز کال  چاپ شوي د لغمان وجه سيمه توضيح کړي ده .

١٣ _ ښاغلى شهسوار ، سنگروال په خپل اثر ((  افغانستان د تاريخي جغرافيه څرنگوالى ) کې چې  په ١٣٨٣ لمريز کال چاپ شوى . نوموړي کوښښ کړي چې د لغمان ولايت په هر اړ خيز ډول توضيح کړي .  ده په دغه بحث کې د نورو يادښتونو تر څنگ د ښاغلي تاريخ پوه پوهاند محمد حسن کاکړ او سر محقق عبدالله بختاني يادونو ته هم اشاره کړې ده .

 د لغمان د نوم د لرغونتوب په اړه نور تاريخي اثار هم شته خو د موضوع له اوږديدو څخه د مخنيوي په خاطر د ټول اثارو له يادونې څخه ډډه کوم . 

پايله :

   لغمان په پخوانيو اثارو کې لمقان ، لمگان ، لمپاکا او نورو  نومونو باندي ياد شوى په تاريخي اثارو کې د افغانستان د ( ٣٤ ) ديرشو ولايتونو څخه يو ولايت دى چې د لغمان په شهرت کې د دې ولايت  لرغونې تاريخ د دې سيمې د خلکو زيرکتيا تاثير لري لغمان د کاپيسا د ولايت جز وه چې د کاپيسا په مدنيت کې د لغمان  ونډه  با ارزښته وه په معاصر تاريخ کې د دې ولايت ادبى او فرهنگي اشخاص لکه استاد گل پاچا الفت  ، سيد قاسم لغمانى  چې د لومړي مشورطه غوښتونکو ډلى غړي و . او په  ١٣١٢ کال بند‌ي شو . نور شخصيتونه  هم شته چې په  شهرت کې                                 ونډه لري . ( ٢ مخونه _ ٢١٤ _ ٢١٧ ) 

لغمان ولايت د تاريخ  په مختلفو مرحلو کې د افغانستان د نورو تاريخي  سيمو ، په څير د  هيواد د کلتور  او فرهنگ په بډاينه کې ونډه اخيستي ده . او د دې سيمې اوسيدونکو د ښوونکو په توگه  د هيواد په گوټ کې معارف  او پوهني په خپريدو کې د پام وړ برخه اخيستي ده . 

 مناقشه : 

کوم څيړنه چې د لغمان د نوم د ريښه يې سپړنى تر سرليک لاندي تر سره شوي په څيړنه کې هڅه شوي . د لغمان د نوم لهبه يې او تاريخى ستير په مختلفو امپراتورانو د واکمنۍ  او له لغمان  څخه د تيريدنى پر مهال مقدونى سکندر او نور د ابادى او محلى ښار گوڼو د جوړولو  او د دي ولايت اداري تشکيلات د پخوا او اوس سره پرتله  شوي او ځکه لغمان يو وخت د کاپيسا او يو وخت  د مشرقي ولايت په تړون د ننگرهار تر اداري لاندي او په دې وروستيو کې د ځانگړي ولايت  تشکيل  ور کړل شوي  د ياد ولايت  خلکو په هيواد کې د معارف په پراختيل او پرمختگ ډيره ونډه اخيستي ده. څيړنى وښوده چې د لغمان ولايت  د تاريخ  په اوږدو کې د هيواد په کلتوري بداينه او پرمختگ پوره  ونډه در لوده  د نړي ستر  يرغلگر لکه مقدونى سکندر ، چنگيز خان  اوگوډ تيمور  د دي  سيمي څخه  تير شو او هند ته يې ځانونه رسولي دي . 

Abstract: 

 I would like to write a bout of the old and historical province named laghman  in Afghanistan .

 The well know name laghman seems to be new , however , it is one of the old and historical name , further laghman has come through different stages according to its official administrations , laghman has developed as the other province , in dedd many changes observed in different administration , In fact it has mentioned in different names by different writers , authors and some other famous people within their articles and books so that is should be clear for all the readers that laghman has passed through many periods , finally the old and historical name laghman should  be clearly mentioned in different  books , articles history  books and some  other  relevant  issues  a bout  which all the reader  should  know ,  on the other  hand  the reader  should  be confident .

ماخذونه :

١ _ سنگروال ، شهئوار ( ١٣٨٤ ) لمريز کال د افغانستان تاريخي جغرافيه څرنگوالي ، الازهر خپرندويه  موسسه .

٢ _ رشاد، عبدالشکور ( ١٣٨٤ ) لمريز کال ، د سيمو تاريخي جغرافيه  ميوند کلتوري ټولنه ، کندهار .

٣ _ عارض ، غلام جيلانى ( ١٣٧٩ ) لمريز کال ، د افغانستان  د ولايتونو جغرافيه ، ژباړه اورنگزيب ارشاد .

٤ _ غبار ، مير غلام محمد ( ١٣٨٧ ) هـ ش جغرافيه  تاريخي افغانستان ، مرکز نشراتى ميوند سبا کتابخانه .

٥ _ نړيوال  رازقى ( ١٣٨٦ ) لمريز کال ، د هيواد لرغونى ښارونه او تاريخ پاڼى ، دوهم ټوک ، ميوند خپرندويه ټولنه .

٦_ هيواد مل زلمى ( ١٣٨٣ ) هـ ش جغرافيه تاريخى لغمان ، اداره کتابخانه هاى  سيار اريک . 

 

      


 
§  جتي : په سنگريت ژبه کې د جتي کلمه د مريد ، مخلص او ديني مبلغ معنى ور کوي . ٦ مخ ١٦ 
  جتى ، مخلص ، مريد او مذهبى مبلغ معنى ور کوي . 

Related Articles

د چای ترموز چونکیدا -فزیک

د خوب پر مهال به حتما د تش ترموز مسلسلې چونګېدا نا ارامه کړي وی. ستونزه هغه وخت جدي شي چې ترموز تر هغې نه غلی کېږي چې سر یې خلاص نشي. د دې فزیکي پېښې په اړه بېلابېل نظرونه شته. ځینې فکر کوي چې کله چای له ترموز تش شي نو هلته خلا جوړه شي او د همدغه غږ پر مهال لږ لږ هوا د ترموز منځ ته ورځي څو هلته رامنځ ته شوې خلا ډکه شي. خو دا صحیح نه ده.د لیسانس زده...

عقب نشینی مزرورانه

عقب نشینی مزرورانه مصطفی عمرزی باید با صراحت یادآور شویم که روشنگری های ما در دفاع از کشور موثر و در حال گسترش اند. به شمول افغان های زیاد فرهنگی، سعی کرده ایم به جای درگیری و گریبان گیری، به پرسش هایی پاسخ بگوییم که هرچند غیر منطقی، اما با اصرار صادر می شدند/ می شوند تا در جامعه ی جنگ زده ی ما که دسترسی به آگاهی ها سهل، اما آلوده است، مردم را مل...

خوب لیدل

لیکنه ـ وړانګه اکبر خوب لیدل د خیالونو، احساساتو او اندونو یو تسلسل دی چې معمولا د خوب په ځینو مرحلو کې په غیر ارادي ډول په ذهن کې پېښېږي. انسانان هره شپه دوه ساعته د خوب په لیدو تېروي او هر خوب شاوخوا له ۵ څخه تر ۲۰ دقیقو پورې وخت نیسي. د تاریخونو له پیله، د خوب لیدل ټولو انسانانو ته یو زړه راښکونکې موضوع ده. لکه څنګه چې د خوب لیدل ډېر روښانه وي...

Recommended Articles

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا رټل کېږي او د جرات ماده یې په هماغه کوچني والي کې مړه کېږي.   ځينې خلک بیا خپل جرات په هماغه کوچني...

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...