To start downloading books

Please sign in or create an account.

انټرپول پولیس څوک دي؟

انټرپول پولیس څوک دي؟

لیکنه ـ ریاض مقامزی

د نړېوال نظم او سیسټم په چوکاټ کې انټرپول هم یو خورا مهم نوم دی. موږ په دې لیکنه کې هڅه کړې ده، چې تاسو ته ددې ادارې اړوند مهم او موثق معلومات چمتو کړو. د لیکنې تر پایه به پر ډېرو نویو مسایلو آګاه شئ. 

 

نړېوال پولیس څوک دي؟

د "نړېوالو پولیسو" اصطلاح هغو کسانو ته کارول کېږي، چې له "انټرپول" سازمان سره پر دندو بوخت وي. په حقیقت کې "Interpol" د نړېوالو جنایي پولیسو "International Criminal Police Organization" د نوم لنډيز دی. ددې سازمان بنسټ په "۱۹۲۳ز" کال کې د اروپا لویې وچې په "اتریش ـ Austria" هېواد کې کېښودل شو. د پولیسو دا سازمان هڅه کوي، چې په په نړېواله کچه د لویو مجرمینو پر وړاندې مبارزه وکړي او همدارنګه په غړو هېوادونو کې د خاصو شرایطو له کبله د عمومي امنیت په ټینګښت کې هم مرسته کوي.

په لومړيو کې لږ هېوادونه ددې سازمان غړي وو؛ خو وروـ ورو ډېرېدل. په "۱۹۲۸ز" کال کې ددې سازمان د غړيو هېوادونو شمېر "۳۴" ته ورسېد، تر دې چې اوسمهال د افغانستان په شمول "۱۹۵" هېوادونه یې غړیتوب لري. 

کله چې دویمه نړېواله جګړه پیل شوه، ددې سازمان فعالیتونه هم وځنډېدل؛ خو د جګړې له پای وروسته چې جنايي جرمونه زیات شول یو ځل بیا ددې سازمان فعالیت ته لاره هواره شوه او په "۱۹۵۶ز" کال کې ورته اساسنامه او مقررات وټاکل شول.

تاسو ته د لا ډېرو معلوماتو لپاره باید ووایم، چې تر "۱۹۸۹ز" کال پورې د انټرپول عمومي مرکز د فرانسې په پاریس ښار کې و؛ مګر اوسمهال د همدې هېواد په ليون ښار کې موقعیت لري. همدارنګه په لومړيو کې انګلېسي، فرانسوي او هسپانوي ددې سازمان رسمي ژبې وې؛ خو په "۱۹۸۹ز" کال کې د کويټ هېواد په غوښتنه عربي ژبه هم ور اضافه کړای شوه. ددې کار یو علت دا هم ګڼل کېږي، چې د عربي ژبو هېوادونو غړيتوب او اغېز پکې په ډېرېدو دی. 

 

 

کوم وظایف او صلاحیتونه لري؟

د نړۍ ټولې ادارې او سازمانونه په یوه ځانګړې دایره کې دنده ترسره کوي. انټرپول هم همداسې حدودات لري، که څه هم د انټرپول اصلي تمرکز پر عمومي امنیت، ترورېزم، طرحه شويو جنایتونو، جنګي جرمونو، د پیسو مینځلو (سپينول)، کمپيوټرې جرایمو، د وسلو پر قاچاق او مخدره توکو دی؛ خو له دې ورهاخوا په نړېواله کچه دا فعالیتونه هم کوي.

  • په نړۍ کې د پولیسو چارو څارنه
  • د غړو هېوادونو د مجرمينو اطلاعاتي ذخيره جوړول
  • د فرهنګي او لرغونو آثارو د قاچاق مخنیوی
  • د پولیسو لپاره فني او تخصصي سیمینارونه او کنفرانسونه جوړول
  • د مجرمینو په نيولو کې د ارتباط او هماهنګۍ رامنځته کول
  • اړوند هېواد ته د هغوی د مجرم سپارل 
  • په نړېواله کچه د مخدره توکو د قاچاق مخنیوی
  • د لویو پلان شوو غلاوو مخنیوی او د غلو نیول 
  • د هویت په برخه کې د جعلکارۍ کشفول
  • د اسنادو جعلکاري معلومول
  • د ورکو شوو کسانو په موندلو کې هڅه
  • د کشف شوو جسدونو معلومول
  • د مجرمینو بین اللمي څار
  • په غړیو هېوادونو کې د مجرم نیولو لپاره چټک ارتباطي پُل جوړېدل او ...

 

ددې پولیسو نوی مشر څوک دی؟

د انټرپول نوی رئيس "جنرال احمد ناصر الرئیسي" نومېږي. نوموړی د عربي متحده اماراتو (UAE) اوسېدونکی دی. شنونکي پر دې باور دي، چې "انټرپول سازمان" تر ډېره پر عربي متحده اماراتو تکیه کوي، دا ځکه چې انټرپول خپل اکثریت مالي تمویل له همدې هېواد څخه ترلاسه کوي. نو ځکه خو داسې وضعیت رامنځته شوی.

د بشري حقوقو نړېوال مدافعین پر دې ټاکنې خوښ نه دي، دا ځکه چې پر "الرئیسي" د شکنجې او د خلکو پخپل سري زنداني کولو تورونه دي. آن تر دې چې د نوموړې خلاف په پنځو هېوادونو کې شکایتونه هم ثبت دي. یو له دې هېوادونو څخه فرانسه هم ده، چرته چې ددې سازمان عمومي مرکز هم موقعیت لري.

Related Articles

ټوغکے افسانه -- ليک محمد الياس طوطه کان ملاکنډ خيبرپښتونخوا

ټوغکے د اوړي سړۀ غرمه وه ـ د نمر تپ دومره زيات وۀ چې وجود يې سېزلو ـ  زه چې نن د ښکار نه واپس شوم نو څه ګورم چې خېبرۍ ترور پښې ابله پښې او سرتور سر په کوڅو کښې ګرځېدله او چې کله يې زۀ اوليدم نو رامنډه يې کړه او بيا يې راته اووې "يه بچيه! تۀ ورشه څوک اوګوره چې زمونږ چرګانو له ستنې اووهي" خېبرۍ ترور به د خپلوچرګانو خيال ولې نۀ ساتلو ـ او بيا د هغې...

جبران خسارت دولت ناشی از تعقیب جرایم || Compensation by the government for the prosecution of crimes

نام نویسنده: محمدمصطفی محمدیار (کارشناس ارشد در رشته حقوق خصوصی) Writer’s name: Mohammad Mustafa Muhammadyar نام مقاله در روزنامه نشر کننده (روزنامه پیک هرات): چه کسی هزینه دادگاه مجرم را بپردازد مردم یا خودش || Who will pay for the trial of the offender; The people or himself? خسارت به معنای مالی است که باید از طرف کس که باعث ایراد ضرر مالی به...

د رابرټ فراسټ ژوند لیک

لیکنه ـ ریاض مقامزی د نړۍ د نوموتو ادبي شخصیتونو له ډلې به نن د مشهور امريکايی شاعری وپېژنئ. نوموړي د خپلو غوره او منلو شعرونو پر مټ وکولای شول څلور ځلې د پولیترز جایزه وګټي. ددې لیکنې تر پایه به یې په اړه لا ډېر پوه شئ.  پېژندنه (رابرټ فراسټ ـ Rabert Frost) په شلمه پېړۍ کې تر ټولو مشهور امریکایی شاعر ګڼل کېږي. نوموړی په "۱۸۷۴ز" کال کې د امریکا...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

د خپل مخ پوستکی څنګه ښکلی کړو

د خپل مخ پوستکی څنګه ښکلی کړو، چې د هرچا د خوښې وړ وګرځي؟پر پوستکي مختلف داغونه د مختلفو عواملو له امله پیدا کېدی شي لکه د لمر د وړانګو له امله، د ځینو درملو د استعمال له امله او یا کېدای شي د عمر په زیاتېدا سره هم ځینې نښې نښانې را څرګندې شي. په همدې اساس د هر عامل له وجې د پوستکي د داغونو درملنه هم په جدا ډول سره کېږي، چې باید توپیر یې وشي، لکه...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...