ټوکه 
یوه شپه یو غل د یوې بوډۍ کور ته ورغی، هغه لا ویښه وه، غله ورته وويل ، د نورو بوډیو په څېر له ماښام وروسته ولې نه ویده کیږې؟ هغه پوه شوه چې غل دی، ورته یې وويل ، زویه ویده وم خو سخت ویروونکی خوب مې ولید او راویښه شوم، او زیاته یې کړه: فکر کوم ته ډېر ښه ځوان یې خو غلا ته مجبور شوی یې؟ زه به ډېر څه درکړم، لومړی دا د سرو زرو بنګړي درواخله، خو کاش زما دا ویروونکی خوب راته تعبیر کړې؟
غله له ځانه سره کړه چې په څومره مهربانه بوډۍ واوښتم، ورته ویې ویل: وایه څنګه خوب دې لیدلی؟ هغې وویل: زویه د سیند په غاړه روانه وم پښه مې وښویېدله، سیند ته ولویدم، او په سیند کې د غرقیدا حالت کې مې کړیکې کړې او په لوړ اواز مې ویل: 
واا عبد الله 
وااا #عبدالله
واااا #عبدالله 
او په دې حالت کې له خوبه راویښه شوم، نو زویه! د دې خوب تعبیر څنګه دی؟ غله لا تعبیر نه و پیل کړی چې د بوډۍ زوی عبد الله راننوت او په غله یې د شا له خوا برید پیل کړ، ډېر سخت یې وډباوه، بوډۍ وويریده چې غل ډېر ژوبل نه کړي نو زوی ته یې وویل: بس که زویه! ډېر دې ژوبل کړ، غله وویل: عبدالله جانه! وهلو ته دوام ورکړه او ښه مې خمیره کړه، زه د ښو ډبولو وړ یم، زه دلته د غلا له پاره راغلی وم که د خوب تعبيرونو بیانولو ته؟

ههههههههههههه

بعضی ورونه ټوکو لپاره ګوګل کی سرچ کوی

نو د دی په خاطر می دلته اډ کړه🥰🤪