د افغانستان د بندونو د زېرمو حجم:
۱. کجکي په هلمند کې ۱.۵ میلیارد متر مکعبه
۲. دهله په کندهار کې ۱ میلیارد متر مکعبه
۳. افغان-هند دوستی (سلما) په هرات کې بند ۶۶۰ میلیون متر مکعبه
۴. نغلو په کابل کې ۵۰۰ میلیون متر مکعبه - د سروبي او دورنټې بندونه لږ زېرمه لري او اوبه یې نغلو ورته تنظیموي.
۵. سردې په غزني کې ۱۶۵ میلیون متر مکعبه
۶. د کمال خان بند ۵۲ میلیون متر مکعبه،
۷. د چک بند په وردګ ولایت کې ۳۶ میلیونه متر مکعبه، خو اوس یې زېرمه ډکه شوې او د بند د ترمیم چارې په نیمه کې پرېښودل شوې.
۸. د قرغې بند په کابل کې ۹ میلیون متر مکعبه،
۹. بند امیر په بامیان ولایت کې، چې د څو طبیعي جهیلونو مجموعه ده او د اوبو د حجم په اړه یې کره ارقام نشته.
۱۰. د سلطان تاریخي (۱۰۰۰ کلن) بند په وردګ ولایت کې چې د زېرمې په اړه یې کره معلومات نشته او ډېره ډکه شوې.
۱۱. د پلخمري لمړی بند په بغلان کې ۵ میلیون متر مکعبه، د بند د سیند په اوبو برېښنا تولیدوي او د پلخمري دوهم بند ته هم اوبه تنظیموي.
۱۲. د سوختوک بند په دایکندي کې ۶ میلیون مترمکعبه،
۱۳. د سرحوض بند په فاریاب کې ۵ میلیون مترمکعبه،
دا د دغو بندونو د زېرمو لومړنی ظرفیت دی چې اوس یې ځینې برخه خاورو ډکه کړې. د نورو بندونو نومونه چې یادېږي هغه یا تر کار لاندې و چې اوس یې چارې په ټپه ولاړې دي او یا هم یوازې پلان کې دي. په بدخشان کې د شورابک کوچنی بند زېرمه نلري او د سیند په بهیر برېښنا تولیدوي!
طبیعي جهیلونه ځینې وچ شوي، او ځینې یې په غرونو کې دي چې څوک یې ډېر نه پېژني. د آب ایستاده جهیل د غزني په پای کې شته چې وروستیو اورښتونو یې د اوبو کچه لوړه کړې.
https://twitter.com/assemmayar1
