له موبايل څخه د ګټې اخيستنې ځينې آداب

Riaz Muqamzai
Riaz Muqamzai
Author
1 min read
4,857
له موبايل څخه د ګټې اخيستنې ځينې آداب

ګرځنده موبایلونه زموږ د ورځني ژوند یوه برخه ګرځېدلې. موږ له کوره نیولې بیا تر بازار، کار ځای، موټر او نورو ځایونو کې اړ کېږو، چې خپل موبایل و کاروو. خو دا باید هېره نه کړو، چې ځينو ټکو ته مو باید پام وي.
 د موبایل کارول په مختلفو ځایونو کې خپل آداب لري. موږ ته پکار دي، چې په عمومي ځایونو لکه موټر، شفاخانه او یا بل هر ځای کې چې خلک ډېر وي په موبایل کې و نه غږېږو، خو که ډېر مهم وي باید په ټيټ غږ وغږېږو او خبرې لنډې کړو. 
 که څه هم د موبایل کارولو آداب په ټولو ځايونو کې يو ډول او عمومي نه دي خو ځينې ګډ ټکي هم شته، چې ځينې یې دا دي.
 ۱ ـ کله چې پر مهمو موضوعاتو جلسه ولرئ موبایل مو له ځانه لرې کړئ. دا کار ددې معنا لري، چې تاسو ته دا جلسه مهمه ده او نه غواړئ موبایل د جلسې خبرې غوڅې کړي. 
 ۲ ـ کوښښ مه کوئ، چې نږدې کس ته هم د موبایل له لارې کومه خبره وکړئ. ددې پر ځای خپله ورشئ، وغږېږئ او پيغام مو ورسوئ. 
 ۳ ـ بې دقته مه اوسئ. کله چې کوم چاته ایمېل او یا هم پيغام لېږئ وروسته له لیکلو یې بیا ځلې ولولئ تر څو کومه غلطي و نه لري او وکولای شئ خپل پيغام په سم ډول ورسوئ.
 ۴ ـ کله چې رسمي ځايونو ته ځئ، کوښښ وکړئ خپل د موبایل غږ خاموش کړئ. دا کار تاسو با نزاکته معرفي کوي او ستاسو د ښه شخصیت نمایندګي کوي.
 ۵ ـ له ملګرو او کورنۍ سره د ناستې پر مهال ځان په موبایل کې مه مصروفوئ. دا کار د مقابل لوري بې احترامي ده. که ستاسو سره ورته چلند وشي ممکن ډېر غوسه شئ. که تاسو ته د موبایل کارول ډېر اړين وي کولای شئ له ناستو ملګرو اجازه واخلئ. او ډېر ژر خپل کار خلاص کړئ.
 ۶ ـ که تر څنګ ته ناست کس مو موبایل کاروي تاسو یې ننداره مه کوئ. ممکن یاد کس و نه غواړي تاسو وګورئ چې هغه څه کوي.
 ۷ ـ په لوړ غږ مه غږېږئ! په لوړ غږ غږېدل په هر ځای کې ښه نه وي، خو که په موبایل کې تاسو په ډېر لوړ غږ غږېږئ ستاسو پر ساده توب دلالت کوي. کوښښ وکړئ آرام او ټيټ وغږېږئ. موبایل ستاسو غږ انتقالوي نو مهمه نده چې خپل آواز جګ کړئ. 
 ۸ ـ لنډې خبرې کوئ. په موبایل کې ډېر وخت لپاره غږېدل له روغتيايي زیانه ور هاخوا ټولنيز بې نزاکتي هم بلل کېږي. دا چاره تاسو ګوښه ګير کوي او نور خلک پر تاسو بدګمانه کېږي. نو کوښښ وکړئ یوازې د ضرورت په اندازه وغږېږئ. 

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د مسلک او اړتیا له مخې د مطالعې ارزښت
Pashto
Sep 15, 2020
5,194 views

د مسلک او اړتیا له مخې د مطالعې ارزښت

کله چې د مطالعې نوم اورو نو ذهن کې مو یوازې ناولونه، لنډې کیسې، سیاسي کتابونه او ارواپوهنې کتابونه راځي او فکر کوو همدې کتابونو لوستلو ته مطالعه وایي. ما دا خبره ځکه وکړه چې دا څووم ځل دی د طب د برخې محصل ملګري په لاس کله د ناولونو، کله د خوبونو د تع...

Written by Shamshad Zaheer Read more
خپګان ( خفګان ) څه شى دى ؟
Pashto
Jul 05, 2020
7,757 views

خپګان ( خفګان ) څه شى دى ؟

څوك خپه كېږي او ولې؟  خپګان يوه داسې ناروغي ده، چې په هغې باندې د اخته كېدو اټكل  پر ټولو يو ډول دى . خپګان زوړ او ځوان، بډايه او بېوزله، لوستى او نالوستى، تور او سپين، ښځه او نر، دينداره او بې دينه نه پېژني او كولاى شي، چې ټول خلك اغېزمن كړي . دغ...

Written by Ketabton Read more
په ټولینزو رسنیو کې شخصي مسایلو د بیان اغیزې او پایلې 
Pashto
Sep 13, 2023
2,436 views

په ټولینزو رسنیو کې شخصي مسایلو د بیان اغیزې او پایلې 

په ټولینزو رسنیو کې شخصي مسایلو د بیان اغیزې او پایلې  عمران اختر   د شخصي مسایلو بیان د ټولنیزو شبکو په مختلفو پلیټ فارمونو کې د انفرادي یا شخصي مسلو شریکولو او بحث بالخصوص په افغاني ټولنه کې ډيره جدي مسله ده. هره ټولنه جلا جلا کلتور او فرهنګ لري...

Written by Imran Akhtar Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,404 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,128 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,882 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article