د خروار بند - لوګر: دا بند د خروار ولسوالۍ په یوه تنګي کې پر چرخ سیند جوړ شوی. ۳۰ متره لوړ دی. اوږدوالی یې په لاندینی برخه کې ۲۰ متره او پورتنی برخه کې ۱۴۰ متره دی. د اوبو د زېرمې حجم یې ۱۹ میلیون مترمکعبه اټکل شوی. بند د کرنې لپاره د اوبو زېرمه کولو په هدف پلان شوی. دا بند د تېږو له انبار جوړ شوی خو د اوبو خوا یې په ۲.۵ متره ژوروالي د مصالې څخه پخه شوې ترڅو د اوبو د نفوذ مخنیوی وکړي. د اوبو برج یې ۳۰ متره لوړ دی چې په کې د کنټرول دروازه لګېدلې (انځورونو کې ښکاري). برج په تل کې ۴x۳ مترو تونل ته چې ۵۰ اوږدالی لري وصل دی ترڅو اوبه لاندې خواته ولېږدوي. د خروار بند د جوړولو چارې په ۱۹۳۲ کې پيل او ۱۹۳۳ کې ودرېدې چې تراوسه همداسې نیمه پاتې دي. که څه هم د لوګر اوسېدونکي یې هر ځل د بیارغونې غوښتنه کوي. خو چا تراوسه په دې برخه کې اقدام ندی کړی. د Monenco د راپور پر بنسټ دا بند غلط ځای جوړ شوی او بیارغونه یې ډېرو تخنیکي مطالعاتو، او همدارنګه بند او تهداب یې ډېرو تحکمیاتي کارونو ته اړټیا لري (د بند محور ممکن په ځمکه کې درز ولري). له دې کبله د پانګونې لپاره لومړیتوب نلري. پر کابل حوزه د نړیوال بانک ارزونې راپور هم د دې بند د جوړولو سپارښتنه نده کړې. د لوګر اوسېدونکي وایي چې بند به زوړ او عتیقه اثارو کې وشمېرل شي خو فعال به نشي. اوسنی وضعیت ته په کتو دا خبره پرځای برېښي. نور بیا! #دافغانستان_بندونه https://twitter.com/assemmayar1
