په استوګنیزه ودانیو کې د کوټو سټنډرډ سایز او د هغو موقیعت .
Standard Size of Rooms in Residential Building and their
Locations
د استوګنیزه ودانیو د پلانولو پرمهال د کوټو په سایز او موقیعتونو باندې پوهیدل ډیر ضرور وي .د کوټو سایز د لمر روښنايي ،د استوګنو د حرکت او طبیعي هوا ننوتو ته زمینه برابروي .
په استوګنیزه ودانیو کې د کوټو سټنډرډ سایزونه او د هغو موقیعتونه.
1. د تفریح یا د اوسیدو کوټې سایز . Size of Drawing or Living Room:
د تفریح کوټه یا اوسیدو کوټه د کورنۍ د غړو او میلمنو د ناستې لپاره یوه مشترک ،ارام او زړه راښکونکی ځای وي .ځیني وخت دا کوټه د ښه راغلاست خونې او یا هم ډوډۍ خوړلو کوټې په توګه هم کاریږي .د تفریح کوټه باید د ودانۍ په منځنۍ برخه کې داسې برابره کړای شي چې له مخامخ برنډې او ډوډۍ خوړلو ځای سره نښتي وي .د تفریح کوټه باید روښانه وي او تهویه ولري .
د تفریح کوټه په ټوله ودانۍ کې ترټولو لویه او غټه وي نو ځکه د هرډول مراسمو لپاره کاریدای شي.د تفریح کوټې سایز په دې پورې اړه لري چې په راتلونکې به د څه لپاره وکارول شي.د تفریح کوټې سټنډرډ سایزونه دادی
.4200mm (14ft) X 4800 mm (16ft) تر 5400mm (18ft) X 7200mm (24ft)
2. د خوب کوټې . Size of Bedrooms:
د خوب کوټې ته باید داسې موقعیت ورکړل شي چې ښه تهویه ولري او په ورته وخت کې په پرده او خوندیتوب په پام کې ونیول شي.په عمومې ډول د خوب کوټې باید د ودانۍ یو څنګ ته وي چې داسې یې لږترلږه یو دیوال د ښې تهویې او رڼا لپاره پاتې شي .د خوب کوټې باید په د باد په طرف ځای په ځای شي .د دې کوټو موقعیت باید داسې وي چې د سهار لخوا لمر رڼا ورننوځي .د کړکیو مساحت باید لږترلږه د کوټې د مساحت 10% په اندازه وي .د کوټې حجم باید د غټانو لپآره 9.5 مترمکعب او د ماشومانو لپاره 5.5 مترمکعب پرکس وي .
ښه خبره داده چې د خوب کوټې سره نښتی تشناب او کمود هم وي .د خوب کوټې سټنډرډ سایزونه په لاندې ډول دي .
3000mm (10ft) X 3600mm (12ft) to 4200mm (14ft) X 4800mm (16ft)
3. د میلمه کوټې سایز . Size of Guest Room:
د میلمه کوټه به ښه رڼا وي او ښه تهویه ولري .دا کوټه باید د ودانۍ په یوطرف کې د تفریح کوټې ته نژدي وي .
د میلمه کوټه باید له نور کور سره نښتی نه وي او خپل ځانګړی تشناب او کمود ولري.د میلمه کوټې سټنډرډ سایز په لاندې ډول دی . 3000mm (10ft) X 3600mm (12ft)
4. د برنډې سایز Size of Verandah:
د برنډې لپاره ترټولو ښه موقیعت جنوب او لویدیځ څنډې دي.که د ودانۍ مخ ختیځ ته وي نو بیا ختیځ ته هم ورکول کیږي.برنډه د اتنظار خونې په توګه هم کاریږي .برنډه شخصي اپارتمان ددخلیدو له ساحې جلا کوي .برنډه ددې لپاره ورکول کیږي چې دودانې مخ په لمر برخو دیوالونه د ورځې په اوږدو کې سیوری وساتی .ځکه نو باید فرش مساحت 2/3 برخې څخه زیات برخه خالیګا ونه لري.د ګرمو سیمو لپاره هرکور باید یوه مخامخ او یوه د څنګ برنډه ولري.د برنډې سایزونه په لاندې ډول دی .1800mm (6ft) to 3000mm (10ft) .برنډه ډیری وخت چجه لری.
5. دفتر کوټې سایز . Size of Office Room:
د دفتر کوټه د برنډې په یوڅنګ کې وي او له نورو کوټو سره نښتې نه وي .ځینی وخت د دفتر کوټه د میلمه کوټې په توګه هم کاریږي .ددفتر کوټې سایزونه په لاندې ډول دي .3000mm (10ft) X 3600mm (12ft)
6. د خوړو کوټې سایز .. Size of Dining Room:
په عمومي ډول د خوړو کوټه باید د تفریح کوټې یا هم اوسیدو کوټې سره په څنګ کې وي او هم پخلنځي ته نژدي وي .په ډیری عصری کورونو کې د خوړو کوټه او تفریح کوټه یوځای کیږي او یوه لویه کوټه ترې منځ ته راوړي .
د خوړو کوټې سایز په لاندې ډول وي . 3600mm (12ft) X 4200mm (14ft) to 4200mm (14ft) X4800mm (16ft)
7. پخلنځي سایزSize of Kitchen:
پځلنځي باید د ودانې په شمال –ختیځ څنګ یا هم یو کونج کې ورکول شي .پخلنځي باید د خوړو له کوټې سره ونښلول شي او باید دباندې وتلو لپاره یوه بله لار هم ولري.که شوني وي پخلنځي ته داسې موقعیت ورکول شي چې د سهار لخوا لمر ورننوځي .پخلنځي باید کړکی او د لوګی اوبوی وتلو لپاره یوه مورۍ ولري .د کړکۍ مساحت باید د چت مساحت 15% کم نه وي .په پخلنځي کې باید دست شوی او کافي اندازه المارۍ ورکول شي .که شوني وي د پخلنځي سره نښتی یوګودام هم ورکول شي .د پخلنځي سټنډرډ سایزونه . 2500mm (8ft) X 3900mm (13ft) to 3000mm (10ft) X 3600mm (12ft)
8. ګودام Store Room:
کودام باید پخلنځي ته نژدي وي .د ګودام کوټې سایزونه په لاندې ډول کیدای شي .
2500mm (8ft) X 2500mm (8ft) to 3000mm (10ft) X 3000mm (10ft)
9. پنتري . Pantry
پنتری چې په فارسي کې ورته ابدارخانه وايي هغه کوټه ده چې د خوړولو کوټې سره نژدی جوړیږي څو هلته پاخه خواړه وساتل شي.په دې کوټه کې یو شمیر المارۍ هم وي .د پنتري کوټې سایزونه په لاندې ډول دی .
2500mm (8ft) X 3000mm (10ft)
10. د تشناب کوټه او کمودخونه . Size of Bathroom and WC:
نن سبا دا ډیر دود دی چې هره کوټه کې تشناب او کمود ورکول کیږي .دا هغه وخت شونی ده چې اوبه پریمانه وي .تشناب او کمودخونې ته باید پوره تهویه ورکول شي.که شونی وي تشناب ته دوه کړکۍ ورکول شي یوه یې د تهويي لپاره د ځمکې له سطحې 2000mm بره او بل یې لږ ټیټ ورکول شي خو بیا هغه ښیښه ورکول شي چې ګلداره وي .که تشناب او کمود یوځای وي نو سایزونه یې په لاندې ډول وي .WC (combined): 1800mm X 1800mm to 1800mm X 2500mm
که جلا وي نو تشناب . (separate): 1200mm X 1800mm
کمود .WC (separate): 1200mm X 1200mm
انجنیر محمد فرید عاطف
