هایدروپوبیک سیمنټ –تولید ،خواص او کارونه. Hydrophobic Cement – Manufacture, Properties and Uses’
لکه له نوم یی چې ښکاري دا د اوبو ضد سیمنت دی ،دلته هایدرو (hydro)په مانا د اوبه او پوبیک (phobic) په مانا پر ضد .هایدروپوبیک سیمنټ د پورتلنډ سیمنټو له پاتې شونو او اولیک اسید (Oleic Acid) په شان فلم تشکیل کوونکې مادې له یوځای کیدو لاس ته راځي ،څو په ناوړه اقلیمي شرایطو کې دسیمنټو د ګودام کیدو پروخت د تخریب کچه یی راکمه کړي.هغه سیمنټ چې داسې خواص ولري هایدروپوبیک سیمنټ بلل کیږي .په دې مقاله کې د هایدروپوبیک سیمنټو تولید ،خواص ،کارول ،ګټې ، نیمګړتیاوې او خوندیتوب لپاره احتیاط د بحث لاندې نیول شوي.
.
د هایدرو پوبیک سیمنټو تولید. Manufacture of Hydrophobic Cement
د هایدرو پوبیک سیمنټو تولید د پورتلند سیمنټو په شان دی .هغه ایره او پاتې شونې چې د سیمنټو له تولید څخه پاتې کیږي د اولیک اسید یا ستریک اسید (Stearic Acid)په شان اوبو مخنیوي کوونکو موادو سره میده کیږي او وچ ګډ کیږي .دا کیمیاوي مواد د سیمنټو د ذرو پرمخ یوه طبقه تشکیلوي او اوبه نه پریدي چې د ګودام کولو او لیږدولو پرمهال له سیمنټو سره مخلوط شي او هایدریشن پروسه پیل کړي.بیا هم د مخلوطولو پروسو کې د زیات ټکان اوفشار له امله داطبقه ماتیږي او هایدریشن پروسو ته اجازه ورکوي .
د هایدرو پوبیک سیمنټو خواص. Properties of Hydrophobic Cement
هایدرو پوبیک سیمنټ لاندې خواص لري.
1) میده والی 350 m2/kg
2) روغ والی یا Lechatelier 10mm (Soundness)
3) Autoclave 0.8%
4) ابتدايي ځان نیونې یا جوش وخت 30 min
5) وروستۍ ځان نیونې یا جوش وخت 600 min
6) فشاري مقاومت په درې ورځو کې 16MPa
7) فشاري مقاومت په اوه ورځو کې 22MPa
8) فشاري مقاومت په 28 ورځو کې 30MPa
9) د اوبو جذب(Absorption) له 0.8% تر 1%
د هایدروپوبیک سیمنټو کارول .Uses of Hydrophobic Cement
1) په هغه ځای کې چې اقلیمي شرایط نهايي لوند وي او یا هم سیمنټ د اوږدې مودې لپاره ګودام کې ساتل کیږي.
2) په تونل جوړولو کې ډير کاریږي ځکه ځمکې لاندې کار او ترمیم ستونزمن او قیمتي دی .
3) دا سیمنټ ډيمونو ،پرچاوو او داوبو لاندې ساختمانونو کې کاریږي.
4) هغو ساختمانونو کې کاریږي چې له باران سره مخ وي لکه د پارکنګ ساختمانونه او نور.
5) د اوبو ایستلو ساختمانونو او مین هولونو لپاره کاریږي.
6) د څښلو اوبو د تصفې ذخیرې او استنادي لپآره کاریږي.
7) د پایپونو د لیکیج د بندولو لپاره کاریږي.
د هایدروپوبیک سیمنټو ګټې .Advantages of Hydrophobic Cement
هایدروبیک سیمنټ لاندې ګټې لري.
1) دوامداره ترمیم منځ ته راوړي چې د اوږدې مودې لپاره کارکولی شي.
2) مقاومت یې د عادي سیمنټو په شان دی .
3) زر کلکیږي او جوش کوي ،په نورمال ډول له اوبو سره له مخلوطولو وروسته د سختیدو لپاره درې دقیقې وخت نیسي .
4) کله چې دا سیمنټ وکارول شي نو څرنګه چې زر کلکیږي او سختیږي یو ساعت وروسته رنګ ورکول شروع کیدای شي.
د هایدروپوبیک سیمنټو نیمګړتیاوې .Disadvantages of Hydrophobic Cement
هایدروپوبیک سیمنټ لاندې عمده نیمګړتیاوې لري.
1) په یخو سطحو کې کار نه کوي .
2) کله چې د تودوخې درجه له 40 فارنهایت ټیټه وي نه شي کارول کیدای .
3) د کارولو لپآره ماهرو کسانو ته ضرورت وي او همدارنګه مناسب اقلیمي شرایط ورته په کار دي.
4) دا سیمنټ قیمته دي.
د هایدروپوبیک سیمنټو کارولو په وخت صحي او خوندیتوب احتیاط.Health and Safety Precautions of Hydrophobic Cement
1) د هایدروپوبیک سیمنټو د ګرد له تنفس کولو باید ځان وساتل شي.
2) له سترګو او پوستکې سر له تماس وساتل شي.
3) د سیلیکا تنفس کول کیدای شي د سږو ددر لامل شي .
4) ماسک او دستکشي باید وکارول شي.
د انجینرصاحب فرید عاطف لیکنه
