څنګه او کومه دنده باید انتخاب کړۍ؟
زمونږ د اکثریتو ځوانانو یو ستونزه دا ده چې نه پوهیږي څه وکړي
مثلاً: د اقتصاد پوهنځی څخه فارغ شوی ځوان مو په دی نه پوهیږي چې کوم بخش کې تخصص لري او د کومی وظیفی لپاره اپلایی وکړي.
ډیری د پوهنتون فارغان مو په دی نه پوهیږي چې سي وي CV څنګه جوړه کړي
او په اخر کې باید ووایم چې ۹۰ سلنه فارغان خوپه دی نه پوهیږي چې څنګه وظیفه واخلي او د کوم ځای نه پیل وکړي.
1. د دندی لپاره اړین مهارتونه
a. د انګلیسی ژبی زده کړه: نن سبا تقریباً د هر کار تر سره کولو لپاره انګلیسی ژبه مهمه ده نو ستاسی باید حد اقل په متوسطه اندازه انګلیسی ژبه زده وي.
b. کمپیوټر: که تاسی غواړۍ په یو دفتر که دنده تر سره کړۍ نو د کمپیوټر زده کړه ستاسو لپاره اړینه ده بالخصوص د مایکروسافټ آفیس پیکیج زده کول چې دی کې مایکروسافټ ورډ Ms Word، مایکروسافټ ایکسیل Ms Excel، مایکروسافټ پاورپواینټ Ms PowerPoint او مایکروسافټ ایکسس Ms Access او همدارنګه د ایمیل پخاطر د اووټ لوک Outlook شامل دي.
2. انټرن شپ Internship: که تاسی نوي فارغ شوی یاست او یا مو د پوهنتون وروستی کال دی، نو همدا اوس تاسی باید د انټرن شپ تلاش وکړۍ، مختلف ادارات خصوصاً غیر دولتی موسسات نوی فارغان د انټرن په توګه د ۶ میاستو لپاره استخداموي، دغه موده که تاسو ته یو اندازه جیب خرڅ هم درکوی او تر څنګ یی تاسو ته عملاً کار هم در زده کوي
3. روز مزد کار Casual Work: ځینی ادارت د موقت وخت لپاره روز مزد نفر استخداموي چې د دایمی کارمندانو په نسبت ورته زیاته اجوره هم ورکوی او د داسی کارونو لپاره ډیر مهارت ته هم اړتیا نه وي. نو تاسی کوښښ وکړۍ داسی فرصت نه استفاده وکړۍ. په دی کې تاسو ته د کار د سرته رسولو لپاره روزنیز ټریننګونه هم درکول کیږي او وخت په وخت درته لازمی لارښوونی هم کیږي کوم چې ستاسو د ظرفیت سازۍ لپاره غوره موقع کیدلی شي.
دا کارونه معمولاً د ډیټا انټري Data Entry، فایلینګ سیستم جوړلو، د اسنادو سکین کول، د اسنادو ارشیف برابرولو، سروی، ترجمه، ډیتابیس جوړولو، راپور لیکلو، عکاسی، تحقیق په برخه کې پیدا کیږي. په دی برخه کې معمولاً په انګلیسی ژبه پوهیدل، کمپیوټر سره بلدتیا، او د نورو وسایلو سره (لکه کامره، پرنټر، سکینر، د کاپی ماشین) بلدتیا تاسو سره مرسته کولی شي.
4. انټرنیټ څخه استفاده: تاسو کولی شۍ چې د وظیفی د اعلاناتو د سایت څخه وخت په وخت لیدنه وکړۍ او هغه اعلان شوی دندی چې تاسی ورته په شرایطو برابر یاست ورته اپلای وکړۍ
په افغانستان کې معمولاً دندی د اکبر په سایت که اعلانیږی خو تر څنګ یی ځینی نور ویب سایټونه هم شته چې هر ورځ په لسکونو بستونه اعلانوي. د اکبر او ځینو نورو سایټونو ادرسونه په لاندی لینکونو کې دي
Acbar: https://www.acbar.org/jobs
https://jobs.af/
https://unjobs.org/duty_stations/afghanistan
https://www.impactpool.org/countries/Afghanistan
https://m.reliefweb.int/jobs?search=country.exact%3A%22Afghanistan%22
5. تاسی باید د یو نفر نه وخت په وخت مشوره واخلۍ، کله چې کومی وظیفی ته اپلای کوۍ نو د هغه وظیفی لایحه وظایف او خپله سی وي یو ځل دغه نفر سره شریکه کړۍ او که درته مشوره درکړي نو اړین معلومات مو په سی وي کې اضافه کړۍ او بیا اپلای وکړۍ
6. مطالعه: کله چې کوم بست ته اپلای کوۍ نو د هغه کار باره کی پوره تحقیق وکړۍ، د مطالعی لپاره لازم مواد پیدا کړۍ، داسی څوک چې په ورته بست باندی کار کوي د هغه نه راهنمایی واخلۍ، دغه کارونه تاسو سره د امتحان په کامیابۍ کې مرسته کوي.
ښه چانس
FB: Wahdat Adil
