لس طلایي لارښوونې

که دغه لس لارښوونې عملي کړئ، پخپل ژوند کې به ډېر ژر پرمختګ او مثبت بدلون حس کړئ.

• هر سهار وخته پاڅېږئ. له وخته پاڅېدو سره ـ سره عبادت او اوبه څښل هم عادت کړئ. دا کار حتما عملي کړئ!

• ورزش خپل ورځنی عادت وګرځوئ. پدې توګه د خپلې روغتیا تضمین ترلاسه کوئ.

• هره ورځ مطالعه کوئ. د مطالعې په مرسته خپل ذهن فعال او متحرک ساتئ.

• په خوراک کې ډېر دقیق اوسئ. ډېر او غیر صحي خواړه مه خورئ.

• هغو څیزونو ته چې عاجله اړتیا نه لرئ، مه اخلئ. که داسې وکړئ، یوه ورځ به د ډېرو ضروري شیانو پلورلو ته اړ شئ.

• حتما یوه اندازه پیسې سپما (ذخیره) کوئ، چې په سختو شرایطو کې مو په درد وخوري.

• د خپل وخت ډېر خيال ساتئ. یعنې بې ځایه وخت مه تېروئ.

• بې خوبي مه کوئ. په ۲۴ ساعتونو کې حتما له ۶ تر ۸ ساعتونو خوب کوئ.

• تل پاک او منظم ګرځئ. دا کار ستاسو د کارونو په ښه والي کې رغنده رول لوبوي.

• خپلې کمزورۍ او نيمګړتياوې په نښه کوئ او له منځه وړئ. په دې توګه به ډېر ژر د پرمختګ لاره طی کړئ.

ریاض مقامزی