په انګلیسي کې د لیکلو مهارت مو لوړ کړئ!
له مورنۍ ژبې پرته، په بله ژبه لیکل یو څه ستونزمن کار دی او زمونږ ځوانان په دې برخه کې ډېرې ستونزې لري. دا ستونزې ډېرې د ژبو د ګرامر له اړخه وي ځکه املايي ستونزه د کمپیوټر پروګرامونه په اتومات ډول اصلاح کوي.
دا چې د انګلیسي ژبې، غیراصلي کارونکي ډېر دي، له همدې امله ورته ګڼ شمېر پروګرامونه چوړ شوي تر څو پرې لیکل شوی متن اصلاح کړي. په دې ډله کې د Turnitin, ProWritingAid, او Grammerly سافټویرونو ته اشاره کولای شو چې له ګرامر پرته کاپي شوی متن (plagiarism) هم پېژني. دا ډول نور سافټویر هم شته چې په اڼټرنټ د لاسرسي وړ دي. د plagiarism ستونزې د حل لپاره بیا Quillbot ګټور دی او تاسې ته د کاپي شوې متن، اصلاح شوې بڼه (Paraphrase) وړاندې کوي.
خو دا ستونزه غیر له انګلیسي، په نورو ژبو کې پر ځای پاته وه. همدا علت و چې په وروستیو کې https://languagetool.org/ له انګلیسي پرته ۲۰ نورې ژبې تر پوښښ لاندې راوستې. د دې ویبپاڼو په مرسته تاسې کولای شئ، انګلیسي، آلماني، هسپانوي، یوناني، روسي، ...... او حتی فارسي ژبې لیکل شوی متن اصلاح کړئ. همدارنګه که چېرې، په خپل انټرنټ بروزر کې د grammerly یا ProWritingAid اکستنشنونه وړیا انسټال کړئ، د اېمېل یا نورو لیکلو په وخت به ستاسو غلطي په اتومات ډول په نښه کوي او د اصلاح وړاندیز به درته کوي. د اسانتیا لپاره یې لینکونه هم لاندې درسره شریکوم.
https://www.grammarly.com/
https://languagetool.org/
https://quillbot.com/
https://www.turnitin.com/
https://prowritingaid.com/
2020
https://twitter.com/assemmayar1
استاد محمد عاصم مایار
______________________________
نوټ 2023
د پورتنیو ټولو اپلکېشنونه او ویبپاڼو کار اوس يواځې چټ جي پي ټي کوي. فقط ستاسو د لیکنې پورته ولیکئ چې لاندې متن اصلاح کړه یا بل هر ډول بدلون چې ستاسو خوښ وي درته په کې راولي.
www.twitter.com/assemmayar1
