قادس بند - بادغیس

د قادس بند - بادغیس:
دا بند د بالامرغاب حوزې په پورتنۍ برخه کې د بادغېس ښار قلعه نو څخه ۶۰ کیلومټره لېرې جنوب لوري ته، د کلیو او پراختیا وزارت لخوا جوړېږي. 
د قادس بند د اوبو زېرمه کولو، اوبو لګونې، قلعه نو او قادس اوسېدونکو ته د څښاک اوبو برابرولو لپاره د افغان حکومت په ۱۳،۸۵ میلیون ډالر بودیجه، د PIMTEK تُرکي ساختماني شرکت سره قرارداد شوی.
دا بند ۲۹ متره لوړ او ۴۷ مترو په اوږدوالي ډېزاین شوی چې ۱.۸ میلیون مترمکعب اوبو د زېرمه کولو ظرفیت لري. له جوړېدو وروسته د اوبو رسونې تر څنګ، ۱۴۰۰ هکټاره ځمکه هم خړوبه کړي.
دا چې د بادغېس ولایت لږ اوبه لري، اوسېدونکو یې د کارېزونو او چینو له اوبو څخه استفاده کوله. د ستونزې د حل لپاره لومړی د کلیو د بیارغونې او پراختیا وزارت، قلعه نو ښار ته څېرمه د څښاک اوبو یوه پخوانۍ ۵۰۰ مترمکعبه زېرمه ترمیم او بله نوې زېرمه د ۳۰۰۰ مترمکعب اوبو په ظرفیت جوړه کړه. چې د دې لپاره اوبه په قادس ولسوالۍ کې ۶ عمیق څاه ګان وکیندل شول او د اوبو تر زېرمو پیپونه وغځول شول. د کار دا برخه په یاد ولایت کې مېشت هسپانوی PRT ډلې تمویل کړه. 
خو د قادس اوسېدونکو د اوبو لږ کېدو د اندېښنې له شکایت وروسته، حکومت اړ شو، دې ستونزې ته د حل، او همدارنګه قلعه نو ښار ته د اوبو رسونې، ځمکې لاندې اوبو د تغذیې او اوبو لکونې لپاره د قادس ذخیروي بند طرحه کړي.
د قادس بند د پروژې تړون د ۱۳۹۸ کال د غبرګولي په ۲۸ نېټه لاسلیک، او عملي چارې یې د همدې کال په میزان کې پیل شوې. په پلان کې ده چې د ۱۴۰۲ کال تر وروستیو پورې به بشپړې شي.
نور بیا!
#دافغانستان_بندونه
https://twitter.com/assemmayar1