"حوض خاص یا آب خاص"
دا جهیل/ډنډ د لوګر ولایت د ازرې ولسوالۍ د جرمتو تنګي په اخرې د یو غره په سر کې واقع ده، د ازرې خلک ورته اودیخاص وایي.
په دې ډنډ کې اوړی او ژمی همداسې تکې شنې اوبه ولاړې وي، د اوبو د راتګ لاره یې نه معلومېږي نه پکې د چینې پشان راخوټېږي خو له همدې ډنډ څخه څلور طرفه ته بیا په غټه اندازه اوبه ځي.
اول د ازرې ولسوالۍ طرف
دوهم د پکتیا د ځاځیو طرف
دریم د ننګرهار د خوږیاڼیو طرف
څلورم د پښتونخوا د پاړاچنار طرف
د همدې جهیل اوبه هر طرف ته چې ځي لاندې د غرونو په لمنو کې راښکاره کېږي.
د ازرې له طرف نه چې ورخېژې دغه غر بیا همداسې شور کوي لکه لاندې چې یوه ژرنده اوبه پکې روانې وي.
تر اوسه د دې جهیل ژوروالی چا نده معلوم کړی.
له دې نه پورته طرف چې کوم غر ښکاري، د هغه غره په سر یو ستر میدان ده او دغه میدان د تخت سلیمان په نوم مشهور ده خلکو کې مشهوره ده چې دلته به د سلیمان علیه سلام تخت کېناسته.
والله اعلم
دا ډنډ چې مونږ خپله اندازه کړی په اوږدوالي 460 قدمه ده خو ژوروالی یې لا نده معلوم.
بله عجیبه دا ده چې یو طرف نه ورته ځیر شې د ماهي شکل غوره کوي او له بل طرف نه چې ورته وګورې د کوزې شکل غوره کوي.
" کوزه هغه خلک چې اوبه پکې اچوي"
په دې ساحه کې چې کله هره تیږه/کاڼی را واخلې او ورته ځیر شي نو یو قسم لیکنې پکې شوې وي.
زمونږ تره دې خدای ج وبخښي هغه یوه تیږه ترې راوړې وه د الله ج نوم پکې ښه واضح لیکل شوی وو بیا چې کله هغه وفات شو، بیا مو د هغه رحمه الله په قبر کېښوده.
او بله دا چې دا ساحه دومره یخه ده چې په دې غرونو کې د یخې هو له امله بوټي نه شنه کېږي.
کوم کال چې واواره زیاته وشي تر بلې واورې د تېر کال واوره په بعضې ځایونو کې پرته وي.
دا ساحه مقناطیس/هندروبا هم لري په تېر کې تقریباً دوه طیارې هم په دې سیمه کې را ولوېدې.
مطلب دا ډېر ستر تاریخي ځای ده که حکومت ورته پاملرنه وکړي او تاریخ یې را وسپړي په یو ستر سیاحتي مرکز به بدل شي.
نوټ: د خلکو په منځ کي ددي ډنډ باره کي ډیري عجبي کیسي موجودي دي.
روبرداشت
#Farmer #Afghanistan #کرنه #زراعت #کشاورزی
