په دې ورځو کې چې ټایپنګ زموږ د ژوند یوه عامه برخه ګرځېدلې، د قلم او کتابچې ملګرتیا ورځ تر بلې کمرنګه کېږي. موبایلونو، لیپټاپونو او کیبورډونه هر څه اسان کړي دي؛ موږ په څو ثانیو کې اوږدې لیکنې ټایپولی شو. خو په دې اسانتیاوو کې د د لیکلو اصلي روح د لاسه ورکوو.
په قلم لیکل یوازې د الفاظو ثبتول نه دي؛ دا د فکرونو تنظیمول دي. د قلم او کاغذ اړیکه زموږ ذهن ته هغه سکون ورکوي چې ټایپ کولو کې نه موندل کېږي. په قلم لیکل د افکارو د چاڼ کولو یو کراره، خو موثره لار ده. هره کرښه چې په قلم لیکل کېږي، زموږ د فکر ژور انعکاس دی.
ټایپ کول ممکن اسانه وي، خو په قلم لیکل یو ځانګړی جادویي اغیز لري. دا یوازې لیکل نه دي؛ دا هغه پروسه ده چې موږ له خپلو فکرونو سره په کې نېغه اړیکه جوړوو. د قلم په واسطه لیکل زموږ تخلیقي ځواک زیاتوي، زموږ یادښتونه پیاوړي کوي، او زموږ افکار ورسره واضح کیږي.
قلم او کتابچه مو پرېنږدئ. که هره ورځ څو دقیقې خپل فکرونه، اهداف، یا احساسات په قلم ولیکئ، نو ډېر ژر به پوه شئ چې دا عادت څومره مثبت اغېز لري.
پایله
د ټنکالوژۍ په دې پرمختللې نړۍ کې هر څه مه ټایپ کوئ؛ ځینې وخت په قلم لیکل وکړئ. د قلم په حرکت کې هغه خالصه ښکلا نغښتې ده چې لیکوال او تخلیقي ذهن یې ډیر ښه احساسولی شي.
