په نننۍ نړۍ کې د توجو اهمیت ډیر لوړ دی. زموږ وخت او توجو هغه پانګه ده چې موږ ته د بریالیتوب ډیرې دروازې خلاصوي، خو ټولنیزي رسنۍ او د انټرنیټ نامحدوده معلومات زموږ د توجو غله دي.
پخوا خلکو درې ساعته فلمونه لیدل بیا د یو ساعته ویډیوګانو زمانه راغله. خو نن ورځ یوازې د د لسو او دیرشو ثانیو ویډیوګانې کافي دي چې زموږ پام ځان ته راجلب کړي. ټولنیزی رسنۍ د خلکو د توجو سیالۍ کې ډوبي دي، هر ټولنیزه رسنۍ هڅه کوي چې زموږ ډیر وخت وګټي.
توجو زموږ د فکر او تخلیقي ځواک هغه دروازه ده چې موږ ته نوې لارې پرانیزي. هغه څوک چې په دې ګډوډۍ کې تمرکز او توجو نه بایلي د ژوند یوه ډیر بریالی نقشه جوړولی او مخ ته وړلی شي. توجو یوازې د فلټر عمل نه دی، بلکې ځیرکتیا او ویښتیا ده چې انسان پرې ډیرې سختې لارې ځانته اسانوي.
څنګه د توجو ساتنه وکړو؟
1. لومړیتوبونه وټاکئ: ټول معلومات اړین نه دي. یوازې هغه څه ته وخت ورکړئ چې ستاسو د اهدافو لپاره ګټور وي.
2. ډیجیټل حریم جوړ کړئ: په یو ټاکلي وخت کې ځان له ټولنیزو رسنیو او انټرنیټ څخه لرې وساتی.
3. مراقبه وکړئ: د ذهني سکون لپاره ورځنۍ مراقبه او د تمرکز تمرینونه وکړئ.
4. یو کار په یو وخت: د څو کارونو (Multitasking) پر ځای یوازې په یو کار تمرکز وکړئ.
پایله
هغه څوک چې د توجو ارزښت درک کړي او خپله د تمرکز وړتیا وساتي، راتلونکي کې به د بریالیتوب کلي همدوی سره وي. ټولنیزي رسنیو کې هره ورځ زرګونه پوسټونه کيږي خو تاسې د خپلو لوړو ارمانونو نړۍ ته یوازې هغه وخت رسیدلی شي چې خپل تمرکز له دې ګډوډیو څخه وساتی او ټول تمرکز مو په اهدافو وي.
