آيا پوهېدئ، چې خواړه زموږ پر حافظې اغېز کوي؟
کله چې د غذايي رژيم بحث کوو، زموږ فکر یوازې د خپل بدن ظاهري شکل او اندامونو ته وي. په داسې حال کې چې روغتيايي څېړونکي تر هر څه ډېر دې ټکي ته پام کوی، چې د خوړو تأثير پر حافظې څه دی؟ کوم خواړه باید وخوړل شي؟
غذايي مواد، آنتي اکسیدانونه، ګټور غوړ، ويټامينومه او معدني مواد په بدن کې انرژي توليدوي او موږ پر عصبي ناروغيو له اخته کېدو څخه ژغوري.
نو د غذا ډول ته په کتو کولای شو په یوه تير دوه ښکاره وکړو. د ښه او مناسب اندام تر څنګ به ښه حافطه هم ولرو.
د حافظې او مغز د پياوړتيا لپاره ښه خواړه
۱.چغندر
اکثره خلک له چغندر سره علاقه نه لري. مګر باید ووایم چې چغندر یو له مهمو خوړو څخه دی. دغه سبزي ډوله خواړه ددې سبب کېږي، چې د التهاب مخه ونيسي او د زیاتو آنتي اکسيدانونو لرونکی دی نو ځکه خو سرطاني ضد خاصيت هم لري.
که چېرته تاسو سخت تمرینات کوئ نو ډېره انرژي هم درکولای شي. کولای شئ له سلادو سره یې هم وکاروئ. که تاسو په کافي اندازه چغندر خورئ حافظه به مو پياوړې او سالمه پاتې شي.
۲. د کوپرې غوړ
د کوپرې غوړو ته حتمن په غذايي رژيم کې ځای ورکړئ. دغه غوړې د روغتيا پالانو له خوا په نږدې ۷۷ حالاتو کې کارول کېږي. د هغو ناروغانو لپاره هم توصيه کوي، چې د حافظې کمزوري لري.
د کوپرې غوړي د حافظې په پياوړتیا مې ډېر موثر تمامېږي. په ځانګړې توګه عمر خوړلو خلکو ته لا ډېر ګټور دي.
۳. د هګيو زېړ
که څه په ټوله کې هګۍ د صحت لپاره ګټور دي خو په خاصه توګه د هګيو ژېړ ډېرې روغتيايي ګټې لري. هګيو زېړ په ډېره کچه کولین لري، چې په ښځو کې د جنين د ودې لپاره ډېر ګټور دي. ددې تر څنګ ګڼې نورې روغتيايي ګټې هم لري. که تاسو د کلسترول له وجهې هګۍ نه خورئ نو ښه خبر درته لرم. وروستۍ څېړنې وايي، چې هګۍ د کلسترول په لوړوالي کې هېڅ ډول ونډه نه اخلي. همدارنګه څېړنو ښودلې ده، هغوی چې په کافي اندازه هګۍ خوري. نسبت هغوی ته چې نه یې خوري ډېر ذهين او په ذهني لحاظ فعال وي. تاسو هم خپل غذايي رژيم کې هګيو ته ځای ورکړئ.
۴. د خامو زيتونو غوړي
دغه غوړي د مغز او حافظې د پياوړتيا لپاره واقعي خواړه دي. باید هېر نه کړئ، چې دغه غوړي د پخلي لپاره مناسب نه دي. نو هېڅکله کوښښ مه کوئ په دې غوړيو کې خواړه پاخه کړئ. همدارنګه دا غوړي په یخو ځايونو کې وساتئ.
۵.چهارمغز
چهارمغز د ويټامين E او معدني مواده بهترینه سرچينه ده، کوم چې ستاسو د حافظې په پياوړتيا کې ګټور رول لوبوي. همدارنګه ستاسو د حافظې د چټکتيا سبب ګرځي
