هغه کړنې چې ستاسو شخصيت او ټولنيز محبوبيت ننګوي

Riaz Muqamzai
Riaz Muqamzai
Author
1 min read
4,378
هغه کړنې چې ستاسو شخصيت او ټولنيز محبوبيت ننګوي

موږ ټول غواړو چې په کورنۍ او  ټولنه کې محبوبیت ولرو. خو په دې نه پوهېږو، چې کوم کارونه موږ ته درنښت را بخښي او کوم مو شخصیت ننګوي.
 که تاسو ځير شئ په ټولنه کې ځينې وګړي ډېر محبوبيت لري او بعضي نور بیا د ټولو بدې شي.
 دا طبيعي خبره ده، چې هر انسان غواړي نور خلک یې ښه ووايي، ويې ستايي او په درنښت ورته قایل وي. په دې برخه کې ځينې وګړي بریالي شي او ټولنيز محبوبيت پيدا کړي مګر برعکس ځينې نور په دې کار نه توانېږي. ددې ډېر عوامل کېدای شي، موږ يې ځينو ته اشاره کوو. 

 ۱. ځان غوښتنه
 هغه کسان چې ځان غوښتومکي دي همېشه تر نيوکو لاندې وي او هېڅوک يې نه خوښوي. دغه ډول خلک تر هر څه لومړی خپل نږدې ملګري له لاسه ورکوي. ورپسې ورو ـ ورو د خپلې ټولنې نور وګړي يې هم بد وايي او خپل درنښت له لاسه ورکوي.
 ځان غوښتونکي خلک په هر څه کې یوازې خپل خیر غواړي. د ملګرو، کورنۍ او ټولنې غم ورسره نه وي. تاسو کوښښ وکړئ په هر کار کې د خپلو ملګرو او د ټولنې د نورو وګړو ګټې هم  په نظر کې ونيسئ. په دې کار سره به تاسو خپل درنښت او احترام ساتلی وي.

 ۲. عاطفي نا امني
 که تاسو داسې حالت لرئ، چې تل کوښښ کوئ د خپل ځان په اړه د نورو نظریات واورئ له عاطفي نا امنئ سره مخ یئ او دا ډول خلک د نورو نه خوښېږي. تاسو کوښښ وکړئ لومړی خپلې کورنۍ ته مينه ورکړئ بیا خپلو ملګرو ته. تر څو پرته له ويلو هغوی تاسو سره مينه وکړي او ومو ستايي. کوښښ مه کوئ د خپل ځان په اړه د نورو فکر په اړه له هغوی ډېر وپوښتئ. 

 ۳. آمرانه چلند
 ډېر کم خلک دا خاصیت لري، چې د نورو امر ومني. که تاسو له نورو سره داسې چلند کوئ، خپل شخصیت خرابوئ. له دې ډول خلکو نور وګړي تښتي او یوازې پاتې کېږي. تاسو کوښښ وکړئ تل د يوه ملګري په څېر چلند وکړئ. ددې پر ځای چې هغوی د کمۍ احساس وکړي باید د ډاډ احساس به لري. 

 ۴. ډېرې خبرې 
 هغوی چې ډېر غږېږي نور یې بد ګڼي. تاسو به حتمن داسې خلک پېژنئ چې تل خبرې کوي، آن د خبرو نوبت هم چاته نه پرېږدي. دا ډول خلک د ټولو بدې شي. په پښتني سیمو کې ورته "کړتو" کلمه کاروي. هېڅ څوک يې خبرو ته اهميت نه ورکوي. نو تاسو کوښښ وکړئ، کم وغږېږئ خو تل په منطقي او مستدللو الفاظو خبرې وکړئ. که په کومه موضوع نه پوهېږئ اړينه نه ده، چې حتمن نظر ورکړئ. ډاډه ووايئ چې په دې برخه کې زه معلومات نه لرم.

 ۵. منفي فکره
 ځينې خلک د هر کار منفي اړخ لټوي او یوازې نيوکې کوي. دغه ډول خلک ډېر ژر خپل محبوبیت له لاسه ورکوي. 
 که له تاسو سره څوک مشوره کوي، کوښښ وکړئ پيل له نيوکو مه کوئ. لومړی ډاډ ورکړئ او ويې ستايې. بيا په ډېر سمو الفاظو منفي ټکي ورته په نښه کړئ او دا به لا ډېره ښه وي، چې حللاره هم ور وښيئ.

 ۶. دروغ
 تاسو له هر څه وړاندې د خپل شاوخوا داسې یو څوک فکر ته راولئ، چې دروغ وايي. بیا فکر وکړئ چې ستاسو خوښېږي او که نا. ځواب به مو حتمن "نه" وي.
 دروغ ويونکي خلک هېڅکله ښه شخصیت نه شي لرلای. ممکن ځينې یې د لنډ وخت لپاره خپل کاذب شخصیت جوړ کړي، مګر ډېر ژر يې له لاسه هم ورکوي.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د غوا خامې شيدې کوم ميکروبونه لري؟
Pashto
Apr 30, 2021
5,998 views

د غوا خامې شيدې کوم ميکروبونه لري؟

د غوا شیدی کولای شې ډیری خطرناکې باکتریاوی له ځانه سره ولرې، یو د غذایی موادو دمکروبو او امراضو وسیله هم ګڼل کیږې. دا د خامو شیدو باکتریاوی ډیری مضره وی چې د نورو ډیرو مرضونو سبب کیدای شې. د غوا د خامو شیدو نه ګولییان بیرر سیندروم په نامه مرض پیدا کی...

Written by Riaz Muqamzai Read more
یوه جمله!!!
Pashto
May 31, 2022
4,525 views

یوه جمله!!!

حکایت دی، چې یوې جوړې ته خدای له واده یوولس کاله وروسته زوی ورکړ. د دوی په کور کې چی بل کوچینی نه و، هلک بېخي ډېر نازېده. یو سهار چې د هلک پلار کار ته روان و، د دوا یو بوتل يې پرانیستی ولید. دا چې په ده ناوخته وه، نو په مېرمن يې اواز وکړ چې سر يې بند...

Written by Riaz Muqamzai Read more
د لېړو روغتيايي ګټې
Pashto
May 26, 2022
3,554 views

د لېړو روغتيايي ګټې

 ژباړه ـ ریاض مقامزی   لېړو له هغو سبزیجاتو څخه ده، چې د اوړي په موسم کې وده کوي. ګرمې سیمې یې د تولید او ودې تر ټولو مناسب ځایونه بلل کېږي. لکه د نورو ټولو خوړو او سبزیجاتو لېړو هم خپلې روغتيايي ګټې لري، چې ددې لیکنې تر پایه به پرې پوه شئ.  د لېړو...

Written by Riaz Muqamzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article