حاجي اول خان ناصري په ١٣٣٢ هجري لمریز کال دَ ننګرهار ولایت په تورغر سيمه کې په يوه دينداره کورنۍ کې زيږېدلى. نوموړى دَ محمد خان ناصري زوى دى. لومړنۍ زده کړې يې په دوديز ډول دَ کلي په جومات کې ترسره کړي. په افغانستان دَ شوروي اتحاد دَ يرغل وروسته پاکستان هيواد ته مهاجر شو. تر هجرت لږه موده وروسته يي يو کوچنى جنګي ټولى برابر کړ او افغانستان ته دَ جهد لپاره راغى. په کمه موده کې يي دَ ختيځ زون په سطحه له کمونستانو او شورویانو څخه لوى سيمې لاندې کړې.
په ١٣٧٢ لمريز کال دَ ننګرهار ولایت دَ امنيه قوماندانۍ جنايي امر وټاکل شو. وروسته کله چې طالبانو افغانستان ونيو نوموړي جنګ او سياست پريښود او سوداګرۍ ته يي مخه کړه. دَ هغه کورنۍ غړي عبارت دي له :هنر ناصر، يحيى ناصر ( په سيمهايزه قومي شورا کې دَ حاجي اول خان ناصري ځايناستى)، سميع الحق ناصر، عباس خان، يما ناصر ( په سيمه کې په حماس ناصر پيژندل کيږي) او نور...
دَ هغه لاسته راوړنې :
حاجي اول خان ناصري په سياف فاميليو کې دَ تورغر ابتدايه ښوونځى ( چي اوس دولت ته سپارل شوى) تاسيس کړى تر څو دَ سيمې ماشومان پکې زده کړه وکړي.
نوموړى دَ ناصر تورغر دَ معدن استخراج او پروسس شرکت بنسټګر دى.
مړينه:
1
١٤٠١ هجري لمریز کال دَ ميزان په ٢٩ مه نېټه دَ ٦٩ کالو په عمر له دې فاني نړۍ څخه سترګې پټې کړې.
روح دي ښاد وي