د سردردۍ اسانه درملنه

Riaz Muqamzai
Riaz Muqamzai
Author
1 min read
5,664
د سردردۍ اسانه درملنه

په اوس وخت کې سردردي یوه ډېره عامه ناروغي ده، چې هره ورځ ډېری انسانان ترې ځورېږي. ویلی شو، چې تقریبا موږ ټولو سردردي ليدلې ده، مګر ځينې داسې وګړي هم شته، چې دوامداره سر درد یې حالت ورځ تر بلې خرابوي.
 د سر درد کمه او ډېره کچه زموږ پر ورځنيو چارو اغېز کوي. زموږ کړنې له ستونزو سره مخ او ټکنۍ کوي. سر درد لپاره د طبي درملو ترڅنګ ځينې طبیعې حللارې هم شته، چې له سر درده پرې خلاصېدای شو. په دې لیکنه کې پر همدې حللارو غږېږو.

 لومړی ـ اوبه وڅښئ

په بدن کې د اوبو کمښت د سر درد یو عمده دلیل کېدای شی. څېړني ښيي، چې په بدن کې د اوبو دوامداره کمښت د سر درد سبب کېږي. 
 پر همدې اساس هغوی چې سر درد لري، باید هڅه وکړي، چې ډېرې اوبه وڅښي. په دې توګه ستاسو سر درد له ۳۰ دقيقو نيولې تر درېيو ساعتونو ښه کېږي. همدارنګه په بدن کې د اوبو کمښت ستاسو د تمرکز قوت کمزوی کوي. نو هڅه وکړئ چې هره ورځ په کافي اندازه اوبه وڅښئ.

 دویم ـ مګنېزيم ترلاسه کړئ

د بدن د فعالیت لپاره یو له مهمو معدني موادو څخه مګنېزيم دی. دا ماده د نورو ګټو ترڅنګ ستاسو د سردرد په لمنځه وړلو کې هم پوره ګټور ثابتېږي. مطالعات ښيي، چې د مګنېزیم کمښت د انسان په بدن کې سر درد پيدا کوي. نو که ستاسو سر درد د مګنېزيم د کمښت له امله وي، کوښښ وکړئ، مګنيزیم ترلاسه کړئ، چې ډېر ژر روغ شئ.

 درېيم ـ د الکول څښل پرېږدئ

که څه هم د الکولي موادو څښل په ډېری کسانو کې سر درد نه پیدا کوي، مګر بیا هم څېړنو موندلې ده، چې د ځينو خلکو سر درد د الکولو د څښاک له امله وي. که تاسو هم الکول څښئ ډېر ژر ترې لاس واخلئ. 

 څلورم ـ کافي خوب وکړئ

باید پوه اوسئ، چې بې خوبي ستاسو روغيتا له هرې خوا ننګوي. له ډېرو روغتيايي ستونزو سره ـ سره تاسو ته شدید سر درد هم پيدا کولای شي. 
 د یوې څېړنې په ترڅ کې وموندل شوه، چې د خوب کمښت او د سر درد شدت سره مستقیمه اړيکه لري. څومره چې کم خوب کوئ په هماغه اندازه به مو د سر درد زیات وي. هڅه وکړئ خپل خوب ته خاصله پاملرنه وکړئ.
 خو دا مه هېروئ، چې له اندازې ډېر خوب هم د سر درد سبب کېږي. د خوب مناسبه موده له ۷ ساعتونو نېولې تر ۹ ساعتونو ده. 

 پنځم ـ چای/قهوه وڅښئ

په ټوله کې هغه څښاک چې کافین لري د سر درد په ختمولو کې ګټور ثابتېږي. قهوه او چای یې ښې بېلګې دي. 
 همدارنګه که تاسو په تېر کې ډېر کافين کارولي وي او په ناڅاپي توګه یې استعمال کم کړئ، دا هم ستاسو د سردرد سبب کېږي. په لنډه توګه ویلای شو، چې د قهوې او چای په څښلو کې هم افراط مه کوئ. 

 شپږم ـ ورزش وکړئ

بدني فعالیتونه د سر درد ختمولو یوه تر ټولو ساده لاره ده. پر ۹۱ تنو یوه ترسره شوې څېړنه ښيي، چې په اونۍ کې درې ځلې د "۴۰" دقیقو لپاره د بایسکل چلول ستاسو سر دردي په مکمله توګه ختمولای شي. همدارنګه تاسو کولای شئ د نورو ورزشونو په مرسته هم د خپلې سر دردۍ درملنه وکړئ.

 وروستۍ خبرې

اکثره خلک له مکررې سر دردۍ څخه ستړي دي. له همدې کبله اړينه ده، چې ځينې ساده او طبیعي لارې وپېژنو. خو دا هېڅکله مه هېروئ، چې ځينې وخت ستاسو سر درد طبي درملنې ته هم اړتيا لري. که په پورتنيو تګلارو ستاسو سر درد ښه نه شو، ژر تر ژره ډاګټر ته مراجعه وکړئ او خپله درملنه ترسره کړئ.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
هغه نزاکتونه چې بايد پاملرنه ورته وکړو!
Pashto
Dec 29, 2020
4,425 views

هغه نزاکتونه چې بايد پاملرنه ورته وکړو!

لیکنه ـ ریاض مقامزی ټولنيز ژوند له قوانيتو او محدودیتونو خالي نه دی. موږ او تاسو ټول حتماً په یوه ټولنه کې ژوند کوو، نو معلومه ده، چې له نورو وګړو سره به اړيکې او خپلوۍ پالو. همدارنګه له خپلو کورنيو، ملګرو، کلیوالو، ټولګيوالو، همکارانو او ګڼو نورو خ...

Written by Riaz Muqamzai Read more
توره کرکۍ
Pashto
Oct 29, 2026
111 views
2

توره کرکۍ

خپل سپین ټیکری یې پر سر سم کړ. د لویې المارۍ مخې ته ودرېده. ډول ډول کتابونه وو، خو هغې د یوه ځانګړي کتاب پسې ګرځېدله. کتاب یې راواخیست او په احتیاط یې د مکتب په بستې کې کېښود. د لویې کړکۍ له لارې لمر وړانګې راننووتې او کوټه یې په نرمه رڼا رنګ کړه. هغ...

Written by Amin Hangam Read more
دو روی یک سکه
Pashto
Jan 04, 2021
1,964 views

دو روی یک سکه

دو روی یک سکه مصطفی عمرزی در میان آثاری که «انجمن شعرا و نویسنده گان» حکومت های کمونیستی، چاپ می کرد، کمتر موردی یافت می شد که به خواندن بیارزد. با حمله بر نخبه گان افغان که پس از هفت ثور، وحشیانه دنبال می شد، آن چه به نام بقایای آنان مانده بود، در...

Written by Mustafa Omarzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,399 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,124 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,880 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article