د معدې د سرطان نخښې او لاملونه

Ketabton
Ketabton
Author
1 min read
4,587
د معدې د سرطان نخښې او لاملونه

کله چې د معدې پر سطحه سرطاني سلولونه رامنځته شي، دې حالت ته د معدې سرطان (gastric cancer) ويل کېږي. کېدای شي دا حالت پراختيا پيدا کړي او له معدې څخه د بدن نورو برخو لکه، خېټه، هډوکو او ځينو نورو ځايونه ته انتقال شي. تاسو به ددې لیکنې تر پايه ددې ناروغۍ پر علايمو او لاملونو پوه شئ. 

علایم:
دغه ناروغي په لومړيو وختونو کې هېڅ ډول نښې نه لري. مګر د لږ وخت په تېرېدو سره ځينې علايم را ښکاره کېږي. لکه: 
ـ د معدې سوځېدل.
په دې حالت کې به تاسو په مسلسله توګه د معدې سوخت لرئ. تل به د معدې له سوخته شکايته کوئ او ګولۍ مو یوازې په موقت ډول سوځېدل اراموي. 
ـ د خېټې په پاسنۍ برخه کې د درد او دروندوالی احساس.
په دې وخت کې تاسو د خېټې په پاسنۍ برخه کې يو ډول درد او دروندوالی احساسوئ. فکر به کوئ، چې د سینې لاندينۍ برخه درنده ده. 
ـ د ډوډۍ خوړلو په وخت کې له مړېدو وړاندې د درد او د مړښت احساس. 
ډېر ژر به احساسوئ چې موړ یئ. حال دا چې تاسو به ايله یو څو مړۍ کړې وي. همدارنګه د ډوډۍ خوړلو په وخت کې به هم د معدې له درده کړېږئ. 
ـ زړه بدوالی
اکثرا به د زړه بد والي احساس لرئ. فکر به کوئ، چې استفراق وکړئ. له خوړو به په سمه توګه خوند نه شئ اخيستی. 
ـ بې اشتهايي
بې اشتهايي هم د معدې د سرطان له نښو څخه بلل کېږي. تاسو به په دوامداره توګه بې اشتهايي لرئ. 
ـ د وزن کمښت
ورځ تر بلې به مو وزن کمېږي. که تاسو هر څومره قوي خواړه خورئ بیا به مو هم وزن نه زیاتېږي. 
ـ د پوستکي زېړوالی
د پوستکي زېړوالی هم د معدې د سرطان له نخښو څخه بلل کېږي. که تاسو له پورتنيو علایمو سره ـ سره د پوستکي ژېړوالی هم لرئ، حتمن ډاکټر ته مراجعه وکړئ. 
ـ له کانګې سره د وينې راتلل

د عمر له اړخه ددې ناروغۍ شرحه:
په عمومي توګه دغه ناروغي له "۵۰" وروسته پیلېږي. په ډېرو کمو پېښو کې ناروغان له "۴۰" کالو کم عمر لري. تر ډېره چې ددې ناروغۍ ښکار کېږي عمرونه یې له "۶۰" کلونو ډېر وي. 

 علتونه:
د معدې سرطان یوه وژونکې ناروغي ده؛ په دې برخه کې موږ تاسو ته ددې ناروغۍ پر علتونو لنډه رڼا اچوو.
ـ په معده کې شديده هيپرتروفي (د سلولونو ډېره وده)
ـ د هیلکوباکترپیلوری به نوم میکروبی عفونت. د معدې په سرطان کې ددې میکروب ونډه ډېره لویه ده. مګر دده ترڅنګ ځينې نور عوامل هم شته. باید ووایو چې پر دې ناروغۍ د اخته کېدو ۹۰% علت همدا میکروب دی. 
ـ د معدې زخمونه
ـ گاستريت آتروفيك ( ددې په پایله کې د معدې دننۍ برخه زیانمنېږي)
ـ د معدې جراحي
ـ د معدې د اسیدیت کمبود
ـ په غذايي رژيم کې ډېره مالګه کارول 
ـ د سیګرټ، تریاکو او قیلون څښل 
ـ د ډېرې غوښې خوړل 
ـ د ګاز لرونکو څښاکو څښل
ـ کورنۍ یابقه درلودل

تشخیص:
د معدې د سرطان ناروغي ډېره خطرناکه ده. ډاکټران له دوو لارو دغه ناروغي تشخيصوي. 
۱ ـ آندوسکوپی
۲ ـ رادیوگرافی

1 Comment

Sign in to leave a comment.

Ataullah Zirak
Ataullah Zirak 3 months ago

؟

Related Articles

3 articles
کوم ډول خلک بايد کېله ونه خوري
Pashto
Oct 04, 2020
18,379 views

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو...

Written by Shamshad Zaheer Read more
امونېم ناېترېت
Pashto
Aug 08, 2020
3,064 views

امونېم ناېترېت

پرون د لبنان پاېتخت ( پلازمېنې) بيروت کې ېو ډېره زوروره چاودنه وشوه . وروستي مالومات ښيي چې ( تر اوسه) په دې چاودنه کې سل کسان وژل شوي او 4000 ټپېان دي .د نړېوالو خبري اژانسونو په وېنا چاودنه په هغه بندري ګودام کې شوې ، چېرته چې 2700 ټنه امونېم ناېتر...

Written by Ketabton Read more
د موبايل اړوند ځينې اړينې لارښوونې
Pashto
Dec 14, 2020
6,859 views

د موبايل اړوند ځينې اړينې لارښوونې

شلمه او يوويشتمه پېړۍ د ټکنالوژۍ د پرمختګ او اوج پېړۍ ده. په دې موده کې د ټکنالوژۍ دنیا د سترو او حيرانوونکو بدلونونو شاهده وه. یو له دې لاسته راوړنو د ګرځنده موبایلونو او انټرنيټ پيدا کېدل دي. موږ د ورځنيو چارو د ښه سمبالښت او چټکۍ لپاره اړ یو، چې ل...

Written by Riaz Muqamzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article