To start downloading books

Please sign in or create an account.

آیلیټس "IELTS" څه ډول ازموینه ده؟

آیلیټس "IELTS" څه ډول ازموینه ده؟

لیکنه ـ ریاض مقامزی

آيلیټس "IELTS" چې دInternational English" Language Testing"  لنډ مخفف دی، د انګلېسي ژبې یوه نړېواله او معیاري ازموینه ده. دا هغو کسانو لپاره مهمه ده، چې له هېواده بهر د مهاجرت، زده کړې او دندې هيله لري.
 په لومړيو کې ددې ازموينې ساحه ډېره محدوده وه او کمو خلکو به دغه ازموينه ورکوله. خو په "۱۹۸۹م" کال کې د "IDP" موسسې له یو ځای کېدو سره دغې ازموينې نړېوال حیثیت ترلاسه کړ.
 دا د انګلېسي ژبې د ټولو مهارتونو د ارزیابۍ یوه سیستماتيکه او هدفمنده ازموينه ده، چې د کاميابۍ په صورت کې تاسو ته له هېواده بهر د زده کړو، دندې او مهاجرت چانس درکوي.
 په نړېواله سطحه د دندو او سکالرشيپونو لپاره یوه اړتيا د آيليټس ازموينې د کاميابۍ سند وي. که تاسو هم غواړئ، چې بورس ترلاسه کړئ او یا هم له هېواده بهر دنده ترسره کړئ نو کوښښ وکړئ دغه ازموينه ورکړئ او له همدې لارې ځانته لا ډېر چانسونه پيدا کړئ، چې له هېواده بهر په معتبرو نړېوالو پوهنتونونو کې زده کړې وکړئ. 
 ددې ازموينې سوالونو جوړول هم د یوه کس کار نه دی. په دې کې یو ډله پوهان شامل دي، چې له ارواپوهانو، ټولنپوهانو، ژبپوهانو او ارزیابي کوونکو څخه يو يا څو تنه دخيل وي. دوی په ګډه، د دې ازموينې یوه منظمه او مکلمله پوښتنپاڼه جوړوي.

د ازموينې جوړښت

د آیلیټس ازموينه په دوو مرحلو کې اخيستل کېږي. لومړۍ یې تحریري او دویمه مرحله یې بیا تقریري وي. دواړه مرحلې په بېلابېلو ورځو کې ترسره کېږي. ددې ازموينې وخت ۲ ساعته او ۴۴ دقیقې دی. چې په دوو برخو وېشل کېږي. د کتبي ازموينې وخت ۲ ساعته او ۳۰ دقیقې وي، چې په دې مرحله کې ستاسو د اورېدلو، لوستلو او لیکلو مهارتونه ارزیابي کېږي. د تقریري ازموينې وخت ۱۴ دقیقې دی، چې د کتبي ازموينې په سبا اخیستل کېږي. په دې مرحله یوازې ستاسو د خبرو کولو (سپېکينګ) مهارت ارزیابي کېږي.

آيلیټس کومو هېوادونو ته د منلو وړ دی؟

آیليټس تقریبا اروپايي ازموينه ګڼل کېږي، چې مرکز یې د انګلستان هېواد دی. همدارنګه په امریکا کې هغه پوهنتونونه، چې د ټافل ازموینې نتایج مني د آيلېټس یې هم مني. همدارنګه په ګڼو نورو هېوادونو لکه: استرالیا، کاناډا، نيوزلینډ او آيرلینډ کې هم په رسميت پېژندل کېږي.
 د آيليټس ازموینې لپاره کوښښ وکړئ، چې بريټيش انګلش زده کړئ. ځکه چې ددې ازموينې څارنه درې بریتانوي مراکز کوي، چې عبارت دي له: د کمبريج پوهنتون د ازموينو واحد، زده کړيز سازمان او د بریتانيا د ازموينو مرکز.  

د آيلیټس ازموينې ډولونه

آيلیټس په دوو عمده برخو وېشل کېږي. لومړی یې عمومي (General) او دویم یې علمي (Academic) آیلیټس دی. په ټوله کې د دواړو ترمنځ توپير بېخي لږ دی. په دواړو ډولونو کې د اورېدلو (لیسنينګ) او خبرې کولو (سپيکينګ) پوښتنې يو ډول وي. خو د لوستلو او لیکلو په برخه کې يو څه جزوي توپيرونه لري.
 د اورېدلو برخه کې ۴۰ پوښتنې وي، چې باید ۳۰ دقیقو کې ځواب شي. په دې برخه کې به له دوو یا زیاتو کسانو سره پر اجتماعي مسايلو بحث لرئ. 
 د لوستلو په برخه کې هم ۴۰ پوښتنې وي، چې وخت یې یو ساعت دی. ددې برخې متون له ورځپاڼو او مجلو اخيستل شوې وي. په دې برخه کې د عمومي او علمي آيلیټس توپير یوازې د متونو په پېچلتيا کې وي.
 د لیکلو په برخه کې تاسو ته دوه موضوعات د پوښنې په شکل درکول کېږي. ددې برخې لپاره تاسو ۶۰ دقیقې وخت لرئ ترڅو موضوع په مستدللو خبرو شرحه کړئ. همدارنګه وروستۍ برخه یې د خبرو کولو (سپېکينګ) ده، چې له ۱۱ نيولې تر ۱۴ دقیقو وخت لري. 

نوملیکنه

متقاضيان کولای شي، چې د ielts.org ویبایسټ له لارې نوملیکنه وکړي. د نوملیکنې په فورم کې به د نورو معلوماتو ترڅنګ خپل نوم او د ازموينې د ورکړې مرکز هم ټاکي. د معلوماتو له بشپړېدو وروسته باید خپل فیس هم ورکړي. 

د ازموينې لګښت

د آيليټس ازموينې د مختلفو مراکزو نرخونه لږ څه توپير لري. له ۲۰۱۵ څخه تر اوسه ددې ازموينې متوسط نرخ تقریبا ۲۴۰ ډالره دی. دغه قیمت ثابت نه وي، ځينو ځايونو کې یې قیمت لوړ او ځينو نورو کې لږ وي.

د پايلو اعلان

په ۱۴۰ هېوادونو کې تر ۱۲۰۰۰ څخه په ډېرو مراکزو کې ددې ازموينې له اخيستل کېدو ۱۴ ورځې وروسته یې پایلې اعلانېږي. ددې ازموينې نتيجه په ټوله نړۍ کې نږدې ۱۰ زره سازمانانو ته د اعتبار وړ دی. ددې ازموينه نتيجه تر دوو کلونو د اعتبار وړ ده او له دې ټاکلې مودې وروسته تاسو اړ یئ، چې بله ازموينه ورکړئ. 
 که په خپلو نمرو اعتراض لرئ کولای شئ د ځینو برخو پر نمرو او يا هم پر ټولې پايلې د بیا کتنې غوښتنه وکړئ. د بیا کتنې مرحله له ۵ نيولې تر ۸ اونيو په بر کې نيسي. خو دا مه هېروئ چې د بیا کتنې لپاره هم اړ یئ، چې پیسې ورکړئ. که ستاسو دعوه پر ځای وه نو ستاسو پیسې بېرته درکول کېږي، خو که دعوه مو بېځايه ستاسو پیسې بېرته نه درکول کېږي. نو پر همدې اساس که پر خپلې پارچې ډاډه نه یئ د بیا کتنې غوښتنه مه کوئ.

Related Articles

ولې ځيني خلک کيڼ لاسي وي ؟

هغه کسان چې د ورځني ژوند په ډېرېو چارو کې د ښي پر ځای کيڼ لاس کاروي ، کيڼ ېا چپلاسي ګڼل کېږي. شمېرې مختلفې دي خو ېو شمېر څېړونکي وايي چې د نړۍ د خلکو د ډلې څخه 15 په سلو کې ( ېا هر اوم کس ) کيڼلاسي دي .ځيني خلک فکر کوي چې ټول کيڼلاسي په کيڼ لاس ليکل کوي چې داسې نه ده او د کيڼلاسو ېو غټ شمېر ېې په ښي لاس هم ليکل کوي .د دې خبرې کره دليل لا څرګند نه د...

د موبایل کارولو زیانونه!

ژباړه ـ ریاض مقامزی په دې زمانه کې چې موږ ژوند کوو، له موبایل څخه لاس اخیستل او یا یې نه کارول تقریبا نا ممکن دی. دا ځکه چې پرته له موبایل څخه ورځنۍ چارې له خنډ او ځنډ سره مخ کېدای شي. له بلې خوا د موبایل ډېر کارول خپلې ستونزې هم لري؛ خو د موبایل په کارولو کې احتیاط کولای شي تاسو له دې ستونزو وژغوري. په دې لیکنه کې پر همدې موضوع خبرې کوو، چې د موب...

ھائيکو نما نظم- ليک محمد الياس طوطه کان ملاکنډ خيبر پښتونخوا

  ھائيکو نما نظم يا نظميه هائيکو هسې خو په پښتو شاعرۍ کښې بلها قسمه نظمونه ليکلے شوي دي خو زما په خيال د ھائيکو په رنګ نظم پکښې تر اوسه چا نه دے ليکلے. ما غوښته چې په دغه اړه کار اوشي. او  بيا زه په خپل کوشش کښې کامياب شوم او ھائيکو نما نظم مې په ۳ مئ ۲۰۱۰ کښې په بحيره عرب کښې هغه‌ وخت  اوليکلو کله چې ما په جھاز باندې نوکري کوله -  او د خيره اوس  ...

Recommended Articles

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...