لیکنه ـ ریاض مقامزی
په ژوند کې بریا د هر انسان هيله وي، خو آیا تر اوسه مو په دې اړه فکر کړی، چې د بریاليو خلکو هغه کومې ځانګړنې دي، چې دوی یې له نورو رابېل کړي او بریالی ژوند لري؟ په دې لیکنه کې پر همدې موضوع خبرې شوي او تاسو به د بریاليو خلکو دېرش "۳۰" ځانګړنې وپېژنئ! نو که تاسو هم غوښتل بريالي شئ همدا ځانګړنې په خپل ځان کې پيدا کړئ.
د بریاليو وګړو دېرش ځانګړنې
ـ بریالي خلک وخت بې ځايه نه تېروي.
ـ په ژوند کې مشخص اهداف لري.
ـ قوي او پياوړې اراده لري.
ـ د نورو په خبرو پسې نه ګرځي.
ـ خبرې یې کمې وي او عمل یې ډېر.
ـ خيالي بریاوو پسې نه ګرځي، بلکې کار کوي.
ـ د وخت تقاضا پېژني.
ـ د نورو احترام خپل احترام بولي.
ـ په اړيکو کې غور کوي.
ـ له نورو سره همکاري او کومک کوي.
ـ خپل نظاف ته خاصه پاملرنه کوي.
ـ د خپل صحت پر وړاندې بې غوره نه وي.
ـ بریالي خلک منظم خوب کوي.
ـ خپلې بړستنې سره سمې پښې غځوي.
ـ د نورو په کارونو کې بې ځایه مداخله نه کوي.
ـ د تېر په اړه هېڅ اندېښنه نه کوي.
ـ راتلونکي ته خوشبین وي.
ـ له اوسمهال (حال) څخه سمه ګټه پورته کوي.
ـ کوچني فرصتونه هم له لاسه نه ورکوي.
ـ پر ځان باور لري.
ـ ځان له نورو سره نه پرتله کوي.
ـ له هېچا تمه نه لري.
ـ پر خپلو وړتيا وو وياړي.
ـ د بخت پر ځای د کار پايلو ته ارزښت ورکوي.
ـ هر کار ته منظم پلان جوړوي.
ـ مهالوېش لري.
ـ پر خپلو مهارتونو کار کوي.
ـ خپلو کارونو سره مینه لري.
ـ لټي نه کوي.
ـ خپل کاري او شخصي ژوند سره بېل ساتي.
