ژباړه ـ ریاض مقامزی
ممیز د وچو ميوو له ډلې شمېرل کېږي. اصلا د انګورو له وچولو لاسته راځي. ځينې خلک یې د لمر په واسطه او ځينې نور یې د ماشينونو په واسطه وچوي. له ممیزو په بېلابېلو برخو مې ګټه اخیستل کېږي. دلته به یې په اړه بشپړ معلومات ولولئ!
ایا تاسو ته ممیز ښه دي؟
که څه هم د ممیزو دانې ډېر کوچني دي، خو له مغذي موادو څخه ډک دي. دا وچه مېوه انسان ته ډېره انرژي ورکوي نو ځکه خو باید په سفر کې له ځان سره ولرو. او هم غر ختونکو ته د انرژۍ ښه منبع ده.
ويټامينونه او غذایي ارزښت
ممیز د انرژۍ، فیبر، پروټین او کاربوهایدرایت ښه سرچينه ده. همدارنګه په کافي اندازه قند او کالوري هم لري. ددې ترڅنګ کلسترول یې صفر دی او نور ګڼ مغذي مواد هم لري، چې ستاسو بدن ته ګتور دي. لکه:
ويټامينونه:
ـ ويټامين سي
ـ فولات
ـ تیامین
ـ نیاسین
ـ ریبوفلاوین
ـ ويټامين بي ۶
ـ يانتوونتيک اسید
معدني مواد:
ـ پوتاشیم
ـ کلسیم
ـ مګنیزیم
ـ فاسفر
ـ اوسپنه
ـ سودیم
کالوري:
۴۳ ګرامه شاوخوا ۱۲۹ کالوري انرژي لری.
روغتيايي ګټې یې
ـ ستاسو هاْضمي سیستم فعال ساتي
ـ قبضیت مو له منځه وړي
ـ د وینې د کمښت مخنيوی کوي
ـ د غاښونو په روغتیا او پياوړتیا کې مهم رول لري
ـ د هډوکو روغتيا مو تضمينوي
ـ ستاسو د پوستکي سلامتيا ته ګټور دي
ـ د ويښتانو په پياوړتیا او ښه والي کې مرسته کوي
ـ د خوب په بهبود کې ګټور ثابتېږي
ـ د وینې غوړ مو مناسب ساتي
ـ د وینې فشار مو تنظیموي
ـ ستاسو د وزن په زیاتوالی کې مرسته کوي
ـ د بډوډو د فعالیت په ښه والی کې ګټور ثابتېږي
