د وطن ښکلاوې

Riaz Muqamzai
Riaz Muqamzai
Author
1 min read
4,548
د وطن ښکلاوې

لیکنه ـ ریاض مقامزی

له کورني ژوند او کاري ستړياوو وروسته هر انسان احساس کوي، چې باید یو چېرې په چکر ولاړ شي ترڅو ذهني او فزیکي سکون ومومي. په دې ترڅ کې ځينې خلک لویو ښارونو او ځينې نور بیا د طبیعت غېږې ته د ساعت تېرۍ لپاره پناه وړي. موږ په دې لیکنه تاسو ته د خپل وطن (افغانستان) داسې سیمې معرفي کوو، چې کولای شئ ورشئ او له ښکلاوو یې خوند واخلئ.

 

جنتي سیمې

پرته له شکه چې افغانستان یو ښکلی هېواد دی. طبیعي رنګارنګي یې د هر انسان لپاره زړه راښکونکي دي. پخوا چې وطن امن و، له ګڼو شرقي او غربي هېوادونو سیلانیان به ددې وطن لیدو ته راتلل؛ مګر له بده مرغه وروستيو څلور لسیزو جګړو دا هرڅه ختم او یا کمرنګه کړل.

اوس یو ځل بیا داسې برېښي، چې په هېواد کې جګړه پای ته رسېدلې ده. په دې هیله چې وطنوال نور د ارام ساه واخلي او له امنیت څخه په استفادې وکولای شي د وطن له دې ښکلاوو څخه لیدنه وکړي.

که څه هم زموږ د هېواد ټولې سیمې ښکلې دي؛ مګر بیا هم دلته د هغو ځايونو په اړه لولئ، چې ډېرې پېژندل شوې سیمې دي.

 

نورستان

دا سیمه د هېواد په ختيځ کې پرته ده. ګڼو ځنګلونو، شنو ورشوګانو او رڼو اوبو ددې ولایت ښکلا څو چنده ډېره کړې ده. د همدې ښکلا له امله په وروستیو کې نورستان د "ملي پارک" په نوم ونومول شو. 

که تاسو د هېواد کومې سیمې ته د ورتګ هوډ لرئ نو نورستان تر ټولو غوره انتخاب کېدای شي. د یو فعال سیلاني په توګه د طبیعي ښکلاوو ترڅنګ ددې ولایت له کلتوري او ژبنيو رنګارنګيو څخه هم ډېر څه زده کولای شئ.

خو که نورستان ته سفر کوئ، هڅه وکړئ ځايي خلکو سره اړیکه ولرئ. دا ځکه چې په یاد ولایت کې د هوټلونو ډېر امکانات نه وي. نو هسې نا چې شپې مو په جوماتونو او صحرا شي. 

 

بامیان

د ګران وطن بل ښکلی ولایت (بامیان) دی. دا ولایت د هېواد په مرکزي زون پورې اړه لري. که دې ولایت ته د چکر هوډ لرئ، نو کولای شئ د "بودا مجسمه"، چې تاریخي ارزښت لري وګورئ.  ددې ترڅنګ په یاد ولایت د "بند آمیر" سیمه هم د سیلانیانو لپاره یو مهم او ارزښتمن ځای بلل کېږي. 

 

دره نور او کامه

دا دوه ولسوالۍ په ختيځ کې د پروت ولایت (ننګرهار) اړوندې دي. کامه یوه شنه زراعتي سیمه ده، چې د ښېرازۍ اصلي راز یې د کونړ مست سیند بلل کېږي. ددې سیند په مرسته د کامې ټولې ځمکې خړوبېږي.

دره نور بیا غرنۍ علاقه ده. لوړ غرونه او ګڼې ونې ددې ولسوالۍ ښکلا څو چنده ډېروي. ددې ترڅنګ د یادې سیمې کلتوري جداوالی هم د پام وړ دی. ځايي خلک یې پشه یي ژبې دي. 

 

ځاځي اریوب

دا سیمه په پکتیا ولایت کې ده. تکې شنې سیمې، غرونه او لوی ـ لوی چمنونه ددې سیمې د ښکلا اصلي لاملونه بلل کېږي. د ډېرې ښيرازۍ له کبله یې ځينې خلک "د افغانستان سویزرلینډ" نوموي. که د طبیعت ښکلاوو د لیدلو هيله او ذوق لرئ نو "ځاځي اریوب" بهترین انتخاب کېدای شي.

له دې سره ـ سره کولای شئ له د بدخشان، پروان، سپین غر او نورو ولایتونو د سیمو له طبیعي ښکلاوو څخه هم لیدنه وکړئ. او که د لویو ښارونو د لیدلو علاقه لرئ، نو د کابل، مزار، هرات او جلال آباد نومونه د یادولو وړ دي.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د باچا خبرې
Pashto
Jan 21, 2022
2,847 views

د باچا خبرې

ليکنه ـ ریاض مقامزی   پرون د خان عبدالغفار خان د مړینې څلوردېرشتم تلین و. موږ او تاسو ټول پښتانه/افغانان باید دا نومیالی او منلی شخصیت وپېژنو او د باچاخان له هڅو، فکر او مبارزې څخه یو څه زده کړو. پدې لیکنه کې هڅه شوې ده، چې نوموړی تر یوه بریده در وپ...

Written by Riaz Muqamzai Read more
د پوستکي دانې ناروغي وپېژنئ!
Pashto
Jul 31, 2022
3,417 views

د پوستکي دانې ناروغي وپېژنئ!

 د لمپي سکين ناروغي Lumpy Skin Diseaseد پوستکي دانی ناروغي  د يو څه وخت راهيسي په ټولنيزو رسنيو کې ناسم مالومات خپرېږي؛ غواړو چې هيوادوالو سره سم مالومات شريک کړو.  ياده ناروغي څه کم سل کاله تاريخچه لري او تر اوسه پورې هيڅ قسمه کيس په انسانانو کې ن...

Written by Riaz Muqamzai Read more
پرسش و پاسخ مهم و ضروری برای انجنیر ساحوی
Dari
Jan 22, 2024
3,426 views

پرسش و پاسخ مهم و ضروری برای انجنیر ساحوی

✍🏻 | ۱۰۰ پرسش و پاسخ مهم و ضروری برای انجنیر ساحوی:—————————————————————۱- وظایف اساسی انجنیر ساحوی چیست؟» جواب: تطبیق نقشه، پلان و راپور آن به اداره مربوطه. ۲- در وقت خط اندازی در ساحه زاویه (۹۰) درجه کنج‌های تعمیر توسط کدام فارمول تعین میگردد؟» ج...

Written by Faridon Delsoz Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article