لهٔ نوي عصر سره سم لیکل شوی کتاب!
د وخت پهٔ تیریدو خلک لهٔ وخت سره سم لیکل شوي کتابونه ډېر خوښوي، ډیری د ناولونو لیکوالان خپلې کیسې لهٔ پخوانۍ دورې پیل کوي چې پکې لهٔ نن د پنځوس کاله مخکې کیسې ذکر شوې وي، خو څنګه چې خلک اوس پخواني فلمونه کم ګوري، همدارنګه لوستونکي هم د نوې زمانې نوې او تازه کیسې خوښوي، تر ډیره پهٔ ددې ډول کتابونو لپاره تر ټولو غوره مثال "ګلابو" ناول دئ، د نوموړي کتاب (ناول) لیکوال ځوان نعمت الله رحیمي دئ، تر هغه ځای چې مالومات شته نعمت الله رحیمي د یوې نیمې میاشتې پهٔ موده کې پنځه ناولونه لیکلي چې کتابونه یې یوازې پر آنلاین کتابتونونو کې شته، نعمت الله رحیمي د ۲۰۰۰ز کال د جنوري پهٔ لومړۍ نېټه نړۍ ته سترګې پرانیستې، د ښوونځي لومړنی زده کړې یې پهٔ خپل پلارني ټاټوبي وردګو کې سرته ورسولې له ۵ ټولګي وروسته یې کورنۍ د بد امنیتي وضیعت له عمله کابل ته را وکوچېده او لهٔ پنځم ټولګي وروسته یې د ښوونځي زده کړو ته پهٔ کابل کې دوام ورکړ، پهٔ ۲۰۱۸ز کې لهٔ ښوونځي فارغ شو لهٔ فراغت درئ کاله وروسته لهٔ ګرافیک ډیزاین فارغ شو، نوموړی ګرافیک ډیزاینر دئ، هغه وايي چې لیکل یې مینه ده او ځانته لیکوال نهٔ وايي خپل کتابونه یې پر آنلاین پلېټفارمونو خپروي تراوسه یې کوم کتاب نهٔ دئ چاپ شوی خو د هر ناول د مینوال پر خوله د نعمت الله رحیمي نوم دئ، ځکه هغه لهٔ زمانې او وخت سره سم خپل کتابونه لیکي، پهٔ ګلابو ناول کې د نوې ټکنالوژۍ، بد امنیتي وضیعت، مینې او ژوند ذکر پهٔ داسې ټکو شوی چې لهٔ لومړۍ پاڼې له لوستو وروسته یې تر پایه لوستلو ته لوستونکی اړ کوي.
