غرنېو خلکو د ځواکمنۍ راز

Ketabton
Ketabton
Author
1 min read
2,770
غرنېو خلکو د ځواکمنۍ راز

( موضوع سره تړلې زما د ژوند ېوه تجربه )
ډېر کلونه وړاندې مې بلاخره د ماشومتوب د دوران ېو ارمان پوره شو او وتوانېدم چې د سپين غر څوکې ته پورته شم .
کيسه داسې وه چې ېوه ډله کابلي (!) شينواري چې زه هم دې ډله کې وم تر ډېرو کلونو وروسته خپلې ولسوالۍ ( هسکې مېنې) او کلي ته د چکر لپاره ولاړو . تر څو ورځو تېرولو وروسته مو پرېکړه وکړه چې سپين غره ته وخيژو ، ځانونه مو سمبال، ېو ځايي لارښودونکي ملګري راته مخکې او موږ ورپسې شو . کافي اوږد مزل مو وکړ ، له ډېرو درو ، غونډۍ ګانو ، خوړونو او شنو ځنګلونوڅخه تېر او په پای کې غره ته ورنږدې شو .
له کلي څخه غر نږدې ښکاریده خو د ستړي مزل په نتېجه کې پوه شو چې دومره نږدې هم نه دی . کله خو به مو ېو وړوکی غر مخې ته راغی او داسې به ښکارېدل چې بس همدا غر دی او شاته ېې نو انشاالله سپين غر ولاړ دی خو هغې پسې به بل و او هغې پسې هم ېو بل ...
لنډه دا چې تر څو موږ د رښتيني سپين غره لمنې ته رسېدو دې نورو غرونو راڅخه کوچ ويستلي وو .
پای کې د رښتیا ځای ته ورسېدو . دا د سپين غره مخې ته پروت وروستی منځنی غر و او چې پر دې ورواوړو نو شاته ېې سپين غر دی . خو دغه وروستی هم څه عادی غر نه و او ېو نيم ځای کې خو به لکه دېوال ستوغ و او ورختلو ېې ډېر کمال او انرژي غوښتل .
حرکت مو وکړ او تر څو ساعتونو مزل وروسته چې د غره تقريبا دوه پر درې برخه مو وهلې وه ، ېو ځل بېا دمې ته ودرېدو . د ټولو خولې او شونډې وچې وې او په سختۍ مو سا اخيسته ، او همدې وخت کې ېوه جالبه پېښه وشوه چې تر اوسه مې ذهن کې پاتې ده .
متوجې شوم چې لاندی ، غره ته په راختونکې لار ېو دوه کسان پورته راروان دي . واټن دومره و چې نه ښکارېدل څوک دي خو جالبه دا وه چې دغه کسان داسې په هوساېنې ، ټينګو او ډاډه ګامونو راروان وو ، لکه په غر چې نه وي بلکې سمه هواره ځمکه وي .
لنډه دا چې د تمې خلاف دا خلک ډېر ژر تر موږ راورسېدل ، تر څنګ مو تېر او د غره په کږلېچونو کې پناه شول .
موږ هم هغه وخت ډېر حېران شو او تاسې به هم حېران شی که پوه شې چې دا دوه کسان څوک وو . ېوه ېې - یوه مېرمن وه چې د وړو نيمه بوجۍ ېې هم پر سر وه او دوهم ېو څوارلس - پنځلس کلن ځلمکی و چې د وړو بوجۍ دوهمه نيمايي ېې تر شا کړې وه ...
کله چې موږ د همدې غره سر ته ورسېدو ، هلته اوسېدونکي ېو شپون مو هرکلی وکړ ، خپلې ساده غرنۍ حجرې ته ېې دعوت کړو چې له تيږو ( ډبرو) څخه جوړه وه .
څو دقیقو کې همغه زلمکي چې زموږ تر څنګ راتېر شوی و ، په ېخو اوبو او ورپسې زبردسته شين چای ونازولو او بېا ېې ېو ډېره خوندوره غرمه هم راباندې وکړه چې همغې مېرمنې تیاره کړې وه ...
موږ غرونو ته د ختلو او کښېوتلو په لارو کې د نورو ځايي خلکو سره هم مخ شو خو ېو شي چې زه ورته متوجې شوم : زموږ ټول ملګري ډېر ستړي وو ، په سختۍ سره ېې سا اخيسته او خبرې کولې خو ځايي خلک په لاره کې چابک روان وو ، ګپونه ېې ويشتل ، زورورو غږونو به ېې غره کې انګازې کولې او په پوره آرامۍ ېې تنفس کاوه ...
دغه موضوع ماته جالبه وه او غوښتل می پوه شم د غرنېو خلک د قوت اصلي راز په څه کې دی . خو نن مې لاندنۍ لنډه څېړنه ولوسته او سوال مې تقريبا حل شو .
علمي څېړنې ښيي چې د غرونو اوسيدونکي د هواری د خلکو په پرتله داسې ژينيتيکي او عادتي- بدني امتېازات لري چې له مخې ېې اسانۍ سره غرونو کې ژوند کولی شي . د تبېت ( چين کې ېو غرنۍ سيمه ده ) او ځنې نورو غرنېو سيمو پر خلکو تر څېړنو وروسته ثابته شوې چې د دغو خلکو د سږو ( پپړوس -ششونو ) حجم او ظرفېت نسبت نورو خلکو ته زېات دی . همدارنګه په هوا کې د اکسيجن د کمښت په وړاندې د هغوي د وجود غبرګون ( عکس العمل ) هم متفاوت دی : که چېرته موږ د اکسيجن د کمښت په نتېجه کې د سردردۍ ، سرڅرخون احساس ، سابندۍ او د وينې ټيټ فشار سره مخامخ کېږو نو د هغوي بدن لا د پخوا څخه د دغو ستونزو مقابل کې معافېت حاصل کړی او سږي ېې په عادي ډول خپل کار ته دوام ورکوي .

0 Comments

Sign in to leave a comment.

No comments yet. Be the first to share your thoughts.

Related Articles

3 articles
موږ له خپل هیواده څومره خبر یو؟
Pashto
Jan 27, 2022
2,789 views

موږ له خپل هیواده څومره خبر یو؟

تاسې که ایراني، پاکستاني، هندي او یا سیمه کې د نورو هیوادونو ځوانانو سره وګوری، هغو د خپلو هیوادونو په جغرافیه، تاریخ، سیاست او عیني واقعتونو ډیر اګاه او برلاسي وي خو بر عکس که موږ افغانان ځانته متوجې شو په بحثونو کې مو لېوالتیا ډیره وي خو د خپل هیوا...

Written by Waheed Zaheer Read more
د شکر ناروغۍ نښې؛ (ستړيا، تنده او...)
Pashto
Nov 15, 2020
6,222 views

د شکر ناروغۍ نښې؛ (ستړيا، تنده او...)

شکر په نړۍ کې یو له ډېرېدونکو ناروغيو څخه دی. په دې لیکنه کې به تاسو د شکرې ناروغۍ پر ځينو عمده علايمو پوه شئ. د امریکا د ارواپوهانو ټولنې اعلان کړی، چې اوسني ځوانان د مخکينيو لسیزو له ځوانانو څخه ډېر تر فشار لاندې ژوند لري. همدې ټکي ته په پام پر شکر...

Written by Riaz Muqamzai Read more
ناول څه ته وایي؟
Pashto
May 26, 2022
7,118 views

ناول څه ته وایي؟

ناول څه ته وایي؟ لیکنه او راټولونه: شکېبا نادري په ټوله کې ادبیات په دوو سترو برخو ویشل شوي چې یوه یې منظومه او بله یې منثوره برخه ده. په منظومه برخه کې یې شعر، نظم او داسې نور راځي او په منثوره کې یې لنډه کیسه، ناول، رومان، داستان او داسې نور چوکا...

Written by imranghani Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article