To start downloading books

Please sign in or create an account.

د لیونل میسي لنډ ژوندلیک

د لیونل میسي لنډ ژوندلیک

لیکنه ـ ریاض مقامزی

د مینه والو په لحاظ فوټبال د نړۍ لومړۍ درجه لوبه ده. په ځانګړې توګه په اروپا او امریکا کې یې د مینه والو شمېر بېخي زیات دی. ددې لوبې د کال غوره لوبغاړی یوه ارزښتناکه جایزه ترلاسه کوي، چې سږکال د ارجنټاين د فوټبال ملي لوبډلې او د پاریس سن ژرمن "Paris Saint-Germain" کلب بریدګر لوبغاړي "لیونل میسي" وکولای شول د اووم ځل لپاره هم دا ارزښتناکه جایزه (د سروزرو توپ) پخپل نوم کړي؛ د فوټبال د نړۍ دا ارزښتناکه جایزه هر کال د فرانس مجلې له لوري د کال غوره فوټبالر ته ورکول کېږي. شاید تاسو ته به هم د میسي د ژوند په اړه ګڼې پوښتنې ولرئ. همدې اړتیا ته په کتو مو دا لیکنه چمتو کړه.

 

د لیونل میسي لنډ ژوندلیک!

وړاندې له دې چې د فوټبال لوبې ددې کمساري لوبغاړي په اړه پر بشپړو جزئياتو پوه شو، راځئ چې په اړه یې تر یوه بریده معلومات ترلاسه کړو.

 

  • بشپړ نوم ـ لیونل آندرس ميسي
  • د زېږېدو ځای ـ روساریو، ارجنټاين
  • قد ـ ۱۶۹ سانتي متر
  • په لوبډله کې یې دنده ـ بریدګر
  • د کمیس نمبر ـ ۱۰
  • مدني حالت ـ متاهل

 

میسي د "۱۹۸۷ز" کال د جون په څلورویشتمه نېټه د ارجنټاين په روساریو ښار کې وزېږېد. نوموړی دوه نور وروڼه چې "رودریگو؛ ماتیاس" نومېږي او د "ماریا سل" په نوم یوه خور هم لري. میسي د ارجنټاين د ملي لوبډلې او د هسپانیې بارسلونا کلب لپاره هم لوبېږي. 

د معلوماتو له مخې نوموړي له کوچنیوالي فوټبال سره علاقه لرله او په پنځه کلنۍ کې یې دې لوبې ته مخه کړې ده. لا مهمه دا چې د نوموړي پلار هم د "ګراوندلي" فوټبال ټيم روزنکی و. په "۱۹۹۵ز" کال کې د ارجنټاين له "نیوولز اولدبویز" لوبډلې سره يو ځای شو. سربېره پر دې چې په یوولس کلنۍ کې ډاکټرانو وویل نوموړی د ودې د هورمون له کمښت سره مخ دی، بیا هم د "ریور پلاته" کلب د میسي د اخیستلو ته لېوالتیا وښوده؛ خو ستونزه دا وه، چې هغوی یې د درملنې لپاره کافي پیسې نه درلودې. په دې وخت کې د بارسلونا کلب ورزشي مدیر (کارلوس ریساچ) د میسي له پیاوړي استعداد څخه خبر شو. نوموړي د میسي له لوبې لیدلو وروسته قرارداد ورسره امضا کړ. د بارسلونا کلب وړاندیز وکړ، چې د میسي د درملنې ټول مصارف به پر غاړه واخلي؛ خو په دې شرط چې نوموړی د یو نوي ژوند د شروع لپاره هسپانيا ته راشي. په دې سره میسي له خپلې کورنۍ سره يو ځای اروپا ته وکوچېد او د بارسلونا د ځوانانو په لوبډله کې یې لوبه پیل کړه. په دې توګه هغه د نړۍ د یو بهترین فوټبال کلب غړی شو. چې په ګڼو لوبو کې یې خپل استعداد وښود او ډېرې لوبې یې وکړې/کوي. تر اوسه یې د فوټبال په نړۍ کې لسګونه جایزې ترلاسه کړي دي او لا هم خپلو ټيمونو لپاره لوبې کوي/ګڼې لاسته راوړنې هم لري.

 

د سرو زرو توپونه

میسي د سږ کال په شمول اووه ځلې دا غوره جایزه ترلاسه کړې ده. نوموړی د خپل کمساري استعداد پر مټ له نورو ګڼو لاسته راوړنو ترڅنګ د سرو زرو توپ هم ترلاسه کوي. نوموړي دغه توپونه په ۲۰۰۹، ۲۰۱‍۰، ۲۰۱۱، ۲۰۱۲، ۲۰۱۵ او ۲۰۱۹ او ۲۰۲۱ز کلونو کي ګټلي دي.

Related Articles

د ښو عطرو اړوند

لږ د عطرو اړوند  زموږ په ټولنه کې د ښو عطرو معيار تيزوالی، زياتو خلکو پورې رسېدونکی او زيات وخت پاتې کېدونکې عطر يا سپری ګانې دي .همدا لامل دی چې اکثره استعمال کيدونکي عطرونه د شامپو يا صابونونو کيمايي مواد وي، يا هم جعلي عود ډېر زيات مشهوره دي . همدا لامل دی چې زياتره خلکو نه په ژوندون باندې د وفات شويو بنګاليانو بوي زي .شل ديرش کاله مخکې به عربو...

امریکا DV لاټری

د 2025 کال د DV لاټرۍ اړوند لنډ معلومات.انشاءالله مونږ به داسې سهولت درته برابر کړو،چې هر څوک به پخپله ثبت نام وکړئ. د امریکا DV  لاټرې به د روان 2023/10/04 تاریخ د پنځم په ورځ نوم لیکنه پیل شي. او د 2023/11/07 تاریخ د غرمې په 12 بجو به یې نوم لیکنه پای ته ورسیږي.چي ټوتل به یې نوم لیکنه 33 ورځې وخت ونیسې. دا لاټرۍ به د 2025 کال لپاره وي.او نتیجه ب...

کجکي ډيم

د کجکي ډيم په هکله معلومات1: د کجکي بند د ظاهر شاه په دوران کښي په 1953 کال کښي جوړ شوی دی2: کجکي ته د 46588 کیلو متره مربع ساحي څخه د باران او واوري اوبه راځي3: د کجکي بند د 1715 ميليون متره مکعب اوبو د ذخيره کولو لپاره ډيزاين شوى وو چي اوس يى د ظرفيت اندازه 1134ميليون متره مکعب ته راکښته شوي ده  5: د کجکي بند د 150 میګاه واټه برق د تولید ظرفیت لر...

Recommended Articles

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....